Meeqqerivik ”Narsarmiutaq” Tullersortimik pissarsiorpoq

Meeqqerivik ”Narsarmiutaq” Tullersortimik pissarsiorpoq

Narsami Meeqqerivimmi ”Narsarmiutaq”-mi perorsaasutut ilinniarsimasumik tullersortissarsiorpoq. Tullersortissaq sulilersussaq decemberip ulluisa aallaqqaataat 2025 imaluunniit isumaqatigiissuteqarnikkut.

Meeqqerivik “Narsarmiutaq” allaaserineqarnera:

Meeraaqqerivik “Narsarmiutaq” meeqqanut 60-nut naatsorsuussaavoq 3-6 ukiulinnut. Sulisut katillugit 13-put, taakkua iluanni pisortaq ilaalluni. “Narsarmiutaq” ammasarpoq nal: 06:45 – 16:30 tungaanut. Atorfik ulloq naallugu suliffiuvoq, Atuarfeqarnermut, Meeqqeriveqarnermut Nutaaliornermullu Ingerlatsivik atalluni.

Naatsorsuutigaarput:

• Illup ingerlanganik sutigut tamatigut nakkutiginninneq, taassuma iluani allaffissorneq
• Illup siunertaanik malititsiniartoq
• Inatsisartut inatsisaat nr 16, 3.december 2012-meersoq pillugu suliniuteqarneq
• Angajoqqaanik suleqateqarnermi eqqummaarissuuneq
• Perorsaanilerinermik nakkutiginninneq, nutarsaajuarneq
• Suleqatikkuminartoq, tarnikkut timikkullu nukittooq
• Killiliisinnaasoq
• Suleqatinik ataatsimoortitsisinnaasoq
• Ajornartorsiutinik qaangiinissamik aqqutissiuisinnaasoq
• Ulapaarfimmi ataatsikkoorussisinnaasoq
• Aqutsinermik misilittagaqartoq, iluaqutaassaaq piumasaqaataanngilarli

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.

Akissarsiat:

Akissaatinut atorfinitsitaanermullu tunngatillugit atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Inissiaq:

Avataaniit tikittunut inissaqartitsisoqarsinnaavoq malittarisassat atuuttut naapertorlugit akilerneqartartussamik.

Paasissutissat:

Annertunerusumik paasisaqarusukkuit unga saaffiginnissinnaavutit Meeqqerivimmi pisortaq Charlotte Freederiksen narsarmiutaq@kujalleq.gl imaluunniit sianerlutit: 66 46 76.

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik novemberip ulluisa sisamaat 2025.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: novembarip 4.-at, 2025

Atorfik una qinnuteqarfigiuk