Naatsorsuuserisoqarfimmi pisortaq

Naatsorsuuserisoqarfimmi pisortaq

Atorfiniffissaq juunip ulluisa aallaqqaataa 2025 isumaqatigiissuteqarnikkulluunniit atorfinittussaq.

Atortorissaarutinik atuilluarsinnaasumik, aaqqiissutissanik ujartuillaqqissumik kiisalu suliatigut pitsaasumik  isumaliortartumik naatsorsuuserisoqarfimmut pisortassarsiorpugut. Naatsorsuuserisoqarfimmi pisortatut aningaasatigut sammiviit tamaasa tamakkiisumik akisussaaffigissavatit aammalu ulluinnarni aqutsinermi qitiulluinnartumik inissisimassallutit, aningaasaqarnermut tunngatillugu saqqumiinnernut aalajangiinernullu aqutsisoqatigiit suleqataaffigissallugit.

Aningaasaqarnermut pisortaq qaninnertut pisortarissavat.

Naatsorsuuserisoqarfimmi pisortatut naatsorsuutit eqqortumik suliarineqartuarnissaat akisussaaffigissavat.

Atorfik inuttalerusunneqarpoq juulip aallaqqaataani 2025 isumaqatigiissuteqarnikkulluunniit.

Naatsorsuuserisoqarfimmi pisortaq suleqatigikkuminartuussaaq; innuttaasut, suleqatit, suleriutsit kiisalu sulinermi qiimalluni eqinnaatsumillu suleriusilik.

Suliassat:

• Eqqortumik naatsorsuutinik nalunaarsuinerup, naligiissaarinerup kiisalu akiligassalinnut akiligassaqarfinnullu ingerlaavartumik malitseqartitsisarnissap qulakkeernissaa.
• Kisitsinik ilisimasaqarneq kiisalu IT-mik piginnaasaqarneq, tamatumani naatsorsuutigilerinermik aammalu aningaasatigut nalunaarusiornermik ilisimasaqarluarneq.
• Aningaasanut atortorissaarummik (økonomisystem) attassineq pitsanngorsaanerlu.
• Sulisut tamarmik ingerlaqatigiinnissaat anguniarlugu aqutsinermik, aaqqissuussinermik kajumissaarinermillu piginnaasalik.
• Suliat assigiinngitsut takkuttut pillugit pisortaqatigiinnik suleqateqarneq
• Aningaasaqarnermut pisortaq suleqatigalugu aningaasatigut killiffimmik nalunnaarusiorneq
• Suliaqarfinni tamani attaveqaqateqallaqqissoq suleqateqallaqqissorlu.

Piginnaasassat:

• Naleqquttunik ilinniagaqartutit.
• ERP-system Microsoft Dynamix AX pillugu ilisimasaqartutit.
• Excel atorlugu suliaqarnermi misilittagaqarluartutit.
• Aqutsisutut sulinissamut pisareersimassaatit, nammineerlutillu suliniuteqallaqqissuullutit.
• Suliassanik siuariartortitsinissamut akisussaaffeqarnissannut aamma suliassat suliarineranni pitsaassutsimik qularnaarinninnissannut piareersimassasutit.
• Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaassuseqarluassasutit.
• Kalaallisut danskisullu allattarissanik oqaluinnarlutillu erseqqissuliorsinnaassasutit.

Ilinnut tunngasut:

Takorloorparput peqqissaartuusutit, torersumik aaqqissukkamillu suleriuseqartutit. Suliassaqarfik sinnerlugu suliniuteqarumasuusutit, aqutsinikkut suleqatigiittut angusaqaqatigiinnissamut piumassusilisutit. Inuttut tunniusimasuusutit pitsaasumillu attaveqaqatigiinnermik piginnaasaqartutit, taamaasiornikkut aaqqissugaanermi suleqatit assigiinngitsut tatiginartumik pitsaasumik attavigisinnaallugit.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit Nunaanni Namminersorlutik Oqartussat kattuffiullu isumaqatiginniarsinaatitaasup attuumassuteqarfigisap akornanni isumaqatigiissutaasut atorfininnerup nalaani atuutut naapertorlugit ingerlanneqassapput.

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

Atorfik pillugu paasissutissat sukumiinerusut Aningaasaqarnermut Pisortaq Arne Andersen e-mailikkut: arnd@kujalleq.gl atorlugu saaffigalugu pissarsiarineqarsinnaapput.

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput maajip ulluisa 19-iat 2025 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: maajip 19.-at, 2025

Atorfik una qinnuteqarfigiuk