Innarluutilinnut siunnersortit aqutsisuat

Innarluutilinnut tunngasuni inunnik isumaginninnermut siunnersortit aqutsisuat

ALLAGARSIUTEQQITAQ:

 

Innarluutilinnut suliassaqarfimmi isumaginninnermut siunnersortinut aqutsisussamik Kommune Kujalleq pissarsiorpoq septembarip ulluisa aallaqqaataa 2025 aallarnerfigalugu imaluunniit isumaqatigiissuteqarnikkut atorfinittussamik.

Kommune Kujallermi meeqqanut inuusuttuaqqanullu suliassaqarfik piffissami sivisuumik ilungersunartorsiorfiusimavoq, tamanna pissutigalugu Naalakkersuisut suliassaqarfimmi ingerlatsineq utaqqiisaasumik tigusimavaat.

Tamatumunnga atatillugu Meeqqanut Inunnullu Innarluutilinnut Ingerlatsivik pilersinneqarsimavoq, Innuttaasut pisinnaatitaaffii atungarissaarnissaallu qulakkeerniarlugit, suliassaqarfiit akisussaaffitsinni annertuumik nukittorsarneqarnera aallartinneqarsimavoq. 

Sullissisutut aqutsisutut innarluutilinnut suliassaqarfimmi innuttaasunut illoqarfinniittut nunaqarfinniittullu sullinnerini aaqqissuussisutut ataqatigiissaarisutullu pingaarutilittut inissisimassaatit, taavalu sullissisut suliaanni aqutsisuuffigalugillu ilitsersortassallugit.

Immikkoortortaq angisuujunngimat meeqqanut, inuusuttuaqqanut kiisalu inersimasunut, ilaatigut innarluuteqarnertik pissutigalugu angerlarsimaffiup avataanut inissinneqarsimasunut tunngasunik suliaqartassaatit, taamaammat ullormut suliassat assigiinngissitaartassaqaat, illillu inuttut suliatigut ineriartornissannut assut periarfissaqassallutit.

Naatsorsuutigaarput illit:

• isumaginninnermi siunnersortitut ilinniarsimasutit naleqquttumillu diplomimut, cand.soc. assigisaanulluunniit ilinniaqqissimasutit
• Pisortani tamakkiisumik isiginnittaaseqarlutit oqartussaqarfinni sullissisuni aqutsisutut misilittagaqartutit
• Innarluutilinnik sullissinermi misilittagaqartutit
• Imminut aqunnissaq piginnaaneqarfigigit
• Suleqatiginninnissamut oqartussanillu allanik suleqateqarnissamut piginnaasaqartutit
• Allaffissornikkut aningaasaqarnikkullu suliassanik misilittagaqartutit
• oqartussaqarfimmi aqutsinermut siammasissumik misilittagaqartutit
• meeqqanik ilaqutariinnillu sullissinermik misilittagaqartuusutit
• isumaginninnermut inatsisinut ilisimasaqarluarlutit suliatigut nukituujusutit
• iluarsiinissamik pikkoriffeqartutit iliuuseqarusussuseqartutillu
• ulluni ulapaarfiusuni sulisinnaassuseqarluarlutillu allannguinissamut piareersimasutit
• allakkatigut oqaatsitigullu attaveqarnermut pikkorissuusutit kiisalu oqaloqateqarsinnaassuseqartutit
• namminersorlutit aamma aaqqissuussaasumik suliaqarsinnaasutit
• suliffimmi avatangiisit pitsaasut pingaartikkitit
• aalajaatsutit sullissillaqqissutillu

Atorfiup imarisai ilaatigut makkuupput:

• Inatsisit atuuttut naapertorlugit suliat pitsaassusaannik suliarineqarnerannillu qulakkeerineq
• Sulisut nutaat ingerlaavartumik ilitsersuunneqarnissaannik aammalu sulisut ineriartornissaannik qulakkeerinninneq
• Suleqatigisanik attuumassuteqartunik suliassaqarfinni assigiinngitsuni suleqateqarnissamik qulakkeerinninneq
• Suliassaqarfimmi pisortaq aamma nakkutilliisoq suleqatigalugit aningaasaqarnermut tunngasuni malitseqartitsineq
• Suliassaqarfiup iluani ilitsersuutinik suleriaatsinillu naammassinnittoqarnissaanik qulakkeerineq malinnaanerlu.
• Immikkoortortami sullissisunut ukiumoortumik MUS-ertitsisarneq (Sulisunik ineriartortitsinermi oqaloqatiginnittarnerit)
• Najukkani angerlarsimaffinni tamani sullivinnilu illersugaasuni misissuisarfiusuni sullissisut peqataasarnissaannik qulakkeerinninneq. 
• Kommunini allani sinniisut sinnerlugit Innarluutilinnut angerlarsimaffimmi Ivaaqqami - misissuinernut sullinneqarnerlu pillugu ataatsimiinnernut, imaluunniit innuttaasunut Kommune Kujallermi najugaqanngitsunut suliassanut nukinginnartunut peqataaneq.
• Innarluutilinnut susassaqarfimmi aningaasarnikkut ingerlatsinerit aaqqinniagassallu pillugit nakkutilliisoq/controlleri qanimut suleqatigissallugu.
• Aningaasaqarnikkut kukkunersiuinernit nalunaarusianut - Namminersorlutillu Oqartussanit nakkutilliinermi nalunaarusianut malinnaaneq ikiuunnerlu.
• Innarluutilinnut tunngasuni nakkutilliisoq suleqatigalugu innarluutilinnut tunngatillugu kisitsisitigut paasissutissat Namminersorlutik Oqartussanut ingerlateqqinneqartarnissaat qulakkiissallugu.
• Siusinaartumik soraarnerussutisialinnut utoqqalinersiutilinnullu tunngasuni naatsorsueqqissaarnermi paasissutissanik Namminersorlutik Oqartussanut tunniussinissamut ikiuunneq.
• Innarluutilinnut, utoqqarnut soraarnerussutisialinnullu tunngasuni suliami pisortamut missingersuutinik nakkutilliinermut tunngasunik ilisimatitsisarnermik qulakkeerinninneq.
• Timikkut tarnikkulluunniit innarluutilinnut isumaginninnermut siunnersortit aqutsisuat isumaginninnikkut siunertaqartunik inissianik agguaasarnermi misissuisartuni aalajangersimasumik ilaasortaavoq.

Inunnik isumaginnittoqarfik ilaatigut makkuninnga neqerooruteqarpoq:

Innarluutilinnut tunngasut maanna ineriartortinneqarput, taamaammat qinnuteqartoq naleqquttoq sunniuteqarnissamut periarfissaqassaaq - akisussaalluni ineriartortitsillunilu, sunniuteqarsinnaalluni ilusilersuillunilu, taamaaliussallunilu qullerisarisat qaninnerit suliassaqarfimmilu suleqatit pitsaasut suleqatigalugit.

Sapaatit akunnerannut akunnerit suliffiit 40-t, isumaginnittoqarfimmi pigaartunut peqataatinneqarnissaq naatsorsuutigineqarsinnaavoq.

Meeqqanut innarliisimannginneq:

Atorfik taanna meeqqanik pinerliisimannginnermut uppernarsaammik pissarsiniartussaatitaaneq pillugu inatsimmut atavoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

Atorfimmut paasissutissat sukumiinerusut isumaginninnermut siunnersortit aqutsisuannut Ove Lund ovlu@kujalleq.gl paasiniarneqarsinnaapput imaluunniit uunga saaffiginnilluni: Suliassaqarfimmi pisortaq Pipaluk Thomassen pith@kujalleq.gl 

 

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik  aggustip ulluisa 17-at 2025.

 

MALUGIUK: Qinnuteqaatit pappilissatigut e-mailikkulluunniit tiguneq ajorpagut, inussiarnersumik qinnuteqaatit PDF-filinngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: aggustip 17.-at, 2025

Atorfik una qinnuteqarfigiuk