Ilaqutariit Inuussutissarsiutigalugu paarsisartut

Ilaqutariit inuussutissarsiutigalugu paarsisartut:

ALLAGARSIUTEQQITAQ

Kommune Kujalleq Qaqortumi ilaqutariinnik inuussutissarsiutigalugu paarsisartunik marlunnik piaarnerpaamik imaluunniit isumaqatigiissuteqarnikkut atorfinittussanik pissarsiorpoq.

Ilaqutariit inuussutissarsiutigalugu paarsisartut Isumaginnittoqarfiup Meeqqanut, Inuusuttuaqqanut llaqutariinnullu immikkoortortaani atorfeqassapput angajoqqaarsianullu siunnersortimut attaveqassallutik, taassumalu inatsisit naapertorlugit ilaqutariinnut paarsisartunut tunngasut isumagisarai.

Atorfiup imarisaa:

Kommune Kujalleq ilaqutariinnik tunniusimasunik qanilaartunillu pissarsiorpoq, taakku meeqqat inuusuttuaqqallu atukkatigut, peqqissutsikkut ineriartornikkullu pisariaqartitaannik ilisimasaqassapput, ilaqutariittullu paarsisartutut piffissaq tamaat sulinissamut kajumissuseqassallutik.

Ilaqutariit paarsisartut ujartukkavut isumaginninnermut tassungaluunniit assingusumik ilinniagaqarsimassapput kiisalu / imaluunniit misilittagaqassallutik, soorlu ilinniartitsisutut, perorsaasutut, peqqissaasutut assigisaattullu.

Ilaqutariit inuussutissarsiutigalugu paarsisartut meeqqanik 0-18 akornanni ukiulinnik inissitanik paarsisassapput, taavalu Kommune Kujallermi isumaqatigiissutit atuuttut naapertorlugit atorfeqartinneqassallutik.

 

Ilaqutariit inuussutissarsiutigalugu paarsisartut ilaqutariinnut inuussutissarsiutigalugu paarsisartunut piumasaqatinik naammassinnissapput kiisalu sulianut assigiinngitsunut soorlu pikkorissarnernut assigisaannullu peqataasinnaassallutik, kiisalu paarsinermut atatillugu suliassiissutigineqartunik suliaqarsinnaassallutik.

Ilaqutariit inuussutissarsiutigalugu paarsisartut oqartussatut suliaqarfimmi inissitalerisunik kiisalu meeqqap attaveqarfiinik qanimut suleqateqassapput.

Qinnuteqaateqartunut piumasaqaatit:

Ilaqutariit inuussutissarsiutigalugu paarsisartut piginnaasaat, eqaassusiat inunnillu allanik inissaqartitsisinnaassusiat, kiisalu meeqqat atugaannut ineriartornerannullu ilisimasaat paasinninnerallu pillugu annertuunik Kommune Kujalleq piumasaqaateqarpoq.

Naatsorsuutigineqarpoq ilaqutariit inuussutissarsiutigalugu paarsisartut;

• Isumaginninnermut tassungaluunniit assingusumik ilinniagaqarsimassasut kiisalu / imaluunniit misilittagaqassasut, soorlu ilinniartitsisutut, perorsaasutut, peqqissaasutut assigisaannillu.
• Meeqqanut inuusuttunullu atugarliortunut katorsartariaqartunullu tunngasunik suliaqarnermik misilittagaqarluartut, ilisimasaqarluartut piumassuseqarluartullu.
• Aalajaatsuussasut tatitussuseqarluarlutik sulianillu ilisimasaqarluarlutik
• Oqartussanik attuumassuteqartunillu suleqatigisartakkanik suleqateqarsinnalluartut
• Meeqqat angajoqqaavinik attaveqarfiinillu suleqateqarnissamut piumassuseqarluartut
• Inuunermik pitsaasumik isiginnittaaseqartut, ammasuullutillu inussiarnersuusut
• Iliuuseqarusussuseqartut namminersorsinnaassuseqarluartullu

Tamatuma saniatigut pingaartipparput:

• Inunnik allanik inissaqartitsisinnaassuseqarneq naammagittartuunerlu
• Ilungersunartunik qaangiiniarsinnaassuseqartut ineriartornermillu pingaartitsisut
• Allattariarsornermi oqaluttariarsornermilu ersarissumik paatsuugassaanngitsumillu attaveqarsinnaassuseqartusi
• Namminersorlutit sulisinnaasusi, akisussaassuseqartusi sullissiumatuujullusilu
• Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassusiliususi
• Tatituujususi, pilersitsiniallaqqissuullusi, nukissaqartusi piumassuseqarluartuullusilu
• Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasusi
• Arlalissuarnik suleqateqallaqqissuussusi
• Meeqqat pisariaqartitaanik tamatigut qitiutitsisartusi

Neqeroorutigaavut:

Suliffik pikkunartoq imarisassaanik nammineq sunniuteqarfigineqarsinnaasoq paarsinermi ilungersunarsinnaasumi nammineq annertuumik akisussaassuseqarfiusoq.

Uku periarfissaassapput;

• Pikkorissarnerit suliamut attuumassutillit
• Siunnersuineq ilitsersuinerlu:
• Oqaloqateqarluni oqilisaassineq
• Pisariaqartitsineq naapertorlugu tapersersuineq

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Atorfik pillugu paasissutissat sukumiinerusut sullissisunut aqutsisuugallartumit Ane Louise Løvstrøm-imit pissarsiarineqarsinnaapput e-mail alov@kujalleq.gl

 

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunimut tunniunneqariissapput kingusinnerpaamik martsip 25-iat 2025.

 

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatinnik nittartagaq aqqutigalugu PDF-inngorlugit nassiussinissat inussiarnersumik piumasarineqarpoq.

Qinnuteqarnissamut killissarititaasoq: marsip 25.-at, 2025

Atorfik una qinnuteqarfigiuk