Upalungaarsimanermut Pisortaq

Upalungaarsimanermut pisortaq

Nunatsinni kommunit kujallersaat upalungaarsimanermut pisortamik kajumissuseqartumik, pimoorullugu suliniartumik misilittagalimmillu pissarsiorpoq Martsip ulluisa aallaqqaataa 2026 aallarnerfigalugu imaluunniit immikkut isumaqatigiinnikkut atorfinittussamik.

Kommunimiipput siornagut Qaqortup, Narsap Nanortallullu kommunerisimasaat, nunaqarfiit aqqanillit kiisalu savaateqarfiit nunaleriviillu 37-t - katillugit inuit 7.000 missiliukannerlugit. Ineriartorluarpugut massakkullu pilersaarusiornikkut suliassaqaqalutalu ilungersuutissaqarpugut.

Atorfiup aaqqissuussaanikkut inissisimaffia Teknikkimut Avatsangiisinullu Ingerlatsivianiippoq, qullersarlu qaninnerpaaq tassaalluni Ingerlatsiviup pisortaa.

 Piginnaasat:                                                                                      

• indsatslederitut ilinniagalik
• imaluunniit holdlederitut ilinniarsimasoq, aamma illoqarfimmi sulinermi aqutsisutut/indsatslederitut timmisartunilu indsatslederitut anguniagalittut ilinniagaqarsinnaanissamut piumassusilik.
• Nunatsinni ikuallattarnernut upalungaarsimanermullu tunngasunut ilisimasaqarluarneq.
• Suliassamut tunngatillugu nunatsinni inatsisinik ilisimasaqarneq.
• Ilinniakkat pikkorissaanerillu makkua naammassisimassagai: tunngaviusumik ilinniagaq I aamma II, ikuallannermut tunngatillugu "funktionsuddannelsemik" taasaq, ilitsersuinermik ikiortitut/inersimasunut perorsaanermik tunngaviusumik ilinniagaqarneq, ikuallermi holdlederitut, illoqarfimmi timmisartornermilu indsatslederitut.
• Ikuallattoqarsimatillugu teknikkikkut suliassat pillugit ilinniarsimanissat kissaatigineruarput.
• Pisortat allaffeqarfiini sulinermik misilittagaqarneq kissaatiginarsinnaavoq.                                        
• Qarasaasiamik atuinermi ilisimasaqarnissaq, tamatumani Microsoft Office ilanngullugu
• Suleqataalluarsinnaanissat, ulapaarfimmilu tamat isiginnissuteqarsinnaanissat pingaaruteqarpoq, soorluttaaq suliassatigutuulli inuttullu piginnaasat pingaartinneqarlutik marluinnik oqaasillit akornanni sulisinnaanissat pingaaruteqartoq.
• Marluinnik oqaaseqartuusutit - kalaallisut danskisullu.
• Atuuttumik biilersinnaanermut allagartalik.

Suliassat pingaarnerit:

• Ajunaarnersuaqarnermi pilersaarusiorneq - sungiusaatit assigisaasalu ataqatigiissaarnissaat.
• Ikuallannermut atatillugu ileqqoreqqusaliorneq.
• Qatserisartoqarnermi ataatsimiititaliap ataatsimiinnissaanut oqaluuserisassat allattornissaat - aamma imaqarniliorneq nangitsinerlu.
• Missingersuutit eqquutsinneqarnissaat.
• Inatsisit/ maleruagassat/ aalajangersakkat eqquutsinnissaat.
• Sulisoqarnermut politikkimut tunngatillugu piffissaatitaasup iluani saaffiginnissutit akineqarnissaasa isumaginissaat.
• Qullersarisamut ataavartumik paasissutissiisarnissaq.
• Qatserisartut misissuisarnissaannut, ilinniartinneqarnissaannut pikkorissartarnissaannullu pilersaarusiorneq.
• Upalungaarsimanermi suliassaqarfinnut pilersaarutit suliarinissaat nanginneqarnissaallu.

Sanaartukkanik aserfallatsaaliinermut, nutarsaanermut allannguinermullu tunngatillugu immikkoortortani aamma suliassaqartunut sanaartornermullu aqutsisunut siunnersuineq.

Kommunimi sanaartukkat pillugit sanaartornermik oqartussaasunut, Inissiaatileqatigiiffik INI-mut sillimmasissarfinnullu attaveqartarnissaq.

Suliffeqarfimmik pilerinartumik pilersitsiniaanermi eqeersimaartumik suleqataanissaq, matumani ingerlatsiviup takorluugai, anguniagai naleqartitaalu atorneqarlutik ataqqineqarlutillu.

Akisussaaffeqarfiit:

• Upalungaarsimanermut inatsit Inatsisartunit akuerisaq najoqqutaralugu kommunip annaassiniarnermut upalungaarsimasui.
• Upalungaarsimanermi ataqatigiissaarilluni pisortatut Kommune Kujallermi tamarmiusumi upalungaarsimanermut tunngatillugu suliassaqarfik qullersaasutut akisussaaffigissavat.
• Illoqarfinni nunaqarfinnilu najukkani upalungaarsimasut akisussaaffiginissaat, aamma missingersuusiorneq missingersuutillu eqquutsinnissaat.
• Upalungaarsimanermut pisortap tullersortaa aamma ikuallattoqarnerani suliniuteqarnermut pisortat marluk suleqatigalugit akisussaaffivit iluani suleriaatsit ingerlatseriaaserlu pillugit qatserisartunut qatserutaasivimmilu suliaasunut ilinniartitsisassaatit, inatsillu atuuttoq paasisimalluarlugu ilinniartitsinerit ingerlanneqarlutillu atortussat atorneqassallutik.
• Sulianik pinaveersaartitsiniutinik, ikuallattoornissamik sillimaniarnermut nakkutilliineq aamma atortut ikuallassinnaanerannut tunngasunik suliarinninneq aqqutigalugit sulianut akisussaallutillu nakkutilliisuussaatit.
• Sulisunut tunngasunik akisussaaffik, tassunga ilanngullugu napparsimaneq pillugu sulinngitsoortarnermut, sulinngiffeqarnissamut pilersaarusiornermut il.il. nakkutiginninneq.
• Kommunimut tamarmut tunngatillugu missingersuutini upalungaarsimanermut aningaasaliissutit akisussaaffiginissaat.
• Kommune Kujallermi annaassiniarnissamut upalungaarsimasut ataatsimut aaqqissuutamik illuutaasa ingerlanneqarneri aserfallatsaalineqarnerilu, taakkua ilagalugit aqutsisoqarfiit sungiusarfiillu, annaassiniarnissamut upalungaarsimasut atortui il. il.
• Atulersitsinermut akuersissuteqaqataaneq.
• Qatserutit il.il. ingerlanneqarnerinut aserfallatsaaliornerinullu akisussaaffeqarneq.
• Kommune Kujallermi pinaveersaartitsiniutinik sammisaqarneq.
• Kommune Kujallermi suleqatigiissitaagallartut suliakkiissutaannnik suliaqarneq.

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Isumaqatigiissutit atuuttut naapertorlugit atorfinitsitsisoqassaaq.

Inissaqartitsisoqarsinnaavoq malittarisassat qaqugukkulluunniit atuuttut malillugit qularnaveeqqusiissutinut / ineqarnermut akiliuteqarfigineqartartussamik. Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

Atorfik pillugu paasissutissat sukumiinerusut Teknikkimut pisortaq Malik Lundgaard Jensen oqarasuaammut uunga 64 82 55 imaluunniit mailimut uunga mlma@kujalleq.gl saaffigalugu pissarsiarineqarsinnaapput.

                     

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik kommunimut tunniunneqariisapput kingusinnerpaamik februaarip ulluisa 14-iat 2026 nittartagarput aqqutigalugu.

MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: februaarip 14.-at, 2026

Atorfik una qinnuteqarfigiuk