Kommune Kujalleq Teknikkimut Avatangiisunullu Ingerlatsivimmi pisortassarsiorpoq

Kommme Kujalleq Teknikkimut Avatangiisunullu Ingerlatsivimmi pisortassarsiorpoq

Kommune Kujalleq teknikkeqarnerup iluani pisortatut atorfimmik soqutiginartumik pikkunarsinnaasumillu neqerooruteqarpoq, aqutsisumik piginnaasaqarluartumik kommunimilu aqutsinerup tungaatigut suliniuteqarnissamut kajumissusilimmik, sapiissusilimmik piginnaasalimmillu pissarsiorluni.

Kommune Kujallermi teknikkimut pisortatut pisortaqatigiinnut ilaassaatit kiisalu kommunip pisortaanera toqqaannartumik qullersarissallugu kiisalu suliassaqarfinni allani ingerlatsivimmi pisortat toqqaannartumik suleqatigissallugit.

Pisortaqatigiinni qanimut, pitsaasumik tatiginartumillu suleqatigiinnissaq pingaartipparput, aammattaaq suliassaqarfiit akisussaaffeqarfiillu akimorlugit sulinissaq salliullugu.

Kommunimi kulturi persuarsiornartuunngilaq naalagarsiorfiunanilu, ineriartornerlu suleqatigiinnikkut oqaloqatigiinnikkullu ingerlanneqartarpoq.

Kommune Kujalleq Kalaallit Nunaanni kommunini kujallersaavoq pingasunik (Qaqortoq, Nanortalik Narsarlu) illoqarfittaqarluni aqqanilinnillu nunaqarfittaqarluni, 35-illu missaannik savaateqarfeqarluni. Attaveqaasersuutit, takornariartitsineq aatsitassarsiornerlu inuussutissarsiornikkut suliniutaapput kommunimut pingaaruteqaraluttuinnartut, aammalu teknikkikkut avatangiisitigullu sulianik amerlanerulersitsisussaallutik.

Teknikkimut pisortatut illoqarfinni tamani teknikkimut sulisunut akisussaassaatit, taamaammallu atorfinnut atatillugu angalangaatsiartassallutit.

Teknikkimut pisortatut suliassanut soqutiginaatilinnut akisussaassaatit, ilaatigut taakku tassaapput pilersaarusiornermi, avatangiisilernerinermi, sanaartugassalerinermi nunaminertanillu atugassanngortitsisarnermi, eqqagassalerinermi, aqqusinernut angallanermut tunngasuni, kiisalu qorsooqqissortaanut tunngasuni oqartussatut sulineq, ingerlatsineq ineriartortitsinerlu. Aammattaaq ingerlatsivik kommunip eqqagassalerinerani sanaartorneranilu nunaqarfinni allaffissornikkut ingerlatsisuuvoq.

Piginnaasassatit:

• Atorfimmi assingusumi aqutsisutut misilittagaqartutit
• Teknikkimut tunngasuni aammattaaaq ulluinnarni ingerlatsinermi politikkikkut piumasat naapertorlugit ingerlatsiviusumi ineriartortitseqqinnissamut kajumissuseqarlutillu misilittagaqartutit
• Anguniakkat aalajangersarneqarsimasut anguneqarnissaannut peqataassasutit
• Suut tamaasa eqqarsaatigalugit aaqqiissutissanik assigiinngitsunik eqqarsarsinnaasutit
• Inuit ataasiakkat ataqqillugit suliassanik assigiinngitsorpassuarnik aqutsisinnaasutit

Immikkut ilisarnaatitit:

• Atorfiup imarisaanut tassanilu suliassanut tapertaasumik pisortani aqutsisutut sulinermut ilinniagaqartutit tunngaviusumillu paasisimasaqarlutillu misilittagaqartutit
• Suliffik politikkikkut aqunneqartumi sulinermut paasisimasaqartutit, ajornanngippat politikkikkut siunnersortitut isummersoqataasartutullu misilittagaqarlutit
• Suliffiup iluani avataanilu pitsaasumik suleqateqarnissamut piginnaasaqarluartutit
• Teknikkeqarnermut Avatangiiseqarnermullu tunngasutigut ilisimasaqarluartutit -  teknikkikkut ilinniagartuutut imaluunniit nalinginnaasumik siammasissumik ilinniagaqartutit attuumassuteqartumullu ilinniaqqissimassasutit.

Ilinnut neqeroorutigisinnaavagut

• Suliffik aqutsisutut suliatigut ineriartorfiusoq aqutsinikkullu unammisassartalik
• Suleqatit pikkorissut suliffikkuminartuunissamik siunniussaqartut
• Kalaallit Nunaanni nunap immikkoortuini pinnernerpaat ilaanni pinngortitami misigisassat sunngiffimmilu periarfissat

Aningaasarsiat atorfeqartitaanermilu atugassarititaasut.

Allaffissornikkut pisortat akissarsiaat atorfimminnilu atugaat pillugit Naalakkersuisut aammalu ASG-ip isumaqatigiissutaat naapertorlugit atorfinitsitsisoqassaaq. Atorfik ukiunut arlalinnut atorfinittussamut ivertitsivigineqarsinnaavoq.

Tamatuma saniatigut inatsisit atuuttut najoqqutaralugit nammineq akilertagassaasumik atorfimmut atatillugu inissaqartitsisoqassaaq, kiisalu angalanermut aningaasartuutit aamma pisattat assartorneqarnerat akilerneqassalluni. Utaqqinissaq naatsorsuutigineqassaaq taamaammat utaqqiisaagallartumik pequtilersoriikkamut inissikkallarneqarnissaq neqeroorutigineqassalluni, malittarisassat atuuttut najoqqutaralugit ineqarnermut akiliutit akilerneqassallutik.

Atorfik pillugu paasissutissat sukumiinerusut kommunip pisortaanerata tullia/aningaasaqarnermut pisortaq Arne Andersen e-mailikkut: arnd@kujalleq.gl atorlugu saaffigalugu pissarsiarineqarsinnaapput.

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik juunip ulluisa 25-iat 2025 nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: juunip 25.-at, 2025

Atorfik una qinnuteqarfigiuk