TullersortiMeeqqerivik

Meeqqerivik "Aqqaluk” pisortamut tullissarsiorpoq

ALLAGARSIUTEQQITAQ:

                                                             

Illit Perorsaasutut ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit. Pisortap tullia sulilissaaq juunip ulluisa aallaqqaataa 2025 imaluunniit isumaqatigiissuteqarnikkut.

Ulluunerani paaqqinniffik "Aqqaluk" 0-3 immikkoortap aappaani, 3-6 ukiullit immiikkoortap aappaani ukiulinnut 46-inut inissaqartitsivoq. Sulisut katillutik 17-pput pisortarlu taakkununnga ilaavoq.

Qaqortumi ulluunerani paaqqinniffiit sisamaapput, paaqqinnittarfiiit akornanni suleqatigiilluartoqarpoq. Aammattaaq pisariaqartitsisoqartillugu imminnut ikioqatigiittarnertik pingaartippaat.

Qaqortoq illoqarfiuvoq eqqissisimanartoq, ilinniartoqarfiusoq kusanarluinnartorlu.Ukiup ingerlanerani assigiinngitsunik sammisassaqartitsisoqartarpoq.

”Aqqaluk”-mi pisortamut tullersortinngoruit makkua akisussaaffigissavatit:

• Illup ingerlanganik sutigut tamatigut nakkutiginninneq, taassuma iluani allaffissorneq.
• Illup siunertaanik malititsiniartoq
• Angajoqqaanik suleqateqarnermi peqataalluarneq
• Perorsaanermik nakkutiginninneq ineriartortitsiuarnerlu
• Suleqatikkuminartoq, tarnikkut timikkullu nukittooq
• Killiliisinnaasoq
• Akisussaaffinnik tigusisinnaasoq
• Suleqatinik ataatsimoortitsisinnaasoq
• Ajornartorsiutinik qaangiinissamik aqqutissiuisinnaasoq
• Ulapaarfimmi paatsiveerutiaatsoq
• Aqutsinermik misilittagaqartoq
• Meeqqanut asannittoq tunniussimasorlu

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerat kingorna aatsaat atorfinittoqarsinnaavoq. Atorfinitsitassamik toqqaanniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Akissarsiatigut atorfeqarnermilu atugassarititaasut Naalakkersuisut Nunatsinni kiisalu Perorsaasut Kattuffiata isumaqatigiissutaat atuuttut naapertorlugit pissapput.

Avataaniit tikittunut inissaqartitsisoqarsinnaavoq malittarisassat atuuttut naapertorlugit akilerneqartartussamik.

Sukumiinerusumik paasisarusukkuit attavigisinnaavat Aqqalummi pisortaq Oline Olsen oqarasuaat 648334 e-mail aqqaluk@kujalleq.gl

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik apriilip ulluisa 30-at 2025.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: apriilip 30.-at, 2025

Atorfik una qinnuteqarfigiuk