PerorsaasoqNanortallip meeqqeriviani Qatanngutiinni

Nanortallip meeqqeriviani Qatanngutiinni perorsaasoq

Nanortalimmi meeqqerivik Qatanngutigiit perorsaasumik ilinniarsimasumik pissarsiorpoq maajip ulluisa aallaqqaataani 2025 atorfinittussamik imaluunniit isumaqatigiissuteqarnikkut.

Kommunip meeqqerivia Qatanngutigiit, Nanortalik ilisaritsillugu:

Kommunip meeqqerivia Qatanngutigiit arfineq-sisamanik sulisoqarpoq 24-nillu meerartaqarluni. Ulluinnarni ataasinngornermiit tallimanngorneq tikillugu ammasarpoq nal. 07:30– 16:30.

Naatsorsuutigaarput:

• Perorsaasutut ilinniarsimasuunissat
• Qanilaartoq meeqqanullu uummateqarfiginnittoq
• Meeqqat ataasiakkaat pisariaqartitaannut eqqummaarittuunissat
• Kalaallit oqaasiinik atuisinnaasoq aammalu qallunaat oqaasiinik atuisinnaasoq, piumasaqaataanngilarli qallunaatut oqaaseqartuunissaq.
• Unneqqarissuunissat aamma ammasuunissat
• Suliassarsiullaqqissuunissat aammalu akisussaaffimmik tigusisinnaanissat meeqqallu ineriartortinnissaannut pimassuseqarlutit
• Atuisunut, suleqatinut meeqqanullu suleqatikkuminartuusutit
• Sulisutut ineriartornissamut ammasuunissat piumassuseqarnissat aammalu avitseqatigiissinnaanissat
• perorsaasut qanimut suleqatigissavatit
• Aalajaatsoq piffissamilli ataqqinnittoq
• Suliarput pillugu perorsaanermut tunngasunik oqalliseqataanissannik piumassuseqartutit.

Meeqqerivimmi pingaartitavut

• Meeqqereriaaseq akuersaarnartoq.
• Sussasareqatigiinneq / naligiinneq
• Meeqqanut toqqissisimaneq pilersissallugu, ineriartornermut inissaqartitsisoq.
• Nutaaliorsinnaassuseq

Neqeroorutigisinnaasavut:

• Suleqatigiineq oqitsoq
• Attaveqatigiilluarsinnaaneq
• Nutaaliorfiusoq meeqqerivik
• Suliffik ikioqatigiiffiusoq
• Suliffeqarfik tamatta toqqissisimaffipput

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Inissiaq atorfimmut atatsillugu inissiamik neqerooruteqarsinnaatitaavoq.

Paasissutissat:

Sukumiinnerusumik paasisaqarusukkuit meeqqeriviup pisortaa Viviane P. Geisler vige@kujalleq.gl saaffiginnillutit.

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput martsip ulluisa 26-iat 2025

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: marsip 26.-at, 2025

Atorfik una qinnuteqarfigiuk