Isumaginninnermi siunnersortiNanortalimmi

Nanortalimmi inunnik isumaginninermut siunersortimik utoqqalinersiallit aammalu siusinaartumik pensionisiallinut

Kommune Kujalleq pensionsialeriffik Nanortalimmi immikkoortortaqarfia, isumaginninninnermut siunnersortimik ulloq Februar-ip aallaqqaataani 2025-imi atorfinittussamik imaluunniit isumaqatigiissuteqarnikkut inuttassarsiuivoq.

Kommune Kujalleq pensioninut tunngasunik sullisinermik ineriartortitsivoq, sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu Isumaginninnermut Siunnersortimik ineriartortitsinermut kivitseqataanissamullu peqataarusuttumik atorfinitsitsinissarput kissaatigalutigu.

Pensionsiaqarfiup qulakkiissavaa utoqqalinersiutinut, siusinaarlunilu pensioneqartunut taakkulu aamma nalilersorneqarnerat tunngatillugu sullissineq malittarisassat atuuttut najoqqutaralugit ingerlanneqassasoq.

 

Piumasaqaatit:

• Inunnik isumaginninnermi bacheloritut - inunnik isumaginnittutut - inunnik isumaginninnermi akunnermiliuttutut ilinniarsimasuunissaq.
• Pensioninut tunngasuni tamakkiisumik sullissinermi misilittagaqarnissaq.
• Pitsaasumik suleqatiginnissuseqarneq susassaqarfiillu akimorlugit suliffeqarfiup iluaniittunik avataaneersunillu suleqateqarsinnaaneq.
• Allaffissornikkut aningaasaqarnikkullu suliassanik misilittagaqarnissaq.
• Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullunilu sullisisinnaanermik piginnaaneqarneq.
• Suliassaqarfimmi ineriartortinneqartuartumi suliassanik unammillernartunik suliaqarnissamik nuannarisaqartutit

 

Atorfiup imarisai ilaatigut makkuupput:

• Malittarisassat atuuttut malillugit utoqqalinersiuteqarnermut tunngatillugu sullissinerup qulakkeerneqarnissaa.
• Innuttaasup maannakkut pisumi pisariaqartitai aallaavigalugit tapersiisutit aammalu atortorissaarut, iluaqutit tunniunneqartarnerisa malinnaavigineqarnissaat.
• Immikkoortortaqarfimmi suleqatigiinnissamik ineriartortitsinermilku pitsaasumik pilersitseqataassalluni eqeersimaartumillu peqataassalluni.
• Ilisarnaatinik malinnaaneq suliaqarnerlu
• Siusinaarluni soraarnerussutisiaqalernissamik qinnuteqaatinik nalilersuineq
• Siusinaarluni soraarnerussutisiaqareersut nalilersueqqiffiginissaat sulianut nalilersuineq
• Pitsaasutimut maleruagassat malillugit sulisinnaasuseqarneq
• Pittorlulersimasunut mislittagaqarnisamut tarnikkut aammalu timikkut iluaqutaasaqaaq
• Utoqqarnut inissianut tulleriiaarisartunut ilaasortaaneq

 

Inunnik isumaginnittoqarfik ilaatigut makkuninnga neqerooruteqarpoq:

Sulisoqatigiit akornani isumasioqateqarsinnaaneq periarfissaqarluarpoq suleqatigiit suliassanut pikkorissut akornani

Pensionisiaqarfiup ineriartorneranik malinnaanissaq eqqumaffigineqarnissaanik pisariaqarpoq matumanilu qinnuteqartoq atorfimmut tulluuttoq sunniuteqarnissaminut, akisussaaffeqarnissaminut ineriartortitsinissaminullu sunniuteqarsinnaalluni periarfissaqarpoq qullersarisaq qaninnerpaaq suleqatillu pitsaasut qanimut suleqatigilluinnarnersigut. Sapaatip akunneranut akunnerit 40-t suliffiusarput. Sulilersussaaq isumaginninnermut upalungaarsimasumik aaqqissuussinermut peqataasassaaq.

 

Pinerluuteqarsimannginnermik - Meeqqanik pinerliisimannginnermut uppernarsaat:

Atorfik una pillagaasimannginnerup allagartaanik pissarsinissamik pisussaatitaanerup inatsisaanut ilaavoq. Inatsit naapertorlugu pinerluuteqarsimannginnermut aamma meeqqanik pinerliisimannginnermut uppernarsaat kommunimit tiguneqareersimatinnagit sulineq aallartissinnaanngilaq. Atorfinitsitassamik toqqaaniarnermi pinerliisimannginnernut uppernarsaatit kommunimi naliliineranut ilaatinneqassapput.

 

Akissarsiat atorfimmilu atugassarititaasut, aamma atorfininnermi soraarnermilu angalaneq pequtillu assartorneqarnerat, atorfininnerup nalaani Naalakkersuisut Atorfillit Kattuffiallu akornganni Isumaginninnermi siunnersortit aamma suliassalerisartunut isumaqatigiissut atuutinneqassaaq.

Inissaqartitsisoqarsinnaavoq malittarisassat qaqugukkulluunniit atuuttut malillugit Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

 

Atorfik pillugu annertunerusumik paasisaqarusukkuit uunga Larseraq Poulsen mail: Lapo@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik jannuaarip ulluisa aqqaneq aappaat 2025-mi nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: januaarip 12.-at, 2025

Atorfik una qinnuteqarfigiuk