Narsap Atuarfiani isumaginninnermut siunnersortimik imaluunniit atuartunik siunnersuisartumik

Narsap Atuarfiani isumaginninnermut siunnersortimik imaluunniit atuartunik siunnersuisartumik, atuartumut attaveqaataasussamik pissarsiorneq:

Narsami isumaginninnermut siunnersortimik imaluunniit atuartunik siunnersuisartumik, atuartumut attaveqaataasussamik pissarsiorpoq juulip aallaqqaataani 2025-mi atorfinittussamik imaluunniit isumaqatigiissuteqarnikkut.

Narsap Atuarfiata piaartumik atorfinitsissaq kissaatigaa atuartut ataasiakkaat inuttut ineriartornissaat aammalu inuussutissarsiutitigut sammivimik toqqaanissamut pitsaanerpaamik periarfissikkumallugit.

Narsap Atuarfia atuaqatigiikkuutaanik ataasiinnarnik atuartoqarpoq 1.-10. klassini alloriarnerit pingasuullutik. Nukarliit 1. – 3. kl., akulliit 4. – 7. kl., angajulliit 8. – 10. kl. kiisalu specialklassit sisamat.

Isumaginninnermut siunnersortitut, atuartunik aqqutissiuussisutut, atuartumut attaveqaatitulluunniit atorfeqarninni Narsap Atuarfiani atuartut ikiornissaat anguniarlugu aqutsisut ilinniartitsisullu peqatigalugit perorsaanikkut eqqartueqatigisassavatit. Naatsorsuutigineqarportaaq kommunimi ingerlatsiviit suliamut attuumassutillit ersarissumik suleqatigisassagitit.

Isumaginninnermi siunnersortitut, atuartunik aqqutissiuussisutut, atuartup attaveqaataatut pingaarnertut suliassat tassaassaaq, ilinniartitsisut, siulersuisut kommunimilu suleqatit allat qanimut suleqatigalugit atuarfimmi isumaginninnikkut sulinerup ataqatigiissarnissaa. 

Atuarfiup angerlarsimaffiullu akornanni suleqatigiinnerup annertusarnissaa pitsanngorsarnissaalu, nalunaaruteqarnermut tunngatillugu ilinniartitsisunik siunnersuineq, atuartunik angajoqqaanillu oqaloqatiginnittarneq kiisalu isumaginninnikkut tunngatillugu ilinniartitsisunik isumasioqatiginninnerit suliassannut aamma ilaassapput.

Atuarfimmi sulisut allat isumaginnittoqarfimmilu sulisut suleqatigalugit assersuutigalugu atornerluinermik qinngasaarinermillu pinaveersaartitsinissamut iliuusissatut pilersaarusiortassaatit, aammattaaq atuarfimmi pinartoqartillugu upalungaarsimasunut suleqataassaatit.

Klassip iluani nalaatsinerluttoqartillugu ilinniartitsisut ilaquttallu suleqatigalugit klassimut iliuusissatut pilersaarusiussaatit.Aamma oqaloqatigineqarsinnaallutillu siunnersuisassaatit.

Isumaginninnermut siunnersortip, ilinniartunik aqqutissiuussisup, atuartulluunniit attaveqaataata qaninnertut aqutsisoraa atuarfiup pisortaa.

Naatsorsuutigaarput:

• Isumaginninnermi siunnersortitut assigisaanilluunniit ilinniagaqarnissat
• Isumaginninnermut siunnersortitut imaluunniit atuartunik aqqutissiuussisutut suliaqarnermik misilittagaqartutit
• Ilaatigut meeqqanut inuusuttunullu ikiorsiinermut assigisaanullu inatsisit malittarisassallu atuuttut naapertorlugit saaffiginnissutinut siunnersuisussaatitaaneq ilitsersuisussaatitaanerlu atuuppoq.
• Pikkorissumik suleriuseqarneq
• Ammasuunissaq ilakkuminartuunissarlu
• Akerleriittoqartillugu unneqqarinneq
• Meeqqanut, angajoqqaanut suleqatinullu tunngatillugu malitseqartitsisarneq

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaattumik malugeqqussavarput kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.

Meeqqanik pinerliisimannginnermut uppernarsaat atorfinittussap akuersineratigut kommunimit piniarneqassaaq pinerlussimannginnermullu uppernarsaat, qinnuteqartup nammineerluni politiinit piniartussaallugu.

Akissarsiatigut atorfeqarnermilu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat aamma AK akornanni isumaqatigiissut atuuttoq, imaluunniit Kalaallit Nunaannilu kattuffiup allap isumaqatigiinniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinikkiartornermi angalaneq

Sulisumut taassumalu ilaqutaanut atorfinikkiartornermi aammattaaq siusinnerpaamik ukiut pingasut qaangiutsillugit soraarnermi angalasinnaatitaaneq atuuppoq soorluttaaq malittarisassat atuuttut naapertorlugit nuunnermi aningaasartuutinut matussutissat tunniunneqarumaartut.

Ineqarnermi pissutsit

Atorfinittut inissiamik ilaqutariit amerlassusaannut naleqquttumik neqeroorfigineqassapput. Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup nalaani inissavimmik neqeroortoqarsinnaanngippat, sulisut utaqqiisaasumik inissiaqartinneqartarput

Qinnuteqaat ilinniakkanik siornatigullu suliffigisimasanik paasissutissartalik soraarummeersimanermullu allagartartalik il. il. Sulisoqarnermut Immikkoortortaqarfimmit kingusinnerpaamik tallimanngornermi maajip 18-anni 2025-mi tiguneqareersimassapput uungalu nassiunneqassallutik:

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: maajip 18.-at, 2025

Atorfik una qinnuteqarfigiuk