Perorsaasut/Isumaginninnermi ikiortit marluk

Ulloq unnuarlu paarsivimmi B-1443mi perorsaasut / isumaginninnermi ikiortit marluk

ALLAGARSIUTEQQITAQ:

Perorsaasunik/Isumaginninnermi ikiortinik marlunnik tunniusimasunik Qaqortumi ulloq unnuarlu paaqqinnittarfimmi ingerlalluartumi 4-imiit 18-nik ukiulinnut sullisserusuttunik pissarsiorpugut. Ulloq atorfiniffissaq novembarip ulluisa aallaqqaataa 2025  imaluunniit isumaqatigiissuteqarnikkut.

Perorsaasut/Isumaginninnermi ikiortit marluk meeqqat angerlarsimaffianni pilersinneqaqqammersumi sulisussat kissaatigineqarput, immikkoortortaq illoqarfiup qeqqani illumi angisuumiippoq. Immikkoortortaq meeqqanut arfinilinnut naatsorsuussaavoq. Immikkoortortami sulinermi meeqqat isumassuisunik avatangiiseqarlutik erseqqissunillu killissaqartitaallutik aammalu saqqumilluartunik inersimasortaqarlutik ineriartornissamut periarfissinneqarnissaat isumagineqassaaq. Attaveqarneq peqateqarnerlu sulinermi pingaartinneqarput. Naalungiarsuunermi atugarisimasanik katsorsaaneq aallaavigalugu meeqqallu akuerineqarnissaat aallaavigalugu sulissaagut. Meeqqap ataqqineqartutut, akuerineqartutut, paasineqartutullu misiginissaat pingaaruteqarpoq.

Neqeroorutigaavut

• Suliassat assigiinngissitaartut.
• Susassaqarfiit akimorlugit suleqatigiinneq.
• Suliffik pissanganartoq.
• Paaqqinnittarfimmik nutaamik ineriartortitsinissamut periarfissaq.
• Pikkorissarnernut peqataanissamut periarfissat
• Oqaloqatiginnilluni oqilisaanneqartarneq

Naatsorsuutigaarput

• Perorsaasutut/Isumaginninnermi ikiortitut ilinniagaqarsimanissat
• Namminersorlutit sulisinnaassuseqartutit aammalu pisussaaffileeqqatigiiffiusumik suleqateqarsinnaasutit.
• Aporfiit pinnagit periarfissat isiginiarnerusaritit.
• Meeqqat toqqissisimanartumik ineriartorfiusumillu atugaqalersinneqarnissaannut peqataarusuttutit.
• Piffissat suliffiusut allanngorartut, akunnerup naanerani sulineq aammalu aallaarsimaartarnissat piareersimaffigigitit.

Meeqqanut innarliisimannginneq:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Atorfimmut qinnuteqartut perorsaasutut/Isumaginninnermut ikiortitut ilinniarsimasuussapput marluinnillu oqaaseqartuuppata assut pitsaassalluni.

Aningaasarsiat atorfeqartitaanermilu atugassarititaasut

Aningaasarsiat atorfeqartitaanermilu atugassarititaasut, taamatuttaaq akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat piffissami atorfiniffiusumi Kalaallit Nunaanni Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni isumaqatigiissutit atuuttut malillugit pissapput.

Ineqarneq

Perorsaasutut /isumaginninnermi ikiortitut atorfimmut inissiaq pequsersugaanngitsoq malittarisassat qaqugukkulluunniit atuuttut malillugit innersuussutigineqarsinnaavoq.Inissiamut innersuunneqartumut maleruagassat qaqugukkulluunniit atuuttut malillugit ineqarnermut akimik qularnaveeqqutinillu akiliisoqassaaq. Inigisap qanoq pisoqaatiginera, piginnittoqarnikkut pissutsit il.il. apeqqutaatillugit ineqarnermut akiliut aamma inissiap pitsaassusia assigiinngisitaarsinnaavoq. Sulisunut inissiaq atorfeqarnerup taamaatinnerani qimanneqassaaq. Sulisutut inissamik innersuunneqarnissaq sivisuumik utaqqinarsinnaavoq, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.

Atorfik paasisaqarnerorusukkuit uku attavigisinnaavatit

Paarsiviup pisortaa Mogens K. Modeweg-Hansen toqqaannartoq tlf.+299 648287. Mail momh@kujalleq.gl Imaluunniit pisortap tullia Sabine Noahsen +299 648287 sase@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik oktobarip ulluisa aappat 2025  nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu PDF-fil-inngorlugit nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: oktobarip 2.-at, 2025

Atorfik una qinnuteqarfigiuk