Diese Stelle ist abgelaufen
Die Bewerbungsfrist für diese Stelle ist abgelaufen. Sie können das Unternehmen dennoch direkt kontaktieren.
Ilaqutariit meerartallit sullikkusukkukkit, tamakkiisumik isiginnittariaaseqaruit kiisalu suliamik qitiutsiguit immaqa tassaavutit suleqatissarput nutaaq.
Narsami Meeqqanut Ilaqutariinnullu Ingerlatsivik isumaginninnermi siunnersortinik/sullissisunik sulisussarsiorpoq.
ALLAGARSIUTEQQITAQ:
Juunip aallaqqaataani 2025-mi atorfinittussamik imaluunniit sukumiinnerusumik isumaqatigiissuteqarnikkut Meeqqanut Inuusuttuaqqanullu Immikkoortortami marlunnik suleqatissarsiorpugut. Immikkoortortami meeqqat 0-imiit 17-it tikillugit ukiullit sullittassavatit. Kiisalu inuusuttuaqqat sullinneqarsimasut namminersulernissaannut ikorfartortarlugit (18-23-nik ukiullit) Ilaqutariit meerartallit sullikkusukkukkit, tamakkiisumik isiginnittariaaseqaruit kiisalu suliamik qitiutsiguit immaqa tassaavutit suleqatissarput nutaaq.
Naatsorsuutigaarput:
-
Isumaginninnermi siunnersortitut allamilluuniit naleqquttumik ilinniarsimasuusutit.
-
Meeqqanut tunngasutigut aqutsinermut ukiuni qassiini misilittagaqartutit oqartussatullu sulinermut kajumissuseqarlutit
-
Meeqqanut tapersiisarnermut inatsit inatsisillu attuumassuteqartut allat pillugit ilisimasaqarfigilluaritit
-
Allakkatigut oqaatsitigullu attaveqallaqqittutit
-
Nutaanik aaqqiissutissanillu eqqarsartuusutit
-
Namminersorlutit sulisinnaassuseqartutit kiisalu angajoqqaat suleqatillu attuumassuteqartut suleqatigisinnaagitit
-
Marluinnik oqaasiliusutit (kalaallisut/danskisullu)
Suliassatit:
-
Nalunaarummik tigusinermiit ikiorsiissutinik aallartitsinermi suliassat tamaasa
-
Isumaginninnermi misissuinernik suliaqarneq, iliuusissatut pilersaarutinik suliaqarneq kiisalu innersuussisarneq
-
Meeqqanik oqaloqateqarneq, tusarniaaneq malitseqartitsinerlu
-
Qinnuteqaatinik suliaqarneq
-
Aalajangiinernik allagaqarneq
-
Angajoqqaanik qanimut suleqateqarneq
-
Pinaveersaartitsineq, siunnersuineq ilitsersuinerlu.
Pinerliisimannginnermut uppernarsaat/meeqqanik pinerliisimannginnermut uppernarsaat:
Atorfik una pinerliisimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu kommunip pinerliisimannginnermik allagartamik tigusinerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut nutaaliornissamullu inissaqartitsiffiusoq.
Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.
Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.
Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.
Qinnuteqartunik oqaloqatiginninnissaq sap. ak. 15-imi Kalaallit Nunaata nalunaaqqutaa naapertorlugu 09:00 – 15:00 akornanni naatsorsuutigineqarpoq.
Atorfik pillugu paasissutissat sukumiinerusut kiisalu atorfimmi suliassanut nassuiaat paasissutissatisumaginninnermi siunnersortit aqutsisuat Margrethe Kristoffersen saaffigalugu pissariarineqarsinnaapput oqarasuaammut 664617, e-mail: mkri@kujalleq.gl
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik Apriilip 9-at 2025 nittartagarput aqqutigalugu kommunimit tiguneqareersimassapput.
MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: apriilip 9.-at, 2025
Atorfik una qinnuteqarfigiuk
Kontaktdaten
Kujalleq kommune
Anders Olsensvej
3920 Qaqortoq , Grønland
Email: Mkri@kujalleq.gl
Teilen Sie den Job auf
Offene Stellen im selben Unternehmen
Keine offenen Stellen im selben Unternehmen.
Berufsbezeichnung
Isumaginninnermut siunnersorti NarsaqNarsami Meeqqanut Ilaqutariinnullu Ingerlatsivik
Anstellungsart
Fuldtid
Bewerbungsfrist
9. Jun 2025
Kontaktperson
Margrethe Kristoffersen
Mkri@kujalleq.gl
664617
Kategorie
Ingenieurwissenschaft und Technologie /
Führung im Ingenieurwesen und Technologie
Offene Stellen in derselben Kategorie
Technischer Mitarbeiter
Die Gemeinde Qeqqata sucht einen technischen Mitarbeiter für die Planungsabteilung in Sisimiut. Die Position erfordert Erfahrung mit GIS und digitaler...
Technik- und Umweltleiter
Die Gemeinde Qeqqata sucht einen Technik- und Umweltleiter, der einen Bereich mit Fokus auf Gemeindeplanung, Umweltplanung und technischen Herausforde...