FuldmægtigMeeqqat Innarluutilinnullu Ingerlatsivimmi allaffimmi fuldmægtig / ingerlatsinermut siunnersorti

Meeqqat Innarluutilinnullu Ingerlatsivimmi allaffimmi fuldmægtig / ingerlatsinermut siunnersorti.

Atorfinittussaq juulip ulluisa aallaqqaataa 2025 imaluunniitisumaqatigiissuteqarnikkut atorfinittussaq.

Ulluinnarni ingerlatsinerup ingerlalluarnissaa qularnaarniarlugu pingaarutilimmik inissisimassaatit, sulinikkullu suliassaqarfiit tapersersugarissavatit innuttaasunik sullissinerminnik aallussisinnaaniassammata. Ulluinnarni innuttaasunut, sulisunut kiisalu suleqatinut allanut assut attaveqartassaatit, ingerlatsiviullu ajornaatsumik attavigineqarsinnaanissaaa suliassavit pingaarnersaasa ilagissavaat.

Suliassaqarfiit akimorlugit suliaqartartut amerlanngitsut ilagissavaatsit, taamaammallu ingerlatsiviit akornanni ataqatigiissaarineq attaveqatigiinnerlu pillugit ingerlatsivimmi pisortaq tapersersugarissavat.

Ilinnut tunngasut

Suleqatissarsiorpugut assorsuaq sullissiumatuumik allaffissornikkut piginnaasaqarluartumik. Suliassat annerit minnerillu aqutsisunut tapersersuiffiusut eqqarsaatigalugit namminersorlutit sulisinnaassuseqassaatit utaqqiinarnallu nammineq suliassarsiortassallutit kiisalu immikkoortortat akornanni ulluinnarni aporfiusartut qaangertassallugit. Atorfimmut naleqquttuussaguit ilikkajasuussaatit, aaqqissuussamik suleriaaseqassaatit, naammagittartuussaatit, allanngortoqarnissaanut piareersimassaatit tamanillu attaveqarsinnaassallutit.

Suliffik Qaqortumi Ilaqutariinnik Sullissivimmi inissisimavoq, kisiannili Meeqqanut Innarluutilinnullu Ingerlatsivimmik tamarmiusumik sulisunut amerlanngitsunnguanut ilaassaatit.Ingerlatsiviup pisortaa qullersarissavat.

Meeqqanut Innarluutilinnullu Ingerlatsivimmipput Meeqqanut Inuusuttuaqqanullu Sullissivik kiisalu Innarluutilinnik Sullissivik, suliassaqarfinni taakkunani ilaatigut ilaqutariit paarsisartut, ilaqutariinnik sullissivimmut tunngasut kiisalu innarluutilinnut ineqartitsiviit eqqarsaatigalugit suliassalerineq iliuuseqartarnerlu ilaaput.

Suliassatit ilaatigut makkuussapput: 

• Qaqortumi Ilaqutariinnik Sullissivimmut orniguttartut tigusassallugit.
• Ingerlatsiviup oqarasuaataa pingaarneq akisassavat taavalu inuit oqaluusassaannut nuuttassallugit imaluunnit sullissisumik allanillu naapititsinissaannut piffissamik tunisassallugit.
• Ingerlatsiviup ataatsimut mailia nakkutigissallugu taavalu saaffiginnissutit takkuttartut agguataartassallugit, soorlu mailit isumakuluutigisanik nalunaarutiginninnerit aammalu suliassanik ingerlatsisunut agguataarinerit.
• Ingerlsiviit akornanni suleriaatsit assigiiaat attaveqatigiilluarnerlu tapersersussallugit, soorlu ataatsimut ataatsimiinnissanut aggersaasarluni aammalu ilisimatitsissutinik nassiussisarluni ingerlatsiviup pisortaa sinnerlugu.
• Ingerlatsivimmi aqutsisut sullittassallugit, soorlu nutaanik atorfinitsitsisoqartussaatillugu.
• Sulinngitsoornernut takussutissamik, oqarasuaatit normuisa allattorsimaffiannik attavigisartakkallu allattorsimaffiannik nutarterisarneq.
• Pisattanik pisarialinnik, IT-kkut atortorissaarutinik, ulluinnarni ingerlatsinermut nioqqutissanik inniminniisarneq kiisalu pisattat allattorsimaffianik suliaqarneq.
• Ingerlatsiviup inissiaataasa inunnit eqqortunik sullinneqarnerannik qulakkeerinnittarneq, taamaalilluni suliffeqarfik tulluarsagaaniassammat, eqqiluitsuuniassammat immikkoortortaqarfiullu pisariaqartinneqartut eqqortinneqarniassammata.
• Suliassat allat takkussortut.

Naatsorsuutigaarput illit:

• Naleqquttumik ilinniagaqartutit, soorlu TNI imaluunniit pisortat allaffissorneranni ilinniagartuutut ilinnirsimaneq
• Oqaatsitigut allaffissornikkullu attaveqaqatigiillaqqinneq.
• Sullisserususussuseqarluartuusutit, namminersortuusutit, pisussaaffinnik eqqortitsisartutit, ikiuerusussuseqartutit suliartornissamullu aalajaatsuusutit
• Suliassat pillugit toqqorsivitsivinnik nakkutilliisinnaanngorlutit, onlinekkut inniminniisarnermut systeminik nalinginnaasunik, ataatsimiigiaqqusissutinik aamma inissanik nuunnissamullu inniminniissutinik suliaqarsinnaallutit IT-mut paasisimasaqartutit
• Sulianik amerlasuunik ataatsikkut takunnissinnaasutit aammalu sulinermi tatisimaneqarneq apeqqutaatinnagu aperineqarsinnaasutit

Ilinnut neqeroorutigisinnaasavut:

• Sullivik qitiusoq suliassanillu assigiinngiiaartunik pissanganartunik suliassaqarfiusoq
• Suliffik isumaqarluartoq, sulinikkut meeqqanut inuusuttuaqqanullu kiisalu innarluutilinnut allanngueqataaffigisinnaasat.
• Suliffeqarfitsialak aalaakkaasoq suleqatigiilluarfiusoq atugarissaarnermillu qitiutitsisoq
• Persuarsiorpasinngitsumik ataqqinnittumillu pissusilersortarneq, aamma ulapikkaangatta

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Akissarsiat atorfeqarnermilu atugassarititaasut

Akissarsiatigut atorfininnermilu piumasaqaatit, tassunga ilanngullugit atorfininnermi soraarnermilu angalanissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup akornanni isumaqatigiissutaat piffissami atorfininnermi atuuttut malillugit pissapput.

Ineqarneq

Atorfik initaqanngilaq

Paasissutissat allat

Atorfik pillugu itinerusumik paasisaqarnerorusukkuit saaffigisinnaavat Tina Abildgaard, chef for Forvaltning for Børn og Personer med Handicap via mail, tiab@kujalleq.gl

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik juunip ulluisa arferngat 2025.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: juunip 4.-at, 2025

Atorfik una qinnuteqarfigiuk