Arbejdende vejformand

Qaqortumi Maskinstationi aqqusinilerisut pisortaanik pissarsiorpoq.  

Teknikkimut Avatangiisinullu ingerlatsivik Qaqortumi Maskinstationimi aqqusinilerisut pisortaanik pissarsiorpoq novembarip ulluisa aallaqqaataa 2025 isumaqatigiissuteqarnikkulluunniit atorfinittussamik.

Suliffik

Aqqusinilerisut pisortaat Avatangiisinut Ingerlatsivimmi sanaartornermi ingeniøri suleqatigalugu silataani ingerlatsinernik aserfallatsaaliinernillu suliaqartassaaq.

Maskinstationi suliffiuvoq pissanganarlunilu unammillernartoq aamma allanngorartoq, kiisalu pikkorissunik qiimasunillu sulisoqarluni. 

Qaqortumi Maskinstationip sanaartugalerinermut immikkoortorqarfiani aqqusinilerisutut pisortap sanaartornermut ingeniøri qaninnertut pisortaraa.

Suliassat pingaarnerit:

• Sumiiffiinnik qorsooqqissunik saligaatsuutitsineq.
• Kuumik saligaatsuutitsineq.
• Kussinernik aserfallatsaaliineq.
• Aqqusinernik aserfallatsaaliineq asfalterisarnerlu.
• tummeqqanik ikaartarfinnillu aserfallatsaaliineq.
• Kommunip puttasuliaanik nakkutiginninneq aserfallatsaaliinerlu.
• Silataani nerriviliornerit issiaviliornerillu aamma nerrivinnik issiavinnilu peersineq.
•  Tummeqqani aqqusininerlu aputaajaaneq siorarterinerlu.
• Aputaajaanermi nakkutilliineq.
• Kuuffinnik nakkutilliineq.
• Assaanissamut akuersissutinik nunaminertanillu atugassiigallarnernik nakkutilliineq.
• Kommunip atortuutaanik nakkutilliineq aserfallatsaaliinerlu.
• Maskinstationimi sulisunut sulinermik aqutsineq.

Naatsorsuutigaarput:

• Qamutinut motoorilinnut allagartaqartutit
• Sulisunik aqutsisutut misilittagaqarluartuussasutit
• Masinstationimi suleqateqarnissanut piumassuseqartutit
• Namminersorlutit sulisinnaasutit
• Suleqatiginnillaqqissuusutit
• Akisussaaffeqartuusutit
• Allattariarsornikkut oqaatsitigullu attaveqallaqqissuusutit
• Marluinnik oqaaseqartuusutit, piumasaqaataangilarli.
• Ataatsimut isiginnissinnaassuseqartutit
• Maskiinarsuarnik ilisimasaqartutit

Ilinnut neqeroorutigisinnaasavut:

• Suliffik soqutiginartoq allanngorartorlu
• Suliatigut inuttullu ineriartornissamut periarfissat pitsaasut.
• Suliffimmi avatangiisit pitsaasut suleqatillu pikkorissut
• Immikkoortortaq ineriartorluartoq
• Suliffik innuttaasunik qitiutitsiviusoq

Akissarsiat atorfeqartitaanermilu atugassarititaasut:Akissarsiatigut atorfinitsitaanermilu atugassarititaasut atorfininnerup nalaani Namminersornerullik Oqartussat SSK-llu akornanni isumaqatigiissutit atuuttut naapertorlugit aaqqinneqassapput.   

Suliffimmut atatillugu inissaqartitisisoqanngilaq.

Atorfimmut sukumiisumik paasissutissat Teknikeqarnermut pisortaagallartoq Pavia Kielsen Teknikkimut Avatangiisinullu Ingerlatsivik e-mail: pavk@kujalleq.gl attavigineqarsinnaavoq.

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik oktobarip ulluisa tallimaat 2025.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: oktobarip 5.-at, 2025

Atorfik una qinnuteqarfigiuk