Ajarsivasik sundhedshjælper

Utoqqaat Illuanni Ajarsivasimmi Peqqinnissamut ikiortinikk sisamanik assigisaannilluunniit ilinniagalinnik pissarsiorpoq:

Sulilertussaq martsip ulluisa aallaqqaataa 2026 imaluunniit isumaqatigiissuteqarnikkulluunniit atorfinitussamik.

Ajarsivasik sundhedshjælperinik / puigortunngortunut ikiortinik sisamanik assigisaannilluunniit ilinniagalinnik pissarsiorpoq.

Ajarsivasik utoqqarnut angerlarsimaffiuvoq 48-nik najugaqartoqarsinnaasoq.

Utoqqaat illuat 48-nut inissaqarpoq, taakkulu immikkoortortanut pingasunut agguataarsimapput. Inissinneqartut tassaasarput nammineersinnaasut kiisalu tamakkiisumik isumagineqartariaqartut.Immikkoortortat pingasuupput: 2 (paaqqutarinninnermik immikkoortortaqarfik 1 aamma puiguttortunut immikkoortortaqarfik 1) 

Ikiortarialinnut angerlarsimaffiuvugut nutaamik eqqarsarnermut, ineriartornermut ammasuulluta, utoqqaat inuunerannik atugaannillu pitsanngorsaanissamik siunissamut takorluugaqartuulluta.

Atorfeqartussat tassaapput peqqissaasut marluk, taamalu sundhedsassistentip sundhedshjælperillu kiisalu ilinniagaqarsimanngitsut arlallit saniatigt najugaqartunut 48-inut

peqqissaasut marluussapput.

Piffissaq suliffiusoq tamakkiisuuvoq, sapaatit akunnerannut akunnerit 40-it, piffissat suliffiusut nikerarlutik, akunnerit naaneri allortarlugit freertarluni kiisalu suliartoqquneqarnissamut piareersimaffeqarsinnaalluni.

Suliassat:

• Najugaqartumik tunngaviusumik paaqqutarinninneq, isumaginninneq sullissinerlu
• Najugaqartut atugarissaarnissaat pillugu pitsaaliuinermik suliniuteqarneq
• Najugaqartunik sammisassaqartitsisarneq
• Ilaqutaasut suleqatigineqarneri

Suleqatit aamma immikkoortortami aqutsisoq qanimut suleqatigalugit suliassat suliarineqartassapput.

Sulisussat Suleqatigiinnut ingerlalluartunut ilaassapput, taakkulu suleqatigiillutik najugaqartunik utoqqarnik suleqateqassapput, tassanilu isumaginninneq pitsaallunilu qanilaartuuvoq. Suliassat tassaapput najugaqartut assigiinngitsunik sammisaqartissallugit, soorlu silami (imaatigut angalaneq, nuniagiarneq, uunaasarneq, pisuttuaqatigineri) imaluunniit Ippiarsummi sammisaqarnermi assassornermut, timigissarnermut, erinartornermut allatigullu ikiortarlugit.

Najugaqartut uninngaannannginnissaat siunertaavoq. Timikkut tarnikkullu nukituujunissaq pisariaqarpoq. Suliassaqarfigisami misigilittagaqarnissaq allannguerusussuserlu iluaqutaassapput.

Naatsorsuutigaarput illit:

• Peqqissaanermi ikiortitut assingusumilluunniit ilinniagaqarsimassasutit
• Tatiginartoq akisussaaffimminillu sianiginnilluartoq
• Suleqatikkuminartoq, tatiginartoq utoqqarnut atuisunut/najugaqartunut ataqqinninnermik takutitsisoq.
• Sulinissat nammineq aaqqissuussinnaassavatit suliatillu pingaarnersiorsinnaallugit, peqatigitillugulu suliatit malinnaaffigilluarsinnaallugit.
• Illumi ineriartortumiinnerput pissutigalugu nutaanik suliassanik suliarinninnissamut soqutiginnittoq.
• Suleqatinut nutaanut siumut ilinniartitsineq ilinniartuutigullu ikiorlugit.

Neqoroorutigaavut:

• Suliffimmut ilisarititsineq
• Tatiginninneq
• Akisussaaffiit
• Akuutitsineq
• Suleqatit pitsaasut
• Suliffimmi atugarissaarneq atortorissaarnerlu
• Suliassaqarfiit akimorlugit sullissisinnaaneq ineriartortitsinerlu

Akissaatit atorfininnermilu atugassarititaasut:Akissarsiat atorfimmilu atukkat sundhedshjælperit pillugit Naalakkersuisut og Sulinermik Inuussutissarsiuteqartut Kattuffiata isumaqatigiissutaat naapertorlugit pissapput.

Akissaatit atorfininnermilu atugassarititaasut:

Akissarsiat atorfimmilu atukkat sundhedshjælperit pillugit Naalakkersuisut og Sulinermik Inuussutissarsiuteqartut Kattuffiata isumaqatigiissutaat naapertorlugit pissapput.

Inissaq

Avataaneersunut inissaqartitsisoqarsinnaavoq malittarisassat qaqugukkulluunniit atuuttut malillugit sillimmatinillu / ineqarnermut akiliuteqarfigineqartartussamik. Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik kommunimut tunniunneqariisapput kingusinnerpaamik jannuaarip ulluisa 27-at 2026 nittartagarput aqqutigalugu.

MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: januaarip 27.-at, 2026

Atorfik una qinnuteqarfigiuk