AtaqatigiissaarisoqIlaqutariinnik aqqutissiuineq

Ilaqutariinnik aqqutissiuineq – Ataqatigiissaarisoq

Ilaqutariinnik aqqutissiuinermi sulianik ataqatigiissaarisinnaasumik pikkorissumik tunniusimasumillu sulisussarsiorpugut. Atorfik inuttalerneqarsinnaavoq martsip ulluisa aallaqqaataat 2025 imaluunniit isumaqatigiissuteqartoqarnikkut.

Ilaqutariinnik aqqutissiuineq isumaginninnermi suliaqarnermi suleriuserineqarsinnaalluartutut isigineqarpoq. Periuserineqartup ilaqutariittut aaqqissugaaneq aallarnerfigaa, tamannalu kalaallit ilaqutariittut kulturiannut naleqqulluinnarpoq.

Ilaqutariinni aqqutissioqatigiinneq aalajangiinermut periaasiuvoq atorneqartartoq, meeraq immikkut ittunik ajornartorsiuteqaraangat. Ilaqutariinni aqqutissioqatigiinneq periusaavoq angajoqqaat meerarlu qanigisatik peqatigalugit namminneq pilersaarusior­figisinnaasaat aamma pilersaarusiaminnik naammassillugu piviusunngortitsisinnaafiat.

Ilaqutariinni aqqutissioqatigiinneq aalajangiinermi ingerlatsinermi killiliineruvoq katsorsaariaatsimik eqqartuinngitsoq.

Ilaqutariinni aqqutissioqatigiinneq neqeroorutigineqar­sinnaavoq, meeqqap peqqissusaa, alliartornera ineriartorneralu eqqasunnaraangat navia­nartoqaraangalluunniit. Periaatsip aallaavigaa ilaqutariit tamarmik isumalluuteqarnerat aamma ilaqutariit isumaginninnermi ajornartorsiutillit. Ilaqutariinni aqqutissioqatigiinner­mi ilaqutariit ilaquttaminnik, ikinngutiminnik imaluunniit inunnik allanik meeqqap inuune­ranut pingaarutilinnik naapiffigaat. Peqataasut tamarmik, meeqqap aamma ilaqutaasut inuunerat qanoq pitsannguiffigineqarsinnaanersoq Ilaqutariinni aqqutissioqatigiinneq pisarpoq ilaqutariit aamma ilinniarsimasut attaveqaataasartut peqatigalugit.

Periuseq Ilaqutariinnik aqqutsissiuineq Kommune Kujallermi atornerqarpoq, ataqatigiissaarisutullu periutsimik ineriartortitseqataassaatit. Namminersortumik suliaqangaatsiassaatit aamma suleqatitit qaninnerpaat (ataqatigiissaarisoq) ilaqutariinnillu sullissivimmi sulisut allat.

Aqutsisup Ilaqutariinnut Sullissivimmi aqutsisoq qaninnertut aqutsisorissavaa.

Ataqatigiissaarisutut ilaqutariinnik aqqutissiuinermi periutsip Qaqortumi, Narsami Nanortalimmilu atuutilersinneqarnissaa ataqatigiissaassavat, tamannalu Kommune Kujallermi illoqarfinnut nunaqarfinnullu angalasarnissamik ilaqarpoq. Suliffiit Qaqortumiissaaq.

Ataqatigiissaarisutut, ilaqutariinnik aqqutissiuinermi aallarnisaasinnaasutut imminut takorloorsinnaaguit, taava immaqa meeqqanut ilaqutariinnullu immikkoortortaqarfimmi suleqatissaraatsigit.

Ataqatigiissaarisup suliassaasa nassuiaataat:

• Ataqatigiissaarisup suliaqarfiani ulluinnarni akisussaasoq, suliassat ataqatigiissaarlugit, sulianut tunngatillugu avitseqatigiinneq oqaloqatigiinnikkullu oqilisaaneq, sulianik assigiinngitsunik aallarniisunik suliat pillugit ataatsimiisitsinerit, tassani ilaqutariinnik aqqutissiuinissamut siunnersuillunilu sulianik tulluarsaasassalluni.
• Aaqqissugaalluartumik suliaqarnissamut, ilaqutariittut aaqqissugaanermut aamma ernumassutsimut uuttuut pillugit ilisimasaqarneq.
• Suliaqarfimmi aqutsisunut pisortanullu paasissutissiinissamut akisussaasoq.
• Suliaqarfimmi periutsip ersarissarnissaanut ineriartorteqqinnissaanullu akisussaasoq.
• Suliaqarfimmi suliniummi siunertap anguneqarnissaanut suliat ineriartortinneqaqqinnissaannut, suliaqarfimmi suliat pitsaassusaasa qulakkeernissaannut akisussaasoq.
• Ilaqutariinnik aqqutissiuinermik aallartisaanissamut akisussaasoq.
• Ineriartortitassanik aqutsisunut siunnersuusiornissamut akisussaasoq.
• Suliaqarfinni marlunnut periutsip atuutsilernissaanut akisussaasoq, sullissisut periutsip iluaqutaassusaanik ilisimasaqarnissaannut akisussaasoq.
• Suliassaqarfimmi sullissisut tamarmik suleqatiginissaannut akisussaasoq.
• Periuseq pillugu saqqummiineq.
• Ilaqutariit aqqutissiuunneqarnissaannut innersuunneqarsimasut ingerlatsisussallu nalunaarsornissaannut akisussaasoq.
• Periutsip nalilersornissaanut nalilersuinissamut, sunniuteqarneranut nalilersuineq - nalilersuinissamut immersugassanut akisussaasoq.
• Suliassaqarfimmi paasisat nutaat aammalu nalilersuinerit malinnaaviginissaannut akisussaasoq.
• Quppersakkanik nalilersuivinnillu suliaqarnissamut akisussaasoq.

Ilinnut tunngasut:

Matuma ataani allassimasut amerlanersaat ilinnit naatsorsuutigaavut:

• Isumaginninnermi siunnersortitut, perorsaasutut imaluunniit assingusumik ilinniagaqarsimassaatit. Imaluunniit meeqqanik ilaqutariinnillu sullissinissamut naleqquttumik ilinniagaqartutit, imaluunniit ilaqutariinnik annertuunik ajornartorsiutilinnik sullitaqarnermik siammasissumik ilisimasaqartutit misilittagaqartutillu.
• Attaveqallaqqissoq, ajornartorsiutinut akulerussinnaasoq, ajornartorsiortunut aaqqeeqataaniarnermik suliaqarsinnaasoq.
• Allanngueriaatsinik suliaqarnermik misilittagaqartutit/allanngortiterinermik misilittagaqartutit
• Oqilisaalluni oqaloqatiginninnermik misilittagaqartutit (supervision).
• Suleriaatsini tamaginni suleqateqallaqqissutsit, ataqatigiissaarisumut aqutsisullu
• Aaqqissugaasumik suleriuseqartutit, suliakkiillaqqissutit aammalu suliassat pilersaarusiullaqqikkitit.
• Inuttut sulinermilu tutsuiginartuuvutit sunniuteqarsinnaassuseqarluarlutillu.
• Namminersorluni sulisinnaasoq taavalu allanik qanimut suleqateqarsinnaasoq sulianik aaqqissuussillaqqissoq, ataqatigiissaarillaqqissoq, pilersaarusiullaqqissoq malinnaallaqqissorlu.

Neqeroorutigaavut:

• Suliffik pissanganartoq, pikkunartoq ineriartortitassaqarluartorlu.
• Suliffik pitsaasumik illutalik atugarissaarfiusorlu.
• Suleqatit pikkorissut tunniusimasullu.
• Piginnaasanik ineriartortitsineq

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfimmi pineqaatissinneqarsimannginnermut aammalu meeqqanik innarliisimannginnermut uppernarsaatit inatsisitigut piumasarineqarput. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

Meeqqanik pinerliisimannginnermut uppernarsaat kommunimit akuersissutitalik pineqassaaq, qinnuteqartup Politiinit pissavaa.

Akissarsiatigut atorfeqarnermilu atugassarititaasut:

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq Sapaatip akunneranut akunnerit 40-t suliffiupput.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il il akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfininnerup kinguninnguagut sulisutut inissamik innersuussisoqarsinnaanngippat sulisut utaqqiisaasumik ineqarsinnaatitaasut utaqqiisaasumik inissaminnik neqeroorfigineqassapput, tassungalu ineqarnermut, atuinermut allanullu siuliani oqaatigineqartut malillugit akiliisoqartassaaq. Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Atorfik pillugu paasissutissat sukumiinerusut pissarsiarineqarsinnaapput Qaqortumi ilaqutariinnik sullissivimmi pisortaagallartoq saaffigalugu: Kirsten Brandt Davidsen mail: kibd@kujalleq.gl allaffimmi oqarasuaat: +299 64 80 69.

Qinnuteqarneq:

Qinnuteqaatip ilisarnaataa, aamma ilinniagaqarsimaneq siornatigullu sulisimanerit pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani Sulisoqarnermut immikkoortortaqarfimmit tiguneqareersimassaaq.

Ima qinnuteqassaatit:

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik februaarip ulluisa 24-iat2025 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: februaarip 24.-at, 2025

Atorfik una qinnuteqarfigiuk