Nanortalimmi ilaqutariit illuannut immikkoortortami aqutsisussarsiorpoq

Nanortalimmi ilaqutariit illuannut immikkoortortami aqutsisussarsiorpoq

Nanortalimmi ilaqutariit illuat immikkoortortami aqutsisussarsiorpoq septemberip ulluisa aallaqqaataat 2025 sulilertussamik, imaluunniit sukumiinerusumik isumaqatigiissuteqarnikkut.

Sulisut amerlassusiligaaneranni ilaqutariinnut siunnersorti/siusinaartumik suliniuteqarnermi sulisoq, inuusuttunut siunnersorti, ilaqutariinnut siunnersorti eqqiaasorlu ilaapput.

Sullissivimmi neqeroorutit arlallit allanngorartut susassaqartitsinermi ingerlanneqartarput.

Susassaqartitsinerit ilaat ataatsikkut ingerlanneqartartut ilaat uteqattaartinneqartarput.

Taakkunannga eqqaaneqarsinnaapput:

• Suliassanik aqutsineq agguaassinerlu
• Ilaqutariit illuannik ingerlatsinermut missingersuusianut killiliussanut aningaasatigut akisussaasoq
• Sullitanik naatsorsueqqissaarnermutakisussaasuuneq
• Ilaqutariinnik katsorsaanissamut sulianik qulakkeerinninneq, annermik tarnip pissusaanik ilisimasallit qitiusoqarfimmiittut Qaqortumi suleqatiginerisigut. Sullissisumik peqateqarluni siumoortumik nalilersuisoqartassasoq kiisalu siumoortumik oqaloqatiginnittoqartarlunilu ilaqutariit peqatigalugit killiffissiorluni ataatsimiittoqartassasoq.
• Sulisut sullitallu piginnaasatigut inuttullu ineriartornissaat
• Sulisut peqatigalugit sammisassanik pilersaarusiorneq, soorlu sullitanut aallaarsimaqatigiititsineq, sulisut peqatigalugit pilersaarusiornerit
• Sulisut ataatsimiinnissaannik pilersaarusiorneq ullormullu nalilersuisarneq

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Suliassat:

Immikkoortortami pisortap suliassaraattaaq aqutsineq suliassanillu agguaassineq. Ilaqutariit illuanni pikkorissartunik misissuinermut peqataaneqImmikkoortortami aqutsisoq Ilaqutariit illuanni suleqatini peqatigalugit ilaqutariinnut katsorsaanerit pitsaassusaanik qulakkeerinnittassaaq. Tamannalu Ilaqutariinnut Sullissivimmi aqutsisoq katsorsaanermullu akisussaasoq qanimut suleqatigalugit pisassaaq.

Sullissiviup susassaqartitsinerisa naatsorsoqqissaartarnissaat. Tarnip pissusaanik ilisimasalimmut susassaqartitsinerit/katsorsartinnerit taanna sulllissivimmilu pisortaq peqatigalugit pilersaarusiornerat. Isumaginninnermut Ataatsimiititaliamut ilaqutariit sullitallu pillugit saqqummiussassanik suliarinninneq. Ilinniaqqinnernut peqataaneq sulisunillu nakkutilliineq. Pikkorissartunik ilinniartitsineq aamma sullitanik innersuussanik katsorsaaneq. Qitiusumi pisortaq peqartinnagu suliassaq taanna pisortap tullersortaata akisussaaffigilersarpaa.

Akisussaaffeqarfiit.

Missingersuutinik aqutsineq, skemaliorneq, sulisunik attartorneq, suliffeqarfiup ingerlatsinera, suliffeqarfiup peqqissaartumik eqqortumillu pilersaarusiornera suliarineqarneralu, illup sulisuinik suleqateqarneq kommunimilu ingerlatsiviup suleqatigisarnissaa.

Ilinniagaqarsimanermit piumasaqaatit:

Sullissivimmi pisortaq inulerisutut perorsaasutulluunniit tunuliaqutilimmik ilinniagaqarsimassaaq.Tassunga atatillugu perorsaanermut tunngassutilimmik ilinniarnertuujussasoq, ukioq ataaseq pikkorissarsimassalluni, pædagogikki naammassisimassallugu assigisaannilluunniit ilinniagaqarsimanissaq naatsorsuutigineqarpoq. Aammattaaq immikkoortortami aqutsisoq aqutsinermik suleqatigiinnermillu misilittagaqassaaq. Soorunalimi pisortaq kalaallisut/danskisullu oqaaseqassaaq.

Inuttut piginnaasat:

Suleqatinut patajaatsunut aaqqissuussaalluartumik nutaaliornissamullu piginnaanilinnut tikkuussisinnaassaaq, pikkorissutsiminullu ilisimaarinnissalluni, taamaattorli aamma nutaanik ilinniarnissamik soqutiginnittuussalluni, inuttut piginnaaneqartussaalluni suleqatiminut avatangiisiminullu akornuteqanngitsumik maligassiorsinnaassuseqassalluni.

Akissarsiat – atorfinitsinneqarnermullu tunngasut:

Isumaqatigiissutit atuuttut aamma inuttut piginnaaneqarneq naapertorlugu atuutissapput. Angalanermi aningaasartuutit pequtinillu nuunnermut atatillugu aningaasartuutit akilerneqassapput. Kommune inissiamik naapertuuttumik pissarsinissamut ikiuussinnaavoq, kommunip sulinermut tunngatillugu inissaqartitsinermut aningaasaateqarfianit.

Sukumiinerusumik paasisaqarusukkuit Ilaqutariinnut Sullissiviup aqutsisoq Bibi Lund Kielsen-imut attaveqarsinnaavutit oqarasuaammut uunga: 56 56 37 imaluunniit e-mail: bilk@kujalleq.gl

Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri il. il. kingusinnerpaamik ulloq aggustip ulluisa 7-iat 2025 kommunimit tiguneqareersimassapput nittartagaq aqqutigalugu.

MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: aggustip 7.-at, 2025

Atorfik una qinnuteqarfigiuk