Siusinaartumik iliuuseqarnermik sulisoqNarsami

Narsami siusinaarluni iliuuseqarnermi susassaqarfimmi perorsaasoq:

Ilaqutariinnut sullissivik Narsami Siusinaarluni iliuuseqarnermi susassaqarfimmi perorsaasussarsiorpoq oktobarip ulluisa aallaqqataa 2025 imaluunniit isumaqatigiissuteqarnikkut atorfinittussamik.

Ilaqutariit sullissivianni sulisut tassaapput ilaqutariinnik siunnersuisartut, siusinaartumik iliuuseqarnermi sullissisut kiisalu inuusuttunut siunnersorti, taassumalu isumagisarai meeqqat inuusuttuaqqallu immikkut pisariaqartitsisut ajornartorsiutinut pinerluinnermullu qanittuusut.

Isumaginninnermik siunnersortitut, perorsaasutut inulerinermiluunniit assingusumik ilinniarsimasuuit? Aalajaajaatsuuit? Ammasuuit? Aammalu eqeersimaartuuit? Suleqatigiit akornanni sulisinnaavit kiisalu ammasuullutillu eqaatsumik sulisinnaavit?

Atorfinittussamut piumasaqaat piginnaasallu:

Perorsaasutut ilinniagalik

Atorfimmut akisussaaffiit:

• Ulluinnarni ilaqutariinnut siusinaarluni katsorsaaviutigaluni angerlarsimaffimmut innersuuneqartunut kiisalu ilaqutariinnut siusinaartumik iliuuseqarfiinnut assigiinngitsunut innersuuneqartunut attaveqaataaneq.
• Ullut tamakkiallugit ilaqutariit imminnut atassuteqarnerat pissusilersornerallu nakkutigalugit alaatsinaanneq takusanillu paasiniaaqqissaarneq.
• Katsorsaanissamut pilersaarut tunngavigalugu perorsaanermik isumassuinermillu suliaqarneq.
• Siusinaartumik iliuuseqatigiinnik qanimut suleqateqaarneq, taassuma ilagalugu Ilaqutariinnut Sullissivimmi siusinaartumik sullissisoq, siusinaartumik iliuuseqarnermi sullississoq, ernisussiortut, peqqissaasullu kiisalu Ilaqutariinnut Sullissivimmi katsorsaasut/siunnersortit.
• Meeqqap pisariaqartitai aallaavigalugit tapersersorneqarnissaa, assersuutigalugu ulluunerani paaqqinnittarfimmi.
• Angajoqqaat meeqqaminnut pitsaasumik attaveqalerniarneranni tapersersussallugit. Ass. pinnguaatit atornerisigut.
• Akuersaartumik perorsaariaaseqarneranni angajoqqaat tapersersussallugit.
• Angajoqqaat ulluinnarni aqutsiniarnerannut kiisalu aningaasaqarniarnermi aqutsiniarnerannut tapersersorlugit.
• Sapaatip akunnikkuutaartumik pileraarusiortarneq aamma angajoqqaat/meeraq peqatigiillutik sammisaqartinnissaat, kiisalun sammisassat attuumassuteqartut allat.
• Sapaatip akunneranut pilersaarutit najoqqutaralugit illumi ataatsimoorussamik eqqiaasarnissap akisussaaffiginissaa.
• Ilaqutariinnik nutaanik ineqalertussanik piareersarneq tikilluaqqusinerlu.
• Siusissukkut iliuuseqarnermi siuarsaaqataaneq ass. eqimattanik oqaloqatigiissitsineq kiisalu sammisassanik attuumassuteqartunik ilitsersuineq.
• Ukunani peqataasarneq. Atsaatsimiinneerit assigiinngitsut soorlu siusinaartumik iliuuseqarnerni ataatsimiinnernut peqataaneq, katsorsaaneq pillugu ataatsimiineq, innersuussiniarluni ataatsimiinnerit, kiisalu najugaqartut ataatsimiittarnerannut peqataaneq, Ilaqutariinnik Sullissivimmi sulisut ataatsimiittarnernannut aamma pikkorissarnernut naleqquttunut/imlt. sulisunik atuartitsisarnernut peqataasarnissaq.
• Apissermi angajoqqaat katsorsagaaneranni, oqaloqatiginninneranni ilinniartitaaneranniluunniit pisariaqalissagaluarpat meeqqanik paarsineq.
• Illumi atortussarsiniarneq, soorlu eqqiaatit, tiit, kaffit, nangit allallu.
• Siusinaarluni iliuuseqarnermi suleqataasut aamma siusinaarluni iliuuseqarnermi sullissisut suleqatigalugit katsorsaanissamik pilersaarutip pilersinneqarnissaa kiisalu ilaqutariit najugaqartut ataavartumik attavigisarnissaat.
• Katsorsaanermut suliniutinut tunngatillugu pitsaassutsimmik isumannaarinnittarnerit akisussaaffigeqataanissaat - aamma ilaqutariit siusinaartumik iliuuseqarnissamut misissuivigineqarsimasut katsorsaavimmi sulissutiginissaat.
• Ilaqutariinnik Sullissivimmi siusinaarluni iliuuseqarnermi suliaqartut kiisalu suleqatigiit sinneri suleqatigalugit suliniutit katsorsaanerillu pilersaarusiornissaannut akisussaaqataanissaq.
• Ilaqutariit killiffii pillugit ataatsimiinnernut peqataasarneq.
• Ilaqutariinnik Sullissivimmi pisortaq, siusinaartumik suliaqarnermi ataqatigiissarisoq kiisalu katsorsaasut aqutsisuat suleqatigisarlugit.
• Qaammatit tamaasa sullissat suliniutillu pillugit kisitsisitigut nalunaarsuisarnissamut akisussaavoq taakkulu ukiut tamaasa aqutsisunut tunniuttassallugit.

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Akissarsiat atorfeqartitaanermilu atugassarititaasut:

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.

Attavissaq Ilaqutariit sullissiviani pisortaq Bibi Lund Kielsen e-mail bilk@kujalleq.gl

Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri il. il. kingusinnerpaamik septembarip ulluisa 14-iat 2025 kommunimit tiguneqareersimassapput nittartagaq aqqutigalugu.

MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiunniunneqassapput PDF-fil imaluunniit Word-fil-inngorlugit nassiunneqassallutik.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: septembarip 14.-at, 2025

Atorfik una qinnuteqarfigiuk