Qarasaalialerinermut Pisortaq

Qarasaasialerinermut pisortaq

ALLAGARSIUTEQQITAQ:

Atorfiniffissaq aggustip ulluisa aallaqqaataa 2025 isumaqatigiissuteqarnikkulluunniit atorfinittussaq.

Qaraasiaqarnikkut siuttoorusuppit? Ineriartornermut, ingerlatsinermut isumannaallisaanermullu toqqammavissanik pilersitseqataanermut piginnaaneqarpit kajumissuseqarlutillu? Attavissarsiullaqqillutillu suleqatissarsiullaqqissuuit? Taamaakkuit Kommune Kujallermi Qarasaasialerinermut pisortatut atorfimmut qinnuteqaatit takorusussaqaarput. 

Qarasaasialerinermut pisortatut suliassaqarfiup naleqquttumik aaqqissugaanissaa, sulisunik aqutsineq kiisalu qarasaasialerinermut immikkoortortap ineriartornissaa akisussaaffigissavatit, taamaalilluta kommunip qarasaasiatigut atortuisa tamarmik aalaakaasumik isumannaatsumillu ingerlanissaat qularnaassavarput. Qarasaasiatigut paasissutissiisarnerup isumannaassusia, qaraasiaqarnikkut politikkip nutartertarnissaa, kiisalu qarasaasianik ingerlatsinerup inatsisinut najoqqutassanullu atuuttunut naapertuunnissaa aammattaaq akisussaaffigissavatit, tamatumalu saniatigut Pisortani qarasaasiatigut ataatsimut ingerlatsivik suleqatigalugu piffissami aggersumi atortorissaarutit assigiinngitsut atulernissaa suleqataaffigissallugit.

Qarasaasiaasilerinermut pisortap akisussaaffii pingaarnerit:

• Qarasaasialerinermut immikkoortami ulluinnarni aqutsineq
• Ingerlatsivinnik tamanik aqutsisunillu attuumassuteqartunik suleqateqarluni ingerlatsinerup akisussaassuseqarfiunissaa qularnaassallugu
• Suliassat suliarinerini najukkami nukiit kattunnnissaat suleqatigiittoqarnissaalu qularnaarlugu
• Illoqarfimmi najugarisami nunaqarfinnilu qarasaasianik ingerlatsinermut ineriartortitsinermullu akisussaaffik
• Missingersuutinut akisussaaffik
• Kommunimi tamarmi qarasaasiaqarnikkut suliniutinut annikitsunut annertuunullu aqutsisuuneq. 

Kommunip Qarasaasiaqarnermut immikkoortortaa, qarasaasialerisunik tallimanik ilinniartumillu ataatsimik sulisulik, kommunip qitiusumik allaffeqarfianut immikkoortortanullu allequtaasunut kommunimi illoqarfinnut pingasunut nunaqarfinnullu aqqanilinnut siammarsimasunut ulluinnarni sullissisarpoq. Qarasaasialeriviup sulisui suleqatigilluarlugillu aqutsinikkut akisussaaffigissavatit, immikkoortortamilu saqqumilaarnikkut sulisuit ingerlalluarnissaat, nuannaarlutik sulinissaat, sullarinnerpaassagunillu tapersersorneqarnissaat qularnaassallugu.

Naatsorsuutigaarput:

• Qarasaasialerinikkut qarasaasianullu ikaarsaarnermut ilinniakkat naleqquttut
• Aqutsisutut ilinniarsimaguit assut qujanassaaq
• Inuiaqatigiinnut kalaallinut oqaasiinullu ilisimasaqaruit iluaqutaassaaq.
• Suliat ingerlanerinik aqutsinermut misilittagaqartutit - ilisimasaqartutilluunniit
• Pisortat suliassaannik ingerlatsinermut malittarisassanik / inatsisinik ilisimasaqartutit
• Nammineersinnaassuseqartutit kiisalu suliassaqarfinni assigiinngitsuni akimut suleqatigiinnerup iluaqutissartaannik takunnissinnaassuseqartutit
• Ineriartortitsinermik siunertaqartuusutit kiisalu ingerlavinnik allannguinissamut ineriartornissamullu piumassuseqartutit
• Suleqatigiinnissamut aamma atassuteqaqatigiinnissamut pitsaasumik piginnaasaqassasutit.
• Upalaarnerup nalaani ataatsimut isiginnissinnaassuseqartutit ulapaarnerlu attassinnaalluarit.
• Sulinermi akuersaartuusutit

Naatsorsuutigaarput ilungersunartunik aalajangiisoqartussaatillugu pisortatut aalajangiinissannut pisinnaasaqarlutillu sapiissuseqartutit.

Atorfimmi sapaatit akunneranut nalunaaquttap akunneri 40 suliffiupput. Suliffiup nalinginnaasup avataatigut sulisarnissaq naatsorsuutigineqassaaq.

Qaraasialeriviup pisortaata aningaasaqarnermut pisortaaneq qullersarissavaa.

Akissarsiatiugut atorfeqarnermilu atugassarititaasut:

Akissarsiat atorfeqarnermilu atugassarititaasut, soorlu akiliunneqarluni atorfeqarnermi soraarnermilu angalanissamut pisattallu nassiunneqarnerannut pisinnaatitaaffiit, Kalaallit Nunaanni Namminersorlutik Oqartussat kiisalu kattuffiup isumaqatigiinniarsinnaatitaasup akornanni isumaqatigiissutit atorfininnerup nalaani atuuttut naapertorlugit pissapput.

Inissaq:

Sulisutut inissamik Qaqortumi innersuussisoqarsinnaavoq malittarisassat sukkulluunniit atuuttut malillugit ineqarnermut allanullu akilerneqartussamik.

Atorfik pillugu paasissutissat sukumiinerusut uunga saaffiginninnikkut pissarsiarineqarsinnaapput: angingaasaqarnermut pisortaaneq Arne Andersen, mailikkut arnd@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik juulip ulluisa pingajuat 2025

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: juulip 3.-at, 2025

Atorfik una qinnuteqarfigiuk