Illersukkamik sammisassaqartitsivik

Annertuumik innarluutilinnut Illersukkamik sammisassaqartitsivik”Orniffik” Qaqortoq  Perorsaasumik ataatsimik pissarsiorpoq.

Annertuumik tarnikkut napparsimasut innarluutillit ulluinnarni sammisassaqartitsivianni sulinissat aammalu taamatut napparsimasunut assassornikkut sanalunnikkullu ineriartortitsinissannut sunneeqataanissat periarfissaqarnissallu nuannariviuk, taava immaqa Qaqortumi annertuumik innarluutilinnut sammisassaqartitsisarnissat sanalutsisisinnaanissallu neqeroorummut perorsaasutut sulinissannut suliffik ilinnut tulluartussaaq. Atorfiniffissaq apriilip ulluisa aallaqqaataat 2025 imaluunniit isumaqatigiissuteqarnikkut.

Illersukkamik sammisassaqartitsivik ataasinngornermiit tallimanngornermut nal.08.00 – 16.00 ammasarpoq.

Sulisut atuisunut tapersersuinermigut suleqatiginnilluartuupput, kiisalu suliffimmi pingaartinneqarpoq atuisut inooriaasaanik timikkut tarnikkullu ineriartortinnissaannut ilitsersuinissaminnut.

Neqeroorutigaavut :

• Assassortitsisinnaanermut sammisassaqartitsisinnaanermullu ilitsersuillaqqissuunissaq
• Suleqatinut suleqateqallaqqissuunissaq
• Ulluinnarni sulissutigisanut nutaanut annertuumik sunniuteqarluinnarnissaq
• Eqqarsarsinnaanikkut tunngasunut suliaqartarnernut ineriartortitseqataanissaq
• Suliatigut isumasioqateqartarneq suleqatinut pisortanullu.

Kissaatigaarput :

• Perorsaasutut ilinniarsimasuunissat
• Sullitanut pineqartunut ilisimasaqartutit misilittagaqartutillu
• Inuunermut pitsaasumut isiginnittaaseqassasutit akuersaartumillu isiginnittaaseqarneq aallaavigalugu atassuteqarnernik pitsaasunik pilersitsisinnaasutit
• Inulerinermik misilittagaqarluartutit, suliassanullu agguaassillaqqissuusutit.

Akissarsianut atorfinitsitaanermullu tunngatillugu isumaqatigiissutit atuuttut najoqqutarineqassapput.

Atorfimmut tunngatillugu inissaqartitsisoqanngilaq.

Atorfik pillugu paasissutissat ersarinnerusut uunga saaffiginninnikkut pissarsiarineqarsinnaapput Innarluutilinnut Sullissiveqarfimmut immikkut aqutsisoq Sussi Larsen E-mail: sula@kujalleq.gl oqarasuaat 648065 .

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik februaarip ulluisa 27-iat2025-mi nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: februaarip 27.-at, 2025

Atorfik una qinnuteqarfigiuk