Innarluutillit pillugit ataqatigiissaarisoq

Innarluutillitpillugit ataqatigiissaarisoq

Kommune Kujalleq innarluutilinnik ataqatigiissaarisumik pikkorissumik, tunniusimasumik misilittagartuumillu 01. marts 2025 imaluunniit isumaqatigiissuteqarnikkut atorfinittussamik sulisussarsiorpoq.

Innarluutilinnut tapersiisarnermut inatsit naapertorlugu suliap pitsaassuunissaa suliallu ilisimalluarneqarnissaa kommunip anguniagaraa, soorlu najugaqarfiit sammisallu eqqarsaatigalugit - tassa ataatsimut sammisaqartarfiit kiisalu tapersersorteqartitsinerup ineriartortinneqarnissaa.

Aammattaaq illoqarfinni pingasuni sulliviit nakkutigisaasut pilerseqqinneqarnissaat politikkikkut kissaataavoq, sulliviillu taakku niuernermik tungnaveqarluni ingerlanneqarnissaat kissaatigineqarpoq.

Taamaammat sulisumik suliamut misilittagalimmik piginnaanilimmillu, suliassaqarfiup pitsanngorsarnissaanik ineriartortitseqataaffiginissaannillu pingaartitsilluartumik pisariaqartitsisoqarpoq.

Tulliuttutut ittunik piginnaasaqaruit immaqa illiuvoq atorfinitsikkumasarput:

• Isumaginnermi perorsaasutut - perorsaanermi Bacheloritut - assigisaannilluunniit ilinniagaqarsimasuussasutit
• Innarluutilinnut tunngasunik sulinermi ineriartortitsinermilu misilittagaqarlutit ataatsimullu isiginnissinnassuseqarlutit
• Innarluutillit tapersorneqarnerannut inatsimmut ilisimasaqarneq, aamma pissaanermik atuineq pillugu inatsimmut.
• Aqutsinermik ingerlatsinermillu nakkutilliinermut misilittagaqartutit
• Pitsaasumik suleqatiginnissuseqartutit, susassaqarfiillu akimorlugit suliffeqarfiup iluaniittunik avataaneersunillu suleqateqarsinnaassasutit.
• Allaffissornikkut aningaasaqarnikkullu suliassanik misilittagaqartutit.
• Attaveqatigiilluarsinnaassuseqarnissaq paasititsilluarsinnaassuseqarnerlu piginnaaneqarfigilluaritit
• Sulisunik oqilisaassilluni oqaloqateqarnermut - coachingimut assigisaannulluunniit ilisimasaqarneq, pisuni ilungersunartuni patajaassuseqartoq aalajangiisinnaassuseqartorlu

Atorfiup imarisai akisussaaffiilu ilaatigut makkuupput:

• Kommunip innarluutilinnut najugaqarfiutaasa, sammisaqartitsinerisa - sammisaqartitsiviisa ineriartortuarnissaat qularnaassallugu, kiisalu ingerlatsinermi kommunip sullissinerisa qaffasissusissaanik aalajangersakkat malinneqarnissaat qularnaassallugu.
• Najoqqutassat akuerisaasut naapertorlugit najugaqarfinnut kiisalu sammisaqartitsivinnut - ataatsimoortarfinnut pisussanik tulleriiaarineq qularnaassallugu
• Immikkoortortami aqutsisunik suleqateqarneq qularnaassallugu, tapersersortit sulinerisa illoqarfinni nunaqarfinnilu ataavarnissaat ineriartornissaallu qularnaassallugu
• Najugaqarfiit kiisalu sammisaqartitsiviit - ataatsimoortarfiit ingerlanneqarnera aningaasaqarnerallu nakkutigissallugit
• Immikkoortortaqarfimmi suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataassalluni.

Ilaatigut kommunip makku neqeroorutigai:

Innarluutilinnut tunngasuni ingerlatsineq ineriartortuarmat, qinnuteqartoq atorfimmut tulluartoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni ingammik suliassaqarfimmi qullersarisaq qaninnerpaaq suleqatillu pitsaasut qanimut suleqatigilluinnarnersigut.

Sapaatip akunneranut akunnerit 40-t suliffiusarput. Atorfiup najukkami sumerpiaq inissisimanissaa aalajangerneqanngilaq, pisortaq qaninnerpaaq tassaavoq Innarluutilerivimmi sulianik aqutsisoq.

Pinerluuteqarsimannginnermut aammalu meeqqanut pinerluuteqarsimannginnermut uppernarsaat:

Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Akissarsiat atorfinitsitaanermilu atugassarititaasut, Kalaallit Nunaanni Namminersorlutik Oqartussani kommuninilu atorfilittut atorfiit immikkoortiterneqarnerat pillugit isumaqatigiissutitatorfininnerup nalaani atuutsinneqartut naapertorlugit pissapput.

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

Atorfik pillugu paasissutissat sukumiinerusut pissarsiarineqarsinnaapput una saaffigalugu: sulianik aqutsisuugallartoq Tina Abildgaard tiab@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik 24. januar 2025 nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: januaarip 24.-at, 2025

Atorfik una qinnuteqarfigiuk