PisortaqNaalakkersuisut Kommune Kujallermut Meeqqanut

Naalakkersuisut Kommune Kujallermut Meeqqanut inunnullu innarluutilinnut aqutsivimmi pisortassamik tunniusimasumik piginnaasaqarluartumillu pissarsiorput

Pisortatut ulluinnarni aqutsineq, ingerlatsineq, tassungalu ilanngullugu meeqqanut inunnullu innarluutilinnut suliassaqarfiit iluanni ingerlatsinermik pilersaarusiorneq, malitseqartitsineq pitsanngorsaanerlu, akisussaaffigissavatit. Suliarlu taanna Naalakkersuisut qanimut suleqatigalugit ingerlanneqassaaq, suliassaqarfiit taakku Naalakkersuisunit tiguneqarmata innuttaasut sullinneqarnissaminnik, kiffartuunneqarnissaminnik pisinnaatitaaffeqarnerat aammalu Meeqqanut Inunnullu Innarluutilinnut Ingerlatsiviup ulluinnarni ingerlanneqarnera qulakkeerniarlugit.

Meeqqanut Inuusuttunullu Naalakkersuisoqarfimmi pisortaq toqqaannartumik attaveqarfigissavat.

Pingaarnertut suliassat akisussaaffeqarfiillu

• Meeqqanut Inunnullu innarluutilinnut Aqutsivimmi sulianik pilersaarusiortarnerup, malitseqartitsisarnerup pitsanngorsaanerullu qulakkeernissaat.
• Isumaginninnermut suliassaqarfimmi suliniutit uppernarsaanermik tunngaveqarnissaannik inatsisinillu atuuttunik eqquutsitsinissaannik qulaakkerinissaq.
• Meeqqanut inuusuttunullu ikiortarialinnut aammalu inunnut innarluutilinnut tunngatillugu neqeroorutaasut pitsaassusaannik qulakkeerinissaq.
• Meeqqanut inuusuttunullu aammalu inunnut innarluutilinnut suliassaqarfinni missingersuutinik pilersaarusiornermut, malitseqartitsinermut inatsisinillu eqquutsitsinissamut akisussaaffeqarneq. Isumalluutinik atuinermik sunniuteqarluartumik suliaqarneq aningaasartuutinillu pitsanngorsaaneq pitsaassutsimut akornutaanngitsumik.
• Innuttaasunut, soqutigisaqaqatigiiffinnut, suliatigut kattuffinnut kommunimilu suliassaqarfinnut allanut suleqatigiinnikkut atassuteqarnernik pitsaasunik pilersitsinissaq attataqaannarnissarlu.
• Pisortat allat aamma Meeqqanut Inuusuttunullu Naalakkersuisoqarfik peqatigalugit suliaqarfiit akimorlugit suleqatigiinnerup peqataaffiginera.
• Suliassaqarfimmi mellemlederinut qullersatut aqutsisuuneq aammalu sulisut akornanni atugarissaarnissamik, kajumissuseqarnissamik piginnaasanillu ineriartortitsinissamik qulakkeerinissaq.

Suliatigut piginnaaneqarfiit

• Ilinniakkatigut naleqquttumik tunuliaqutaqarneq, soorlu ass. inuiaqatigiilerineq, inunnik isumaginninnermik suliaqarneq imaluunniit pisortat ingerlatsinerat.
• Isumaginninnerup iluani aqutsinermik misilittagaqarneq.
• Aningaasaqarnermik aqutsinerup iluani piginnaaneqarluarneq.
• Marluinnik oqaaseqarluni danskisut kalaallisullu oqallorissuuneq.

Inuttut piginnaaneqarfiit

• Attaveqaqateqallaqqissuuneq siammasissumillu suleqatiginnissinnaassuseqarneq
• Nukissaqarluartoq tatigeqatigiinnermillu pilersitsisinnaasoq inuttullu aalajangiusimannissinnaassuseqartoq
• Piumassuseqqortooq pisunilu pisariusuni aalajangiisinnaassuseqartoq

Neqeroorutigaagut

• Aaqqissuussaanermi innuttaasut pitsaasumik inuuneqarnissaannut annertuumik pingaarutilimmi atorfik soqutiginartoq unammilligassaqartitsisorlu
• Akissarsiat atorfeqarnermilu atugassarititaasut akissaatitigut isumaqatigiissutit atuuttut naapertorlugit
• Atorfik Kommune Kujallermi inissisimassaaq, Naalakkersuisoqarfimmi pisortaq Heidi Lindholm attaveqarfigalugu
• Atorfik piffissamut 31. januaari 2026-p tungaanut killiligaavoq

Qinnuteqarfissaq kingulleq: 22. januaari 2025

Atorfik pillugu apeqqutissaqaruit Flies HR-imeersup Partner Dorthe Fliesip mobilikkut +299 583117-imut, +4560833117-imut imaluunniit e-mailikkut dorthe@flieshr.dk -mut attaveqarfiginissaanut tikilluaqqusaavutit.

Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.

Atorfik pillugu allanik apeqqutissaqaruit Meeqqanut Inuusuttunullu Naalakkersuisoqarfimmi pisortaq Heidi Lindholm saaffigineqarsinnaavoq.

Tusarfiginissat qilanaaraarput.

Suliffeqarfik

Naalakkersuisut pillugit paasissutissat amerlanerusut

www.naalakkersuisut.gl-imi nassaarisinnaavatit

Qinnuteqarnissamut killissarititaasoq: januaarip 22.-at, 2025

Atorfik una qinnuteqarfigiuk