Ilaqutariinnut Sullissivik Ilaqutariillu Illu

Kommune Kujalleq Qaqortumi Ilaqutariinnut Sullissivimmut pisortassarsiorpoq:

Meeqqat inuusuttullu pisariaqartitsisut ilaqutaasalu suliniutigineqarnissaat ineriartortinniarlugu qulakkeerniarlugulu peqataaffigissallugu suliniutigilluinnarusuppiuk?

Kommune Kujallermi Ilaqutariinnik Sullissivik 01. Februar 2025 imaluunniit sukumiinerusumik isumaqatigiissuteqarnikkut atorfinittussamik pisortassarsiorpoq. Atorfik Qaqortumi inissisimavoq.

Ilaqutariinnik Sullissivik

Qaqortumi Ilaqutariinnut Sullissiviat ataani inissimapput ilaqutariit illui marluk Narsami Nanortalimmilu. 

Ilaqutariinnik Sullissiviup ilaqutariillu illuanni ataanni inissisimapput qimarnguviit ornittakkallu.

kiisalu Qaqortumi aamma angerlarsimaffik siusinaartumik iliuuseqarfik "Apisseq" pilersinneqaqqammerluni. Narsami Nanortalimmilu ilaqutariit illui tamarmik immikkut immikkoortortami aqutsiso  qarput, illit taakku pisortaaffigissavatit.

Ilaqutariinnut Sullissivik Ilaqutariillu Illui Meeqqanut Ilaqutariinnullu Sullissiviit, Ilaqutariit Illui aamma Qimarnguiit pillugit Namminersorlutik Oqartussat nalunaarutaat aallaavigalugu sulipput. Pingaarnertut suliassaalluni meeqqanut, inuusuttunut ilaqutariinnullu, tassunga ilanngullugit ilaqutariinngulersut, meeqqat inuusuttullu inuttut atugarliortut imaluunniit immikkut ittunik pisariaqartitaqartut immikkut qitiutillugit suliaqarfiit assigiinngitsut akornatigut siunnersuineq, ilitsersuineq katsorsaanerlu.

Meeqqanut Ilaqutariinnullu Sullissiviit minnerpaamik tullinnguuttunik neqerooruteqassapput:

• Ilaqutariinni siunersioqatigiinnerit imaluunniit assigisaanik suliniuteqarnerit, tassani meeqqat inuusuttullu 18-it inorlugit ukiullit taakkualu ilaqutaat attaveqarfigisartagaallu meeqqap pisariaqartitaanut ilungersornartitaanullu ilanngutitinneqassapput, meeqqap atugarissaarnerata ineriartorneratalu tapersersorneqarnissaa siunertaralugu inuit ilanngutitinneqartut ataatsimoorlutik pisussaaffiliisumik anguniagassaminnik pilersitsissapput.
• Aqqutissiuinertalimmik ilaqutariinnik katsorsaaneq.
• Naartusunut atugarliortunut angajoqqaanullu marluk inorlugit ukiulinnik qitornalinnut siusissukkut iliuuseqarneq.
• Oqaloqatiginnittarnikkut katsorsaaneq.
• Siumoortumik piffissamik inniminneeqqaarani innersuussinermilluunniit piumasaqaatitaqanngitsumik oqaloqatiginninnikkut ammasumik siunnersuineq.
• Ajornartoornermi ikiuigasuarneq.

 

 Ilaqutariit Illui minnerpaamik tullinnguuttunik neqerooruteqassapput:

• Siumoortumik piffissamik inniminneeqqaarani innersuussinermilluunniit piumasaqaatitaqanngitsumik oqaloqatiginninnikkut ammasumik siunnersuineq ilitsersuinerlu.
• Aqqutissiuinertalimmik ilaqutariinnik katsorsaaneq.
• Ajornartoornermi ikiuigasuarneq.

Sammisassat pilersaarusiorneqarsimasut saniatigut Ilaqutariit Sullivianni pisortap Socialvagteqarnerup aaqqissuunneqarnera akisussaaffivigaa

Ilaqutariit Sullivianni pisortatut suliassatit ukuupput:

• Ilaqutariit Sulliviat Ilaqutariillu Illui Inatsisartut inatsisaat Inatsisartullu peqqussutaat atuuttut malillugit sulinissaat qulakkiissallugu
• Ilaqutariinnut Sulliviup suliassaqarfiisa ataani sammisat aqutsisuuffigalugit, ataqatigiissarlugit ineriartortillugillu
• Aqutsiveqarfimmi anguakkat pingaarnepaat naleqartitallu fagchefi aqutsisullu allat suleqatigalugit immikkortortaqarfik atuutitsilernissamik ineriartortsinissamillu qulakkeerinneqataaneq  

Uku suliassarivatit

• Ulluinnarni aqutsineq, ingerlatsineq taavalu Ilaqutariinnut Sullissivimmi aningaasanik aqutsineq. Saniatigut suliat suliallu ingerlanneqartarnerat pitsaassusaannik qulakkerinninneq, fagchefilu suliamut ineriartornerillu tunngassutilinnik paasissutissank tunniussisarneq
• Ilaqutariinnut Sulliviat Ilaqutariillu Illuanni akornanni sulisut ammasumik erseqqarissumillu attaveqaqatigiinneq qulakkiissallugu, taamaasilluni suliassanik agguataarinninneq pitsaasoq sukkasoorlu anguneqaqqulluni.
• Katsorsariaaseq illoqarfinni tamani assigiissarnissaa anguniarlugu sulineq
• Ilaqutariinnut Sullissivimmi ukiormoortumik pilersaarutaat ilisimaarissallugit
• Kommunimi innuttaasut sullinneqarnerat aqutsisut allat peqatigalugit ineriartortissallugit qulakkiissallugillu
• Ilaqutariinnut Sullissivik Ilaqutariillu Illuini ilusilersuinissaq qulakkiissallugu, uku pineqarput ingerlatseriaaseq, suliassat ilitsersuuteqarnissaat malittarisassallu
• Sulisunik suliamut tunngasumut ineriartortinnissaat
• Sulisunik MUS-samtaleqartarnissaq
• Suliffeqarfimmi sulisut atugarissaarnissaat qulakkiissallugu
• Suliassat assigiinngitsut allat    

Uku neqeroorutigivagut:

• Sulisassat isumaqarluartut, allanngorartut pissangartullu
• Suliffeqarfimmi aalajangigassanut sunniuteqarneq, suleriuutsinut suliniutinillu ineriartortitseqataaneq
• Pikkorissarneq, suliffeqarfillu suliamut tunngasumut ilinniaqqinnissamut ukkatarinnittoq, aammattaaq supervisionerneqarneq
• Suliffeqarfik nuannersoq naligiimmik isiginnittaasilik
• Suliffeqarfik sukaqataarutigalugu teamsinik pilersitsinissaminik ukuninnga sulisunik, aqutsisut, tarnip nakorsai, psykoterapeutit, ilaqutarinnuut siunnersortit, siusissukkut iliuuseqartartunik sulisartut, perorsaasut inuusuttunillu siunnersuisartut.

Pingaartipparput ukuninnga piginnaasaqartutit

• Suliamut tunngasumut naleqqutumik ilinniagaqartutit
• Pingaartineqarput aqutsisutut misilittagaqarnissaq, kiisalu inuit ilungersunartorsiortut pillugit ilisimasaqarneq, ilaqutariit, meeqqat inuusuttuaqqallu immikkut qitiutillugit.
• Ilaqutariinnut Sullivimmi/ilaqutariit illuini suliniutit ataatsimoorussaapput, taamaammat nukissat isigalugit ataatsimut isiginninneq aallaavigalugu sulisassaatit.
• Qajannaatsuussaatit, taamaasillutit suleqativit ilaqutariinnik immikkut ikiortariaqartunut tunngatillugu suliaannut siunnersuillutillu aqqutissiuussisinnaassallutit.
• Suleqatiginnillaqqissuussaatit suliassaqarfiillu akimorlugit sulineq tapersersorsinnaassallugu.
• Ersarissumik aqutsisuussaatit tatiginnilluni aqutseriaatsip pitsaassusianik takunnissinnaasoq suliffiullu iluani suliassat naammasinissaannut suleqatit suleqataassallutik.
• Aningaasaqarnermut suliassaqarfimmullu tunngasunik ingerlatsinermut paasisimasaqarluarlutillu suliaqarsinnaassaatit.
• Qanoq iliorsinnaassuseqarluassaatit allannguinissamullu piareersimassallutit.
• Naggataatigullu, nutaanik ilikkagaqarnissamut alapernaatsuussaatit nutaaliaasumillu eqqarsarsinnaassuseqarlutit.

Kalaallisut/danskisut oqalussinnaasutit, tamannali piumasaqaataanngilaq.

Akissarsiat – atorfinitsinneqarnermullu tunngasut:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Kalaallit Nunaanni Namminersorlutik Oqartussat kattuffiullu isumaqatigiinniarnissamut pisinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

Sukumiinerusumik paasisaqarusuppit?

Sukumiinerusumik paasisaqarusukkuit Tina Evaldsen attavigiuk, oqarasuaat 56 55 09 imaluunniit e-mailikkut: tiev@kujalleq.gl

Paasissutissat pisariallit:

Qinnuteqaat pinerlussimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut tunniunneqassaaq kingusinnerpaamik  17. Januar 2025 nittartagaq aqqutigalugu

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: januaarip 17.-at, 2025

Atorfik una qinnuteqarfigiuk