Stillingen er udløbet
Ansøgningsfristen for denne stilling er overskredet. Du kan stadig kontakte virksomheden direkte.
Utoqqaat illuat Ajarsivasik puigortunngortunut immikkoortortami aqutsisussarsiorpoq. Atorfinittussaq utoqqarnik sullissisussamik, isumassuisumik paaqqinninnermik pingaartitsisumik pissarsiorpoq. Aqutsinermik misilittagaqarlunilu sundhedsassistentitut ilinniagaqarsimasutit naatsorsuutigineqarpoq. Atorfik nammineerluni sunniuteqarluarnissamut periarfissalik, piffissat suliffiusut 8-16.
Utoqqaat illuat Ajarsivasik puigortunngortunut immikkoortortami Ivimmi aqutsisussarsiorpoq
Atorfinittussa marts ulluisa aallaqqataa 2026 imaluunniit erseqqinnerusumik isumaqatigiissuteqarnikkut atorfinittussamik.
Utoqqaat sullikkusuppigit, qanimut qanigisaat oqaloqatigisarlugit? Inuttut nukissaqarluarpit nuannaartuullutillu, nammineq piginnaasannik atorluaasinnaallutit, utoqqaat pitsaasumik isumassorsinnaavigit paaqqutaralugillu? Kiisalu suliamik ilinniagaqarsimanngitsunut pikkorissaasartutut / aqutsisutut imminut takorloorsinnaavit? Taava immikkoortortami aqutsisussatut periarfissaqarluarputit.
Ajarsivasik pillugu
Utoqqaat illuat Ajarsivasik Kommune Kujallermi utoqqaat illuisa ilagaat Qaqortumilu illuni.
Utoqqaat illuat pingasunik immikkoortortaqarpoq, paaqqutarinniffiit marluk kiisalu puigortunngortunut immikkoortortaq ataaseq, Ajarsivasik katillugit 48-nut inissaqarpoq. Puigortunngortunut immikkoortortaq Ivik 11-inut inissaqarpoq. Immikkoortortat allat marluk 18 aamma 19-inik inissaqarput.
Ulloq unnuarlu angerlarsimaffiuvugut taamaammallu suleqatigiiaat pingasuiit paarlakaallutik sulisarput. Utoqqaat Illuanni sulisut ilaatigut makkuninnga ilinniagaqarput: peqqissaanermut assistenti, peqqissaanermi ikiortit, peqqissaasut aammalu ilinniarsimanngitsut arlaqartut.
Atorfiup imarisai:
Immikkoortortami aqutsisumik utoqqarnik sullissisussamik, pitsaasumik isumassuisumillu paaqqinninnermik taassumalu ineriartortinnissaanik pingaartitsisumik pissarsiorpugut.
Ineriartorfimmiippugut, piginnaasaqarneq, sulinermut kajuminneq, aalajaatsuuneq kiisalu ataqatigiinneq eqqumaffigerusullugit, isumaqaratta taakku ineqartut atugaannut toqqaannartumik sunniuteqartuusut. Taamaattumik kissaatigaarput sulineq, suliaqarfiit allat peqatigalugit, nutaaliorluni ineqartunullu ineriartorfiusumik ingerlassasoq.
Pingaartumik pissaanermik atuisariaqalernissaq pinaveersaartitsinikkut pinngitsoorniartarparput.
Naatsorsuutigaarput illit:
-
Sundhedsassistentitut imaluunniit peqqissaanermut allamik naleqquttumik ilinniagaqarsimasutit, aqutsinermik misilittagaqarlutit.
-
Utoqqarnut sullissivimmi sulerusuttutit soqutiginnittutillu
-
Aqutsinermi suliassanut peqataanissamut piginnaasaqarlutillu piumassuseqarnissat
-
Angerlarsimallutit suliartoqquneqarnissamut piareersimasinnaasutit
-
Marluinnik oqaaseqartuusutit, kalaallisut qallunaatullu, tamannali piumasaqataanngilaq.
-
Allanik suliaqarfinnik suleqateqarnissamut piginnaasaqarluartuunissat
-
Paaqqutaqarnermik inerisaaqataarusullutillu allaganngortitseqataarusuttutit
-
Pikkorissaanermut peqataarusuttutit, suliffimmik misiliisunut ilinniartunullu ilinniartitserusuttutit
-
Illumi pissutsinut pitsaasumik, nutaaliornermik, isumassarsiornermik ineriartortitsinermilu sunniuteqaqataajumasutit.
-
Namminersorlutit sulisinnaasusi, akisussaassuseqartusi sullissiumatuujullusilu
Neqeroorutigaavut:
-
Atorfik suliap imarisaanik nammineerluni sunniuteqarluarnissamut periarfissalik.
-
Ulluinnarni piffissat suliffiusut 8-16
-
Illu suliffik, illumi najugaqartut, suleqatit suliffigisassarlu pillugit paasissutissanik tuniorarluarneqassaatit.
-
Assigiinngitsunik suliaqarneq, suliassat pissanganartut, suleqatit illumilu najugaqartut peqatigalugit nuannersunik misigisassaqarnissaq periarfissaalluarput.
-
Suliffik ataqqinninnermik, akisussaaffimmik ilinniarnermillu aallussiviusoq
-
Nalunaaquttap akunneri 40-t suliffiusarput
Akissarsiat atorfeqartitaanermilu atugassarititaasut:
Kalaallit Nunaanni Namminersorlutik Oqartussat kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.
Atorfimmut atasumik inissaqartitsisoqarsinnaavoq, malittarisassat qaqugukkulluunniit atuuttut naapertorlugit qularnaveeqqut/attartornermut akiligassat akilerneqassallutik.
Inissaqartitsisoqarsinnaavoq malittarisassat atuuttut naapertorlugit akilerneqartartussamik. Malugeqqussavarput sulisutut inigisamut utaqqineq sivisummat, sulisumut inissamik neqerooruteqartoqarpat atorfininneq atuutilersinneqarsinnaavoq.
Atorfinitsinneqartut qaammatini pingasuni misiligaassapput.
Atorfik pillugu sukumiinerusumik paasissutissanik pissarserusukkuit Utoqqaat illuata pisortaanut saaffiginnissinnaavutit pisortaagallartoq Aka Motzfeldt akmo@kujalleq.gl
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik 7 februar 2026
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: februaarip 8.-at, 2026
Atorfik una qinnuteqarfigiuk
Kontaktoplysninger
Kujalleq kommune
Anders Olsensvej
3920 Qaqortoq , Grønland
Email: Akmo@kujalleq.gl
Del jobbet på
Ledige stillinger i samme virksomhed
Isumaginninnermut Peqqinnissamullu Ikiorti
Najugaqarfik 'Ulluaqqat' i Nanortalik søger en social- og sundhedshjælper til fastansættelse. Du skal have erfaring med psykiatrisk arbejde og være uddannet socialhjælper eller lignende. Arbejdstiden er 40 timer om ugen med skiftende vagter. Ansøgningsfristen er den 25. februar 2026.
Perorsaasut imaluunniit Isumaginninnermi Ikiortit
Qaqortumi ulloq unnuarlu paaqqinnittarfimmi perorsaasut imaluunniit isumaginninnermi ikiortit marluk pissarsiorpugut. Meeqqat angerlarsimaffianni pilersinneqaqqammersumi sulissapput, meeqqanut arfinilinnut naatsorsuussaalluni. Meeqqat toqqissisimanartumik ineriartorfiusumillu atugaqalersinneqarnissaannut peqataarusuttunik ujartuivugut.
Aqutsisussarsiorpoq Nanortalimmi innarluutilinnut
Nanortalimmi innarluutilinnut immikkoortortaqarfimmi aqutsisutut atorfik inuttassarsiorneqarpoq. Atorfiup imarisai ilaatigut makkuupput: Najugaqatigiiffimmi najugaqartut tapersersortaasa suliaat nakkutigalugillu ataqatigiissaarnissaat, kiisalu inuit innarluutillit namminneq angerlarsimaffimminni tapersersorteqartut tapersersortaasat nakkutiginissaat.
Majoriami ilinniartitsisoq/Aqqutissiuussisoq
Nanortalimmi Majoriaq ilinniartitsisut/aqqutissiuisut marluk pissarsiorpoq. Pingaarnertut suliassat tassaapput meeqqat atuarfiannit soraarummeernissamut piareersartut atuartissallugit, pikkorissaanerit pilersaarusiortassallugit, qarasaasiakkut nalunaarsuineq, kiisalu ilinniarnissaq/sulilernissaq pillugu aqqutissiuineq.
Perorsaasut marluk
Meeqqerivik 'Angaju' meeraaqqerivimmut, meeqqerivimmullu perorsaasunik marlunnik amigaateqarpoq. Atorfinittussamik apriilip ulluisa aaqqaataa 2026 imaluunniit isumaqatigiissuteqarnikkut. Meeqqerivik 64-nut naatsorsuussaavoq 0-6 ukiulinnut. Sulisut katillugit 15-iupput, taakkua iluanni pisortaq ilaalluni.
Vis flere...
Jobtitel
Immikkoortortami Aqutsisoq
Ansættelsesform
Fuldtid
Ansøgningsfrist
8. feb. 2026
Kontaktperson
Aka Motzfeldt
Akmo@kujalleq.gl
Kategori
Ledelse og personale /
Institutions- og skoleledelse (Ledelse og personale)
Ledige stillinger i samme kategori
Afdelingsleder til Apisseq
Vi søger en Afdelingsleder til den integreret daginstitution Apisseq. Apisseq er aldersintegreret med 69 børn. Din daglige placering vil være hos Nuun...
Afdelingsleder i Skolepasningen
Vi søger en afdelingsleder til skolefritidsordningerne ved Nalunnguarfiup atuarfia og Minngortuunnguup atuarfia i Qeqqata Kommune. Arbejdsopgaverne om...
Souschef eller lignende
Døgninstitutionen Qasapermiut søger en souschef til at varetage daglig ledelse og pædagogiske tiltag for unge mellem 13-17 år. Stillingen kræver ledel...
Souschef eller lignende
Døgninstitutionen Qasapermiut søger en souschef til at lede daglige aktiviteter og sikre økonomiske rammer. Arbejdet indebærer supervision, udviklings...
