Socialhjælper/socialmedhjælper til Paaqqinnittarfik Klubbeeraq

Atuareernerup kingorna ornittagaq Nanortalimmi isumaginninnermi ikiortimik pissarsiorpoq:

Paaqqinnittarfik Klubbeeraq, atuareernerup kingorna ornittagaq Nanortslimmi inissisimasoq, socialhjælperimik/socialmedhjælperilluunniit apriilip ulluisa aallaqqaataat 2025 isumaqatigiissuteqarnikkulluunniit sulilertussamik pissarsiorpoq.

Paaqqinnittarfik Klubbeeraq ulluinnarni atuartunit 1.-5.kl tikillugu atuareernerup kingorna ornittagaavoq, maannali aamma atuartut atuarnerup nalaani freertussaagaluit orniguffigisinnaagaat ammaffigineqarpoq.

Perusupparput:

• Meeqqanik sullissinissamut nuannarisalik
• Inimi meerarpassualimmi sulisinnaasoq
• Qiimasoq ammasorlu
• Suleqatikkuminartoq
• Nutaaliornissaminut eqqarsaatersuuteqarsinnaasoq
• Atuarfik paaqqinnittarfillu suleqatigiilluarnissaannut siunniussisinnaasoq
• Pilersaarutinik malinnissinnaassoq, meeqqanut susassaqartitsinissamut tunngasunik
• Piffissamik ataqqinnittoq
• Akisussaaffimmik angisuumik tigummiarsinnaasoq

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Atorfik isumaqatigiissutit malillugit akissaasersorneqassaaq.

Isu ikmaginninnermut iortitut ilinniagaqarsimanissaq piumasaqaataavoq. Kiisalu meeqqanut pinerlussimannginnermik allagartaqarnissaq, peqanngikkuit ikiuussinnaavugut pissarsiniarninni, pinerlussimannginnermut uppernarsaateqarnissaq eqqarsaatigalugu.

Atorfik pillugu annertunerusumik paasisaqarusukkuit Viceskoleinspektør Kristine Gedionsen ,

imalt mailerlutiluunniit krge@kujalleq.gl  paasissutissanik pissarsiniarsinnaavutit

 

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik februaarip ulluisa 27-iat2025-mi nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: februaarip 27.-at, 2025

Atorfik una qinnuteqarfigiuk