Isumaginninnermi ikiortiVuggestue “Vivi”

Vuggestue “Vivi” inunnik isumaginninnermut ikiortimik pissarsiorpoq:

Vuggestue “Vivi”-mut pikkorissumik sullarissumillu pissarsiorpoq ulloq jannuaarip ulluisa aallaqqaataat 2025 atorfinittussamik imaluunniit isumaqatigiissuteqarnikkut piaartumik sulilersinnaasumik. 

Vuggestue “Vivi” allaaserineqarnera:

Meeraaqqerivik “Vivi” meeqqanut 48-nut naatsorsuussaavoq 0-3 ukiulinnut. Sulisut katillugit 13-put, taakkua iluanni pisortaq ilaalluni. “Viivi” ammasarpoq nal: 06:45 –  16:30 tungaanut. Atorfik ulloq naallugu suliffiuvoq, Atuarfeqarnermut, Meeqqeriveqarnermut Nutaaliornermullu Ingerlatsivik atalluni.

Naatsorsuutigaarput:

• Isumaginninnermi ikiortitut ilinniarsimasoq / meeqqerisoq
• Qanilaartoq meeqqanullu kajumissaarisoq
• Meeqqat ataasiakkaat pisariaqartitaannut eqqummaarittuunissat
• Unneqqarissuunissat aamma ammasuunissat
• Suliassarsiullaqqissuunissat aammalu akisussaaffimmik tigusisinnaanissat meeqqallu ineriartortinnissaannut pimassuseqarlutit
• Angajoqqaanut, suleqatinut meeqqanullu suleqatikkuminartuusutit
• Sulisutut ineriartornissamut ammasuunissat piumassuseqarnissat aammalu avitseqatigiissinnaanissat
• Suleqaternut unneqqarissuussaatit aamma inimi perorsaasut qanimut suleqatigissavatit
• Aasat tamaasa pisartumi tammaarsimaariarnernut ilaasassaatit
• Aalajaatsoq piffissamilli ataqqinnittoq

“Viivi”-mi naleqartitavut makkuupput:

• Meeqqereriaaseq akuersaarnartoq.
• Pinngortitarsuaq perorsaatitut atorparput
• Allaassuteqarsinnaaneq pillugu meeqqat ataqqinnissinnaanermik ilinniartillugit.
• Meeqqanut toqqissisimaneq pilersissallugu, ineriartornermut inissaqartitsisoq.

Neqeroorutigisinnaasavut:

• Suliffeqarfik akisussaassuseqarfigisinnaasat sunniuterqarfigisinnaasallu.
• Suliffeqarfik pisoqarfiusoq avatangiisit kusanartorsuit atorlugit.
• Pikkorissarnernut ilinniagaqarnissamullu peqataasinnaaneq.
• Angajoqqaat pimoorussisut meeqqallu inequnartut.

Naatsorsuutigaarput:

• Isumaginninnermi ikiortitut ilinniarsimasuunissat
• Suliniuteqarusussuseqarputit akisussaassuseqarlutillu.
• Suliarput pillugu perorsaanermut tunngasunik oqalliseqataanissannik piumassuseqartutit.
• Nutaanik pilersitsisinnaassuseqartutit meeqqallu ilagalugit perorsaanermut tunngasunik suliaqarusussuseqartutit.
• Meeqqanut, sulisunut angajoqqaanullu inussiarnersuullutit ajunngitsumillu iliuuseqartartutit.
• Patajaatsuusutit.

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Inissiaq

Atorfimmut atatillugu inissiamik innersuussisoqarsinnaanngilaq.

Paasissutissat:

Annertunerusumik paasisaqarusukkuit unga saaffiginnissinnaavutit Meeraaqqerivimmi pisortaq Stine J. Joelsen vuvi@kujalleq.gl Imaluunniit sianerlutit: 66 11 54

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik decembarip ulluisa arfineq pingajuat 2024 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: decembarip 8.-at, 2024

Atorfik una qinnuteqarfigiuk