Angajoqqaarsianut siunnersorti

Angajoqqaarsianut siunnersorti:

Atorfiit marluk martsip aallaqqaataani 2025 isumaqatigiissuteqarnikkulluunniit inuttalerneqartussat inuttassarsiuuppagut.

Suliassat:

• Ilaqutariittut paarsisartuuneq pillugu saaffiginnittoqartillugu innuttaasunut siunnersuineq ilitsersuinerlu
• Ilaqutariinnik paarsisartunik nutaanik pissarsiniarneq
• Ilaqutariittut paarsisartuuneq pillugu isumasioqatigiinnernik / saqqummiinernik aaqqissuineq ingerlatsinerlu
• Assigiinngitsunik ukiullit perorsagaanerat perorsaanermilu periaatsit pillugit siunnersuineq ilitsersuinerlu
• Meeqqat inissitat pisariaqartitsinerluuniit malillugu perorsagaasut kingusissukkut sunnigaaneri pillugit paasissutissiisarneq - tassa Meeqqat pisariaqartitaanik paasinninnissaq pillugu (soorlu kinguaassiutitigut atornerlugaanerup, sumiginnagaanerup, angerlarsimaffimmi peqqarniilliortoqarnerata kinguneri eqqarsaatigalugit)
• Ilaqutariittut paarsisartunngornissamik qinnuteqaatit suliarineqarneri
• Qinnuteqartut atugaannik misissuineq tamannalu naapertorlugu qinnuteqartut paarsisuunissamut piukkunnassusiinik naliliineq.
• Ilaqutariittut paarsisartunngortitsinissamik aalajangiiniarnermut inassuteqaasiorneq, tamatumalu kingorna aalajangiinermik allaganngortitsineq
• Ilaqutariinnut aalajangersimasumik isumaqatigiissusiortassalluni kiisalu meeqqat ataasiakkaat pillugit ilaqutariit paarsinissaannut akuersissummik suliaqassalluni
• Ilaqutariittut paarsisartutut akuersissutip utertinneqarnissaanik aalajangernissamut inassuteqaasiortassalluni, tamatuma kingorna aalajangiinermik allaganngortitsisassalluni
• Ilaqutariit paarsisartut Namminersorlutik Oqartussat tunngaviusumik pikkorissartitsinerinut peqataanissaat qularnaassallugu
• Ilaqutariinnik paarsisartunik pisariaqartitsineq malillugu oqaloqatiginnilluni oqilisaassisassalluni
• Ilaqutariit paarsisartut pisariaqartitsineq malillugu isummersoqatigisassallugit
• Ilaqutariinnik paarsisartunik ingerlatsinermut sammititamik nakkutilliineq
• Aarleqqutit pillugit nalunaarusiortassalluni
• Ilaqutariit paarsisartut inatsisinik, nalunaarutinik piumasaqaatinillu nutaanik paasissutissittassallugit

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Akissarsiat atorfimmilu atugassarititaasut Naalakkersuisut Atorfillit Kattuffiallu akornganni Isumaginninnermi siunnersortit aamma suliassalerisartunut isumaqatigiissut atuutinneqassaaq.

Atorfimmut inissaqartitsisoqarpoq.

Atorfik pillugu paasissutissat annertunerusut sullissisunut aqutsisuugallartoq Ane Louise Løvstrøm-imut saaffiginninnikkut pissarsiarineqarsinnaapput e-mail alov@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik februaarip ulluisa 25-iat 2025

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: februaarip 25.-at, 2025

Atorfik una qinnuteqarfigiuk