Udviklingskonsulent

Meeqqat Inunnullu Innarluutilinnut Ingerlatsivimmi ineriartortitsinermik siunenrsortissarsiorpoq

  

Meeqqat inuusuttullu inuillu innarluutillit sullinneqarnerat ineriartoqataaffigerusuppiuk? Meeqqanut Inunnullu Innarluutilinnut Ingerlatsivimmi ineriartortitsinermik siunnersortissarsiorpoq martsip aallaqqaataaniit 2025-miit imaluunniit piffissamik isumaqatigiinnikkut. Atorfik Qaqortumi inissisimavoq.

Ingerlatsivik pillugu:

Kommune Kujallermi meeqqanut inuusuttuaqqanullu inunnullu innarluutilinnut suliassaqarfiit piffissami sivisuumik tatineqangaarsimavoq, tamanna pissutigalugu Naalakkersuisut suliassaqarfimmi ingerlatsineq utaqqiisaasumik tigusimavaat.

Tamatumunnga atatillugu Meeqqanut Inunnullu Innarluutilinnut Ingerlatsivik pilersinneqarsimavoq, Innuttaasut pisinnaatitaaffii atugarissaarnissaallu qulakkeerniarlugit, suliassaqarfiit akisussaaffitsinni annertuumik nukittorsarneqarnera aallartinneqarsimavoq. Ineriartornermik siunnersortitut ingerlatsivimmi aqutsisut inuit innarluutillit meeqqanik inuusuttunillu sullissineranni anguniagaat ikorfartorlugillu tapersersussavatit. Anguniakkat inunnik innarluutilinnik taavalu meeqqanut inuusuttunullu sullissinermi immikkortortqarfi akimorlugit anguniagaasinnaapput, imaluunniit immikkoortortarfiit immikkut anguniagaasinnaapput.

Sulinermi pingaarnerpaartaanut ilaassaaq ingerlatsinerup qulakkeerneqarnissaa, taamaattorli aamma sinaakkutissat piumasaqaatillu eqqarsaatersorneqaqqinnissaat ineriartorteqqinnissaallu pisariaqartinneqarpoq. Tamanna toqqammavik nukittorsarneqarnerata ingerlanerani ineriartortitsinermik siunnersortimik misilittagalimmik ujaarlerpugut, periarfissanik takunnissinnaasoq aamma allannguinernik pitsaasunik pilersitsisinnaasoq.

Ineriartortistinermik siunnersortip suliassai pingaarnerit makkuupput:

• Ingerlatsivimmi aqutsisut suleqatigalugit suliamut tunngasunik ineriartortitassanik sulianik kivitsoq ataqatigiissaarisorlu
• Ineriartortitsinermik suliat ingerlasut ikorfartorlugit immikkoortortaqarfinnilu pisariqartitsinerat aallaavigalugu siunnersuineq   
• Ingerlatsiviup anguniagaanut attuumassutillit ineriartortitsinermut suliassat ataqatigiissaarlugit sulianillu aallartitsineq
• Atuutitsiniarnermik suliat ikorfartorlugit ingerlatsinermullu ataqatigiisitsiniarnermik qulakkerinneqataaneq
• Najoqqutassanik suliaqarneq, aqutsisullu suleqatigalugit atuutilersitsiniarnerannullu suliaat peqataaffigalugit malitsiqartitsineq nalilersuinerillu.
• Ingerlatsivimmi pikkorissaanissanik workshoppinillu pilersaarusiorneq
• Aqutsisut sulisunik ineriartortitsinerat ikorfartorlugit
• Suliassat allat

Ilinnut tunngasut

• Attumassutilimmik ilinniagalik ineriartortitsinermillu sulianik misilittagalik.
• Ilusilersiullaqqittoq, namminersorluni sulisinnaasoq, sungiussiasoq sullissilluarnissamillu soqutiginnittoq
• Allattariarsornikkut attaveqaqatigiinnermillu pikkorissoq
• Kalaallisut qallunatullu oqalussinnaasoq, kisianni piumaqaataanngilaq
• Ulluinnarni ulapaarfimmi allaffissornikikkut suliassat projektillu suliassartai oqimaaqatigiissinnissaanik ilorrimaarutiginnissinnaaneq
• Suleqatigiillaqqissoq aamma suleqatigiit immikkoortuisa oqaloqatigiinnerannik pilersitsisinnaaneq susassaqarfinni aamma suleqatigiiaakkaani.
• Susassaqarfik annertooq ataatsimut isigisinnaagit, nukissallu qitiutillugit ukkarisinnaallugit.

Uagut neqeroorutigaagut

• Ingerlatsivik pissanganartunik suliassalik pikkorissunik sulerusussuseqartunillu suleqateqarneq
• Meeqqanut inuusuttunullu inunnillu innarluuteqartunut sullissineq sunneeqataaffiginissaanut periarfissaqarputit
• Suliffeqarfik ineriartornissamik ukkatarisalik suliassaqarfiillu akimut suleqatigiissinnaanerannik pingaartitsisoq

Atorfininnermut atatillugu

Kalaallit Nunaanni Namminersorlutik Oqartussat kattuffiullu isumaqatigiinniarnissamut pisinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

Sukumiinerusumik paasisaqarusuppit?

Sukumiinerusumik paasisaqarusukkuit Tina Evaldsen attavigiuk, oqarasuaat 56 55 09 imaluunniit e-mailikkut: tiev@kujalleq.gl

Paasissutissat pisariallit:

Qinnuteqaat pinerlussimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut tunniunneqassaaq kingusinnerpaamik februarip 25-ni 2025

MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: februaarip 25.-at, 2025

Atorfik una qinnuteqarfigiuk