Ilinniagaqalernissamut AqqutissiuisoqQaqortumi Majoriami

Qaqortumi Majoriami ilinniagaqalernissamut aqqutissiuisoq

Qaqortumi Majoriaq ilinniagaqalernissamut aqqutissiuisumik pikkorissumik tunniusimasumillu februaarip ulluisa aallaqqaataa 2026 imaluunniit isumaqatigiissuteqarnikkut atorfinittussamik pissarsiorpoq.

Ilinniagaqalernissamut aqqutissiuisup suliassai pingaarnerit tassaassapput:

• Inuusuttunut sulinermut sungiusartunut attaveqaataaneq aqqutissiuinerlu
• Inuusuttunut ataasiakkaanut periusissianik pilersaarusiorneq nangitsinerlu
• Ilinniartitaaneq piginnaanngorsarnerlu pillugit oqaloqatiginninnerit qulaajaanerillu

Tamatuma saniatigut suliassanut allanut peqataaneq, soorlu

• Ilinniartitaaneq pillugu aqqutissiuineq sullisinerlu
• Atuartunik sullissineq
• Atuartunut suliffimmilu ilinniartunut tunngasutigut allaffissornikkut sulineq
• ilinniagaqalernissaq pillugu aqqutissiuineq qinnuteqaatinullu siunnersuineq
• ilinniagaqalernissamut qinnuteqaatinik suliarneq
• Suliffimmi misiliineq pillugu attaveqaataaneq, aqqutissiuineq allaffissornerlu
• Qitiusumik ilinniarfinnik aammalu atuartuutigisanik/suliffimmi iliniartuutigisanik suleqateqarneq
• Ilinniartut inaat pillugit allaffissornikkut aqutsineq

Takorloorparput suleqatitaarput:

• Ammasuullutillu sulliussiumatuusutit, tassami suliffiup iluani innuttaasunut atuartunullu aammalu avataani sullissanut assut attaveqartussaagavit.
• Attaveqallaqqissuusutit aamma oqaloqatiginninnermut aqqutissiuinermullu misilittagaqartutit
• Siunnersortitut ilinniarsimasuunissat aammalu ajornanngippat aqqutissiuinerup iluani ingerlaqqiffiusumik ilinniagaqarsimasutit
• Kalaallisut danskillu allassinnaallutillu oqalussinnaasutit
• Suliffiit, suleqatit, atuartut innuttaasullu eqqarsaatigalugit aalaakaasutit, tunniusimallutit isumagissuusutit

Ingerlatsivimmi ulapaarfiusumi persuarsiornanngitsumilu sulinermik nuannarisaqartutit

Majoriami atorfinikkaani aamma suliaqarfigisap iluani ilinniaqqinnissamut periarfissaqarpoq.

Piginnaanngorsaaqqiinerup ilinniartitaanerullu iluani aamma suliffissarsiortut iliuusissatut pilersaarusiorfineqarneri eqqarsaatigalugit Majoriaq, suliffeqarnermut, aqqutissiuinermut piginnaanngorsaaqqiinermullu sullissivik siammasissumik suleriaaseqarpoq.

Naalakkersuisut kiisalu overassistentit pillugit SIK-ip isumaqatigiissutaat naapertorlugit akissarsiaqartitsisoqassaaq.

Inissamik innersuussisoqarsinnaanngilaq.

Atorfik pillugu paasissutissat sukumiinerusut Majoriap pisortaanit Karoline Lundimit e-mailikkut kalu@kujalleq.gl pissarsiarineqarsinnaapput.   

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik jannuaarip ulluisa aallaqqaataa 2026 nittartagarput kommunip nittartagaa atorlugu.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatinnik nittartagaq aqqutigalugu PDF-inngorlugit kommunip nittartagaatigut nassiussinissat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: januaarip 16.-at, 2026

Atorfik una qinnuteqarfigiuk