AtaqatigiissaarisoqIlaqutariinnik aqqutissioqatigiinnermi

Ilaqutariinnik aqqutissioqatigiinnermi, ataqatigiissaarisutut /aaqqissuisutut atorfik inuttassarsiorneqarpoq

Ilaqutariinnut sullissivik Qaqortoq ataastsimik ilaqutariinni aqqutissioqatigiinnermik  aaqqissuisussarsiorpoq martsip ulluisa aallaqqaataat 2025 isumaqatigiissuteqarnikkulluunniit.

Ilaqutariinnik aqqutissiuinermi periuseq isumaginninnermik suliaqarnermi atorneqarluarsinnaallu- artutut isigineqarpoq. Periutsimi ilaqutariittut aaqqissugaaneq aallaavigineqarpoq, tamannalu ka- laallit ilaqutariittut kulturiannut naleqqulluinnarpoq.

Ilaqutariinni aqqutissioqatigiinneq aalajangiinermut periaasiuvoq atorneqartartoq, meeraq immikkut ittunik ajornartorsiuteqaraangat. Ilaqutariinni aqqutissioqatigiinneq periusaavoq angajoqqaat meerarlu qanigisatik peqatigalugit namminneq pilersaarusior­figisinnaasaat aamma pilersaarusiaminnik naammassillugu piviusunngortitsisinnaafiat.

Ilaqutariinni aqqutissioqatigiinneq aalajangiinermi ingerlatsinermi killiliineruvoq katsorsaariaatsimik eqqartuinngitsoq.

Ilaqutariinni aqqutissioqatigiinneq neqeroorutigineqar­sinnaavoq, meeqqap peqqissusaa, alliartornera ineriartorneralu eqqasunnaraangat navia­nartoqaraangalluunniit. Periaatsip aallaavigaa ilaqutariit tamarmik isumalluuteqarnerat aamma ilaqutariit isumaginninnermi ajornartorsiutillit. Ilaqutariinni aqqutissioqatigiinner­mi ilaqutariit ilaquttaminnik, ikinngutiminnik imaluunniit inunnik allanik meeqqap inuune­ranut pingaarutilinnik naapiffigaat. Peqataasut tamarmik, meeqqap aamma ilaqutaasut inuunerat qanoq pitsannguiffigineqarsinnaanersoq Ilaqutariinni aqqutissioqatigiinneq pisarpoq ilaqutariit aamma ilinniarsimasut attaveqaataasartut peqatigalugit.

Aqqutissiuinernik suliaqartup Qaqortumi Ilaqutariinnut Sullissivimmi aqutsisoq qaninnertut aqutsisorissavaa.

Kommune Kujallermi meeqqanut, inuusuttunut ilaqutariinullu ilaqutariinnik aqqutissuinermi periu- tsimut nukittorseqataarusullutillu pilersitseqataarusuppit? Meeqqanik/inuusuttunik, angajoqqaanik attaveqaatinillu attaveqallaqqissuuguit tassaasinnaavutit aaqqissuisoq ujagarput.

Kommune Kujallermi aqqutissiuinermik aaqqissuisutut suleqatigissavatit ataqatigiissaarisoq ataaseq kiisalu ilaqutariini sullissivimmi sulisut allat.

Meeqqap / inuusuttuaqqat kiisalu taakku ilaqutaasa atttaveqarfiisalu ilaqutariittut aqqutissiorneqarnissamut piareersarneranni taakku akornanni pingaarutilimmik akunnermiliuttuusaatit. Tamatuma saniatigut kommunimi suliniuteqartuusunik periuarfissiuineq tapersersuinerlu aqqutigalugit ilaqutariinnik aqqutissiuinermi periaatsimik pviusunngortitsinermut ikiuutissaatit.

 

Taamaammat aaqqissuisutut suliffeqarfiit akimorlugit attaveqallaqqissaatit kiisalu isumaginninner- mi siunnersortit, ilaqutariinnik katsorsaasartut, ilinniartitsisut, perorsaasut il. il. peqatigalugit susassaqarfiit akimut suleqatigineranni attaveqarfigilluarsinnaassavatit.

Amerlanertigut piffissap suliffiup nalinginnaasup avataani ilaqutariinnik aqqutissiuisoqartarmat piffissaq suliffiusoq ullut ilaanni nikerarsinnaasarpoq.

Ilaqutariinnik aqqutissiuinermi periutsip atuutsilernissaa qulakkeerniarlugu aqqutissiuinermik aaqqissuisutut sammisaqartitseqataallutillu qaammarsaaqataasassaatit, aammattaaq kommunimi illoqarfinni nunaqarfinnilu sammisaqartitsisoqarlunilu qaammarsaasoqartartussaamat suliffimmut tunngatillugu angalasoqartartussaavoq. 

Aqqutissiunermik aaqqissuisup suliassaanik nassuiaatit:

• Kommunimi sulianik aallarniisut kiisalu suliassaqarfimmi ataqatatigiissaarisoq qanimut suleqatigalugit ingerlaavartumik isummersoqateqarneq siunnersuinerlu
• Meeraq, angajoqqaat suliamillu aallarniisoq peqatigalugit meeqqap apeqqutissai suliaralugit.
• Meeqqat/inuusuttut, angajoqqaat attaveqaataallu kajumissuseqalersikkumallugit oqaloqatigi- sarlugit.
• Ilaqutariinnik aqqutissiuinermi, piareersarnermi ingerlatsinermilu meeqqap isaaniit isiginnil- luni sulineq.
• Meeraq/inuusuttoq ilaqutariinnut attaveqaatinullu qaaqqusissutinik suliaqarnerani ikiorlugu.
• Meeraq/inuusuttoq, angajoqqaat suliamillu aallarniisoq peqatigalugit suliffigalugu paasissu- tissiisartut qaaqqullugit.
• Ilaqutariinnut aqqutissiuinermi ersarissumik sinaakkusiinissaq, taamaasilluni meeqqamut peqataasussanut allanut toqqissisimatitsissammat.
• Ilaqutariinnik aqqutissiuinerup ingerlanneqarnerani ataqatigiissaarisoq, matumani nerisassa- nik isumaginnittoq, nerriviliortoq, aammalu toqqissisimanartunngortillugu nuannersaaneq.
• Ilaqutariinnik aqqutissiuinermi malitseqartitsisoqarnissaanik qulakkeerinninneq.
• Periuseq pillugu saqqummiineq ilinniartitsinerlu.
• Ataqatigiissaarisoq suleqatigalugu suliassaqarfimmi periutsip ersarissarnissaanik ineriartor- teqqinnissaanillu akisussaaqataasoq.
• Ilaqutariinnik aqqutissiuinermi aallartisaanissamut akisussaaqataasoq.
• Suliassaqarfimmi sullissisut tamarmik suleqatiginissaannut akisussaasoq.
• Ilaqutariit aqqutissiuunneqarnissaannut innersuunneqarsimasut ingerlatsisussallu nalunaar- sornissaannut akisussaasoq.
• Periutsip nalilersornissaanut nalilersuinissamut, sunniuteqarneranut nalilersuineq – naliler- suinissamut immersugassanut akisussaasoq.

Ilinnut tunngasut:

Matuma ataani allassimasut amerlanersaat ilinnit naatsorsuutigaavut:

·Isumaginninnikkut siunnersortaasinnaavutit, ilinniartitsisoq, perorsaasoq imaluunniit meeq- qanik ilaqutariinnillu suliassaqarfimmut naleqquttumik ilinniagaqarsinnaavutit aammalu ila- qutariinnik ajornartorsiortunik immikkullu pisariaqartitsisunik sullissinissamut misilittaga- qarlutit.

·Ajornanngippat aaqqissugaasumik ilaqutariinnik katsorsaariaatsinik ilinniagaqarlutit.

·Ajornanngippat tulleriissaarinermik misilittagalik.

·Immaqa isumaginninnerup iluani ilinniartitsinermik, suliatigut siuarsaaqataasinnaaneq aam- malu atuutsitsilernissamut misilittagaqarputit.

·Atorfillit assigiinngitsunik suliallit akornanni pilersitseqateqarnermik misilittagaqartutit.

·Meeraq missigalugu suliaqarneq sungiusimagit aammalu meeraq qitiutillugu suliaqarneq mi- silittagaqarfigigit.

·Attaveqallaqqissoq, ajornartorsiutinut akulerussinnaasoq, ajornartorsiortunut aaqqeeqataani- arnermik suliaqarsinnaasoq.

·Piginnaasat – suliaqarfinni tamani

·Aaqqissugaasumik suliaqartartutit, ilaqutariinnik aqqutissiuinerit suliap aallaqqaataaniit i-nernissaata tungaanut ataqatigiissaarisoq.

·Namminersorluni sulisinnaasoq taavalu allanik qanimut suleqateqarsinnaasoq sulianik aaqqissuussillaqqissoq, ataqatigiissaarillaqqissoq, pilersaarusiullaqqissoq malinnaallaq- qissorlu.

Neqeroorutigaavut:

• Suliffik pissanganartoq, pikkunartoq ineriartortitassaqarluartorlu.
• Suliffik pitsaasumik illutalik atugarissaarfiusorlu.
• Suleqatit pikkorissut tunniusimasullu.
• Piginnaasanik ineriartortitsineq

Pineqaatissinneqarsimannginnermut aamma meeqqanik pinerliisimannginnermut uppernar- saatit:

Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Meeqqanik pinerliisimannginnermut uppernarsaat kommunimit akuersissu- titalik pineqassaaq, qinnuteqartup Politiinit pissavaa.

Akissarsiatigut atorfeqarnermilu atugassarititaasut:

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq sapaa- tip akunneranut akunnerit 40-t suliffiupput.

Inissaq:

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut ma- leruaqqusat naapertorlugit akiliisarneq pisassalluni. Atorfininnerup kinguninnguagut sulisutut inis- samik innersuussisoqarsinnaanngippat sulisut utaqqiisaasumik ineqarsinnaatitaasut utaqqiisaasumik inissaminnik neqeroorfigineqassapput, tassungalu ineqarnermut, atuinermut allanullu siuliani oqaa- tigineqartut malillugit akiliisoqartassaaq. Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Atorfik pillugu paasissutissat sukumiinerusut pissarsiarineqarsinnaapput Qaqortumi ilaqutariinnik sullissivimmi pisortaagallartumut saaffigalugu: Kirsten Brandt Davidsen mail: kibd@kujalleq.gl allaffimmi oqarasuaat: +299 64 80 69

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik februaarip ulluisa 24-iat 2025 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: februaarip 24.-at, 2025

Atorfik una qinnuteqarfigiuk