Isumaginninnermi siunnersortinik tallimanik tunniusimalluartunik Qaqortumi immikkoortortaqarfitsinniilertussanik ujartuivugut, atorfimmi tassani meeqqat inuusuttut kiisalu taakku angajoqqaavi suliani pinaveersaartitsinernut suliniutinut ikiorsiissutinullu tunngasuni sullinnissaat akisussaaffinni annerpaassaaq.
Qaqortumi meeqqanut ilaqutariinnullu suliassaqarfiup meeqqanut tunngasunik suliaqarfia isumaginninnermi siunnersortinik tallimanik pissarsiorpoq
Kommune Kujalleq meeqqanut ilaqutariinnullu ingerlatsivik oqartussat suliassaqarfiannik misilittagaqartunik tallimanik isumaginninnermi siunnersortissarsiorpoq decembarip aallaqqaataani 2024 imaluunniit immikkut isumaqatigiissuteqarnikkut atorfinittussanik.
Meeqqanut ilaqutariinnullu suliassaqarfimmik soqutiginnilluartuuguit kiisalu meeqqanik inuusuttunillu ukioqanngitsuniit aqqaneq-marluk akornanni ukiulinnut sullissisuusinnaaguit tassaasinnaavutit ujartugarput!
Atorfiup imarisai:
Isumaginninnermi siunnersortinik tallimanik tunniusimalluartunik Qaqortumi immikkoortortaqarfitsinniilertussanik ujartuivugut, atorfimmi tassani meeqqat inuusuttut kiisalu taakku angajoqqaavi suliani pinaveersaartitsinernut suliniutinut ikiorsiissutinullu tunngasuni sullinnissaat akisussaaffinni annerpaassaaq. Aamma nalunaarutinik suliaqarnerni vagtiuffik aaqqissuunneqassaaq, sullissisut paarlakaajaallutik vagtiusarlutik.
Pingaartipparput illit:
-
isumaginninnermi siunnersortitut tassungaluunniit attuumassutilimmut ilinniarsimasuusutit
-
meeqqanut tunngasutigut ukiuni qassiini misilittagaqartutit oqartussatullu sulinermut sulerusussuseqartutit
-
meeqqanut tapersiisarnermut inatsit inatsisillu attuumassuteqartut allat ilisimasaqarfigilluaritit
-
allakkatigut oqalunnikkullu attaveqallaqqissuusutit
-
nutaanik aaqqiissutissanillu eqqarsartuusutit
-
namminersorlutit aamma aaqqissuulluakkamik sulisinnaassasutit
-
suliffimmi avatangiisit pitsaasut pingaartikkitit
Kalaallit Nunaanni pissutsinik ilisimasaqarluassaatit kiisalu kalaallisut qallunaatullu oqalussinnaanissat pitsaasuussaaq.
Pingaarnertut suliassatit makkuussapput
-
Nalunaarummik tigusinermiit ikiorsiissutinik aallartitsinermi suliassat tamaasa
-
meeqqamik oqaloqatiginninnerit, angajoqqaanik oqaloqatiginninnerit, suliamut attuumassuteqartut ataatsimiinneri
-
tusarniaanerit ingerlattarlugit
-
iliuusissatut pilersaarutinik suliaqarneq/malitseqartitsineq, isumagininnermi misissuinernik suliaqarneq
-
qinnuteqaatinik suliaqarneq
-
aalajangiisartoqatigiinnut inassuteqaasiorneq
-
aalajangiinernik allagaqarneq
-
angajoqqaanik suleqatiginninneq
-
suliassaqarfimmi siunnersuineq ilitsersuinerlu
Pinerliisimannginnermut uppernarsaat/meeqqanik pinerliisimannginnermut uppernarsaat:
Atorfik una pinerliisimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu kommunip pinerliisimannginnermik allagartamik tigusinerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut nutaaliornissamullu inissaqartitsiffiusoq.
Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, nunatta kujataani kulturi pinngortitarlu qanimut misiginissaanut periarfissaqalissaatit.
Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.
Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.
Atorfik pillugu paasissutissat sukumiinerusut sulianik aqutsisumit Aannguaq Poulsenimit pissarsiarineqarsinnaapput e-mail aang@kujalleq.gl
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik oktobarip 29-anni 2024-mi nittartagarput aqqutigalugu kommunimit tiguneqareersimassapput.
MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: oktobarip 29.-at, 2024
Atorfik una qinnuteqarfigiuk
Dane kontaktowe
Kujalleq kommune
Anders Olsensvej
3920 Qaqortoq , Grønland
E-mail: Aang@kujalleq.gl
Udostępnij ofertę pracy na
Dostępne oferty pracy w tej samej firmie
Socialrådgiver til Nanortalik
Socialrådgiver søges til Nanortalik til at arbejde med børn og unge i alderen 0-17 år. Arbejdet indebærer rådgivning og støtte til familier samt samarbejde med andre fagpersoner.
Ilinniartitsisut arfinillitTasersuup Atuarfia
Ilinniartitsisut arfinillitTasersuup Atuarfia Kommune Kujalleq Qaqortumi ilinniartitsisussarsiorpoq jannuaarip ulluisa aallaqqaataat 2025 imaluunniit isumaqatigiissuteqarnikkut atorfinittussanik.
Atuarfik Napaartumi ilinniartitsisoq
Atuarfik Napaartumi ilinniartitsisoq i Narsarsuarmi søger en engageret medarbejder til at varetage forskellige opgaver. Stillingen er på fuld tid og er placeret i Sermersooq kommunen.
Isumaginninnermi ikiortiVuggestue “Vivi”
Vuggestue “Vivi” søger en engageret medarbejder til at passe børn i alderen 0-3 år. Arbejdstiden er fra kl. 06:45 til 16:30. Ansøgere skal have relevant uddannelse og erfaring inden for børnepasning.
Nanortalimmi Qatserisartut aqutsisuat
Nanortalimmi qatserisartut aqutsisuat. Annertuumik akisussaaffeqarlutit, aqutsisuullutit assigiinngissitaartunillu suliassaqarlutit sulilluarluartaruit, qatserisartunut pitsaasumik sinaakkutassaqartitsilluaruit immaqa tassaavutit qatserisartuni aqutsisussarput nutaaq januaarip ulluisa aallaqqaataani 2025 imaluunniit isumaqatigiissuteqarnikulluunniit atorfinittussamik.
Show more...
Tytuł stanowiska
Isumaginninnermut siunnersortit tallimatQaqortumi meeqqanut ilaqutariinnullu suliassaqarfiup meeqqanut tunngasunik suliaqarfia
Typ stanowiska
Pełny etat
Termin składania aplikacji
29 gru 2024
Osoba kontaktowa
Aannguaq Poulsenimit
Aang@kujalleq.gl
N/A
Job category
Inżynieria i technologia /
Zarządzanie w dziedzinie inżynierii i technologii
Dostępne oferty pracy w tej samej dziedzinie
Isumaginninnermut siunnersortit pingasutNanortalimmi Meeqqanut Ilaqutarinnullu Ingerlatsivimmi
Ledig stilling som Isumaginninnermut siunnersortit pingasutNanortalimmi Meeqqanut Ilaqutarinnullu Ingerlatsivimmi. Ansøgningsfrist er den 1. december...
Isumaginninnermut ikiortiMeeqqerivimmi “Inneriilat”-ni
Meeqqerivik “Inneriilat”-ni meeqqanut 76-nut naatsorsuussaavoq 0-3 ukiulinnut. Sulisut katillugit 20-put, taakkua iluanni pisortaq ilaalluni.
Fagchef for Børn og Familie
Qeqqata Kommunia søger en fagchef for Børne- og Familieområdet til en nyoprettet stilling. Som fagchef er du motiveret for at gøre en forskel for børn...
Driftschef
Driftschef søges til at varetage det overordnede ansvar for kommunens drifts- og vedligeholdelsesopgaver og projekter i Paamiut og bygderne i Vestgrøn...
