Timimut sungiusaasoq

Qiimasumik timimik sungiusaasussarsiorpoq

Angutaaguit arnaaguilluunniit Kalaallit Nunaata kujataanut qinnuteqarit. Innuttaasunik sungiusaanissamut qiimmassaanissamullu suliaqarsinnaasumik amigaateqarpugut. Pinngortitamik nuannarinnittuuguit qaagit, maani najugassaqartinneqassaatit. Qimminik qimuttoqanngilagut qimusseqaratalu, kisianni qinnuteqaruit nuannaassaqaagut. Angalanissat pisattavillu assartornissaat akilissavagut, hestiutilli nassartissinnaanngilarput.

Illoqarfinni assigiinngitsuni suliartortassaatit, qulimiguulimmik angalaneq ersiginngikkukku qulimiguulimmik angalasassaatit. Timimik sungiusaasutut misigisisassarsiorusuppit? Taava Danmark inuulluaqqulaarallaruk. Angalaniarallaat periarfissatsialak una tigugallaak!

Okay, Pillorissaavimmi taalliortorsuunngilagut, nerippugulli soqutiginnilersillutit!

Tassaana suli timimik sungiusaasutut atorfik inuttassarsiuukkipput, taamaammat tusarfigerusoqaatsigit.

Pingaarnertut innuttaasut innarluutillit utoqqaallu sullittarpagut. Assigiinngitsutigut timimik sungiusaanerit (kisimiittunik , ataatsimoortunik aammalu angerlarsimaffimmi sungiusaanerit), angerlarsimaffimmi pulaarnerni piginnaasanik nalilersuinerit, atortorissaarutinik ikiorsiissutaasinnaasunik pisariaqartitsinerit nalilersuinerit suliassallu allat. Siornatigut misigisimanngisannik misigisaqarnissat qularnanngilaq, ilaannilu sulineq kipparissup iluaniiginnarneq ajorluni, kisianni ajussanngilaq, sanileriilluta ikioqatigiittarpugut.

Ulluinnarni suliffiit Qaqortumiissaaq. Aallaqqaasiutitsinni ilanngunniarsimavarput kommunimi sulineq illoqarfinni nunaqarfinnilu angalalluni suliartortarneq pisassasoq, sulinermut atatillugu angalanerit sivisussusaat assigiinneq ajorput, annermilli sapaatit akunneranik sivisussuseqakkajuttarput. Kommune pingasunik illoqarfeqarpoq aqqanilinnillu nunaqarfeqarluni, taakku sulininni takussavatit. Angalanermilu annermik qulimiguulik aqqutigalugu imaluunniit imaatigut angallatitigut pisarpoq illoqarfiit nunaqarfiillu akornanni aqqusineqannginnami.

Paasissutissaq naatsoq: Atorfininnermi sulititsisussavit tamaanga angalerit akilissavaa. Tikikkuit utaqqiisaasumik najugassannut inissinneqassaatit inissiamik neqeroorfigineqarnissavit tungaanut. Inissiaq neqeroorutaasussaq tassaassaaq atorfeqarninni aalajangersimasumik najugassat. Inissiaq pisatsersugaanngilaq, pisattavillu nassiunneri sulisitsisuvit akilissavai, taamaammat pisattatit pigisatillu allat nassarsinnaavatit.

Oqaluttuarisakka soqutiginartikkukkit Kalaallillu Nunaata kujataani najugaqarnerup qanoq inneranik sukumiinerusumik paasisaqarusukkuit isumaqarpunga pisussaaffilersugaanngitsumik sianerfigiinnassagimma. Susannemik ateqarpunga kommunimilu timimik sungiusaasuni aqutsisuullunga. Attavigisinnaavarma uunga: +299 520826, Danmarkip nalunaaqutaa malillugu nal. 12-19, imaluunniit allaffiginnga uuna subu@kujalleq.gl .

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik aggustip qulingat 2025 nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: aggustip 10.-at, 2025

Atorfik una qinnuteqarfigiuk