Narsami TeknikeriAvatangiisinut Ingerlatsivimmut Narsamiittumut teknikerissarsiorneq

Avatangiisinut Ingerlatsivimmut Narsamiittumut teknikerissarsiorneq

Teknikkimut Avatangiisinullu Ingerlatsivimmi teknikeritut Narsami atorfik juunip ulluisa aallaqqaataa 2025 aallarnerfigalugu isumaqatigiissuteqarnerluunniit naapertorlugu inuttassarsiorneqarpoq.

Narsami Ingerlatsinermut immikkoortortami silami suliassalerivik arfinilinnik sulisoqarpoq, Tigooraavimmi aamma Eqqaavissuarmi sulisut sisamaapput, Eqqagassalerinermut Anartarfilerinermullu sulisut sisamaallutik. Narsap immikkoortoqarfiata akisussaaffii tassaapput Narsaq, Igaliku, Qassiarsuk aamma Narsarsuaq.

Makku suliarisassavatit:

• Aqqusinilerisut akisussaaffigalugit.
• Nunaminertanik atugassiisarnermi sulianik sullissineq.
• Kommunip illuutaanik nakkutilliineq pilersaarutaasullu malillugit aserfallatsaaliineq (PPV).
• Nutarterisoqarnerani sanaartortoqarneranilu aningaasatigut aqutsineq nakkutilliinerlu.
• Ingerlatsivimmi suliassat assigiinngitsut.

Naatsorsuutigaarput illit:

• Naleqquttumik ilinniagaqarsimassasutit, ajornanngippallu suliassaqarfiit ilaat misilittagaqarfigissagitit.
• Namminersorlutit, aaqqissugaasumik sulisinnaassuseqartutit aammalu aqutsinermut ilisimasaqartutit.
• Sullissiumatuujussasutit suleqatikkuminarlutit qiimasuullutillu.
• Suliassat suliarinerini isumassarsiullaqqissusermik pitsaassusermillu takutitsisassasutit.
• IT-mik atuisinnaassuseqassasutit, matumani AutoCad-ip nalinginnaasumik atorsinnaanissaa.
• Titartakkatigut, allakkatigut oqalunnikkullu erseqqissumik siumullu takorluuisumik saqqummiussisinnaassasutit.

Ilinnut neqeroorutigisinnaasavut:

• Kommunimi sulineq pissanganartoq.
• Suliffik pikkunartunik suliassaqarfiusoq.
• Inuttut suliatigullu ineriartornissamut periarfissat pitsaasut.
• Suleqatit suleqatigiinnerlu pitsaasut.
• Kalaallit Nunaanni nunami kulturikkullu soqutiginaateqarnerit alutornaateqarnerit ilaanni pinngortitami misigisassat sunngiffimmilu sammisassat.

Naalakkersuisut aammalu atorfinittussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

Atorfimmut atasumik inissaqartitsisoqassaaq malittarisassat atuuttut malillugit sillimmatinut ineqarnermullu assigiinngitsunullu akiliuteqarfitgineqartartussamik.

Atorfinittussap ilaqutaasalu atorfininnermut atatillugu angalanermut nutsernermullu aningaasartuutaat kommunimit isumagineqassapput.

Atorfik pillugu paasissutissat sukumiinerusut perusukkaanni Sanaartornermut pisortamut Josef Kreutzmannimut oqarasuaat +299 64 82 42-imut sianerluni imaluunniit e-mailimut jokr@kujalleq.gl atorlugu saaffiginnilluni pissarsiarineqarsinnaapput.

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik  maajip ulluisa 19-ianni 2025.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: maajip 19.-at, 2025

Atorfik una qinnuteqarfigiuk