Nanortalik Meeqqanut suliaqarfimmi isumaginninnermi siunnersortit aqutsisuat

Nanortalik Meeqqanut suliaqarfimmi isumaginninnermi siunnersortit aqutsisuat

Qaqortumi meeqqanut ilaqutariinnullu ingerlatsivimmi sulinermik siammasissumik tunuliaqutaqartumik aggustip aallaqqaataani 2025-mi sulilertussamik isumaginninnermik siunnersortinut aqutsisussarsiorpoq.

Meeqqanut ilaqutariinnullu suliassaqarfimmik soqutiginnilluartuuguit kiisalu suliassaqarfimmi piginnaasannik tunniussilluarsinnaasutut misigiguit tassaasinnaavutit ujartugarput!

Ilinnut tunngasut.

Siunnersortit aqutsisuattut ulluinnarni suliassanik ingerlatsinermi ataqatigiissaarisutut pingaarutilimmik inissisimassaatit suliassanik ingerlatsisut ulluinnarni sulinerannik qularnaarisussaanerit pissutigalugu.

Naatsorsuutigaarput;

• isumaginninnermi siunnersortitut ilinniarsimasutit naleqquttumillu diplomimut, cand.soc. assigisaanulluunniit ilinniaqqissimasutit
• oqartussaqarfimmi aqutsinermut siammasissumik misilittagaqartutit
• meeqqanik ilaqutariinnillu sullissinermik misilittagaqartuusutit
• isumaginninnermut inatsisinut ilisimasaqarluarlutit suliatigut nukituujusutit
• iluarsiinissamik pikkoriffeqartutit iliuuseqarusussuseqartutillu
• ulluni ulapaarfiusuni sulisinnaassuseqarluarlutillu allannguinissamut piareersimasutit
• allakkatigut oqaatsitigullu attaveqarnermut pikkorissuusutit kiisalu oqaloqateqarsinnaassuseqartutit
• namminersorlutit aamma aaqqissuussaasumik suliaqarsinnaasutit
• suliffimmi avatangiisit pitsaasut pingaartikkitit
• aalajaatsutit sullissillaqqissutillu

Kalaallit Nunaanni pissutsinik ilisimasaqarluassaatit kiisalu kalaallisut qallunaatullu oqalussinnaanissat pitsaasuussaaq.

Pingaarnertut suliassatit tassaapput;

• suliassalerinermik aqutsineq sulianillu ingerlateqqinneqartussanik agguataarineq
• suliatigut siunnersioqatigiissitsineq suliallu pillugit ataatsimiititsinerit
• allaffeqarfimmi suliassalerinerup pitsaassusia qularnaassallugu
• suliassani ajornakusoortuni suliassalerisut qanimut suleqatigissallugit
• Aalajangiisartoqatigiinnut sulianik ingerlatitseqqittarneq
• Oqartussaqarfiit suleqatigiffianni suliassat ataqatigiissaartassallugit (TSU)
• isumaginninnermi pigaartunut nalunaarsuilluni skemat akisussaaffigalugit
• Suliassani pisariaqalersuni sulisassalluni
• suliat ataatsimut malinnaavigissallugit, aamma meeqqat inuusuttuaqqallu inissitat eqqarsaatigalugit
• Sulisut ineriartorneri sulinerilu pillugit aalajangersimasumik oqaloqatigisassallugit
• Piffissamik nalunaarsukkanik sulinngiffeqarnissamullu kissaatinik akuersineq

Pinerliisimannginnermut uppernarsaat/meeqqanik pinerliisimannginnermut uppernarsaat:

Atorfik una pinerliisimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu kommunip pinerliisimannginnermik allagartamik tigusinerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Atorfik pillugu

Neqeroorutigaarput suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut nutaaliornissamullu inissaqartitsiffiusoq.

Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, nunatta kujataani kulturi pinngortitarlu qanimut misiginissaanut periarfissaqalissaatit.

Akissarsiat atorfeqartitaanermilu atugassarititaasut,

akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.

Sapaatit akunnerisa 36-ianni atorfinissinnaasunik oqaloqatiginnittoqassasoq naatsorsuutigineqarpoq.

Atorfik pillugu paasissutissat sukumiinerusut kiisalu atorfimmi suliassanut nassuiaat paasissutissat uannga pissarsiarisinnaavatit: Suliassaqarfimmi aqutsisuugallartoq Margrethe Kristiffersen e-mail mkri@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik juulip ulluisa 25-iat 2025 nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

Qinnuteqarnissamut killissarititaasoq: juulip 25.-at, 2025

Atorfik una qinnuteqarfigiuk