Meeqqerivik Inneriilat

Ulluunerani Kommune neqeroorutaani Meeqqerivik “Inneriilat ”-ni perorsaasunik ilinniarsimasumik pisortassussamik pissarsiorpoq.

Qaqortumi   Meeqqerivimmi “Inneriilat”-ni perorsaasunik ilinniarsimasunik pisortatut sulilertussamik pissarsiorpoq, sulilersussaq decembarip ulluisa aallaqqaataat 2024 imaluunniit isumaqatigiissuteqarnikkut.

Meeqqerivimmi orpinnguani meeqqanut 74 -nut naatsorsuussaavoq 0-6 ukiulinnut. Sulisoqarpoq katillugit 15-nik, taakkua iluanni pisortaq inissisimalluni.

Kommune Kujallermi Meeqqeriviit quliupput taakkunani ilaalluni meeqqerivik  Inneriilat , meeqqeriviit pisortai suleqatigiilluartuupput assigiingitsunillu avitseqatigiiffiusumik ingerlariaaseqartarlutik.

Ulluunerani Kommune Kujalliup meeqqerivianni Narsarmiutami pisortatut atorfik soqutigigukkit makkua suliassatut ilaatut inissisimapput:

• Illup siunertaanik malitsitsiniartoq
• Inatsisartut inatsisaat nr 62,20.nov 24-meersoq pillugu suliniuteqarneq
• Angajoqqaanik suleqateqarnermi eqqummaarissuuneq
• Perorsaanilerinermik nakkutiginninneq, nutarsaajuarneq
• Suleqatikkuminartoq, tarnikkut timikkullu nukittooq
• Killiliisinnaasoq
• Ajornartorsiutinik qaangiinissamik aqqutissiuisinnaasoq
• Ulapaarfimmi ataatsikkoorussisinnaasoq
• Aqutsinermik misilittagaqartoq
• Meeqqanut asannittoq tunniussimasorlu
• Meeqqap Mappiinik qulakkeerinnissinnaasoq tassungalu aamma atasumik MIIM 3 aamma MIIM 5-MUT.

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Kattuffiat isumaqatigiisut atuuttut naapertorlugit.

Avataaniit tikittut atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

Annertunerusumik paasisaqarusukkuit uunga saaffiginnissinnaavutit uunga:

Fagchef Rita Thomsen Rith@kujalleq.gl Oqarasuaat 648021

Perorssaanermik siunnersortit Ivalu Kristensen ivkr@kujalleq.gl oqarasuaat 648140

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik novembarip ulluisa 29-iat 2024

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: novembarip 29.-at, 2024

Atorfik una qinnuteqarfigiuk