Periusissialerinermut siunnersorti

Tusassimut periusissiorit

Tusassip ingerlavissaanik aalajangeeqataarusuppit, tassuunatigullu suliffeqarfik periusissiatigut aallaavissaa tassuunatigullu periarfissaasinnaasut tamaasa ilaaffigalugit? Maannarpiaq Periusissiamut Piujuartitsinermullu immikkoortortaqarfimmi Periusissiamut siunnersortimik ujartuivugut.

Suliffik pillugu

Tusassi maanna periusissiami nutaamik ingerlatsileruttorpoq, tassuunalu suliffeqarfiup, siulittaasunit pisortanit suliffeqarfimmiillu tikkuussatut pilersaarusianit suliniutit maanna piviusunngortikkiartuleruttorpai. Periusissialerinermut siunnersortitut taamaammat periusissiaani anguniakkat atuutinneqalernissaat aallaavittut qitiusumik suiarissavatit, taamatullu suliffeqarfiup sinnera qanimut suleqatigissallugu.

Periusissiami Piujuartitsinermilu immikkoortortaqarfik suliami saniatigut suliffeqarfimmut arlaatigut misissuuisinnaatitaasarpoq, aalajangiissutissatigullu saqqummiussassanik suliaqartarluni ass. niuerutissanut nutaanut akinik inissiiniarnermi misissuinerit, hardware-inik atortussianik aningaasaliinissamut tunngatillugu nalilersuinerit aammalu niuernermi mutiusut naapertuuttoqarneranillu misissuinerit. Periusissiamut immikkoortortaqarfittaaq periusissiatigut suliniutinik aamma aningaasaliiffissanut tunngatillugu siulersuisunut atugassiat suliarisarpaat. Taamaasillunilu Periusissialerinermut siunnersortitut nunatsinni qullersaqarfiusunit annersaat ilaanni aqutsisarnernut qanimut suliaqarfigilernissaannut periarfissaqassaatit, tassanilu suliffeqarfimmut tikkuussisooqataasunut qitiusumik suleqataalerlutit.

Periusissialerinermut siunnersortitut Periusissiamut Piujuartitsinissamullu immikkoortortaqarfimmi pisortamut attaveqartuussaatit. Piujuartitsineq Tusassimut qitiusumik inissisimaveqarmat tamatumungattaaq soqutiginnikkuit iluaqutaangaatsiassaaq, tassa Tusassimi periusissiornermi piujuartitsinermut qanimut attuumassuseqartarnera tamatumunngalu EU-mit malittarisassaasut aallaavittut tunngavigineqartarmata. Tamatumunngalu atatillugu maanna Tusassip piujuartitsisinnaanermut tunngatillugu nalunaarusiortarnermi CSRD- aamma ESRS-compliant-itut angusaqalernissani anguniarpaa, taamaammallu tamatumuungattaaq ilisimasaqarsinnaanissaq iluaqutaangaatsiarsinnaalluni.

Illit

Aaqqissuussamik sulisinnaassuseqartutit, namminersorsinnaallutit, misissuisinnaassuseqarlutit, aaqqeerusussuseqarlutit aamma:

• Attuumassutilimmi kandidatitut ilinniarsimanissat aamma siunnersuisarfimmi ukiuni marlunnit tallimat tungaanut periusissialerinermik inerisaanermillu sullissisumit sulisimanissat imaluunniit suliffeqarfimmi periusissialerinermik suliaqarsimanissat
• Misissuisinnaalluartutit aamma ajoqutinik aaqqiissusiornissamut suliniutinillu suliaqarnissamut misilittagaqarluartutit
• Excel-imi PowerPoint-iliornermillu misilittagaqartutit
• Suleqatinik assigiinngitsunik aqutsisunillu suleqateqarluarsinnaassuseqartutit
• Anguniagaqarsinnaassuseqartutit naatsorsuutigisaniillu annertunermik tunniussisinnaassuseqarlutit
• Misiginneqateqarluarsinnaasutit nuannisaqataasinnaallutillu

Suliffiinnaanngilaq

Illit inuiaqatigiinni allanngueqataarusuttoq, attaveqaasiornermi assartuinermilu ataqatigiissaariniarnermi ajornakusoornarsinnaasuni, atuisunut periarfissanik takunnissinnaalluarluni suliaqarusuttuusutit ujartorpatsigit. 

Piginnaasaqarluaruit piumassuseqarlutillu atorfimmik ilinnooqqinnaartumik peqarpugut, tassanilu inuiaqatigiinni annertuumik takussaasumillu allanngueqataasinnaassuseqassallutit, taamaasiornissamullu sinaakkusersueqataasinnaanerit periarfissatsialaalluni.

Neqeroorutigaarput

• Suleqatigiit tunniusimasut suleqatigiilluarnissamillu pingaartitsisut ilaaffigilissavatit
• Atorfik akisussaaffimmik tigunniffiusoq allanngueqataaffiusorlu
• Suliffeqarfimmi pisortatigoorpallaanngitsumi suliatigut inuttullu ineriartorfissaqqissoq
• Piginnaasat naapertorlugit akissarsiassat tulluartut aamma suliffimmut atatillugu inissaqarneq tassungalu atatillugu nuuttoqartussaanermi assartuussisoqarnissaannut ikiuuttoqarsinnaasoq

Pilerisuppit?

Uani talerpiatatungaani toortagaq toorlugu qinnuteqaat CV-lu ilanngullugit nassiussinnaavatit.

Qinnuteqartumillu tulluartumik nassaartoqartillugu atorfik inuttalerneqarumaarpoq.

Atorfillu pillugu paasisaqarnerorusukkuit Periusissiamut Piujuartitsinermullu immikkoortortaqarfimmi pisortaq Niels Johan Krabbe oqarasuaatitigut attavigisinnaavat +299 48 79 06.

Tusarfiginissat qilanaaraarput!