Elevhjemsleder

Atuartut angerlarsimaffiannut pisortaq:

Nanortalimmi atuartut angerlarsimaffiannut pisortamik nutaamik pissarsiorpugut februaarip ulluisa aallaqqaataa 2026 isumaqatigiissuteqarnikkulluunniit atorfinittussamik.

Pisortanngortussap suliassai:

Pisortap atuartut angerlarsimaffiata ingerlanneqarnera tamaat akisussaaffigissavaa.

Atuartut angerlarsimaffiat 30-nut inissaqarpoq, maannakkorpiarlu atuartut arfinillit tassani najugaqarput.

Sulisut pisortaaffigissavai ulluinnarnilu sulinerat aqussallugu.

Atuartut angerlarsimaffiata aningaasatigut aqunneqarnera akisussaaffigissavaa, atuarfimmullu akisussaassalluni.

Atuarfimmut, angajoqqaanut, inunnik isumaginnittoqarfimmullu suleqatiginninneq akisussaaffigissavaa, tamatigullu atuartut najugallit pitsaanerpaamik akisussaassuseqartumillu najugaqartinnissaat isumagissallugu.

Atuartut angerlarsimaffiani pisortanngortussap qaninnerpaatut pisortarissavaa Nanortallip Atuarfiani atuarfiup pisortaanera taasumalu tullersortaa

Ilinniagaqarnermut tunngasoq:

Isumaginninnermi Ikiortitut, Perorsaasutut imaluunniit inunnik isumaginninnermi siunnersortitut ilinniarsimaneq piumasaqaataavoq.

Imaattumik pisortartaarusuppugut:

• Sulisut allat atuarfiullu pisortaat suleqatigilluarlugit atuartut pitsaasumik toqqissisimanartumillu najugaqartinnissaanut pilersitsisinnaasumik.
• Aqutsinissamut, siunnersuinissamut ilitsersuinissamullu sulisunut allanut ingerlatsinissamut piginnaanilik.
• Suleqatiginnilluarsinnaassusilik.

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Atorfimmut atugassarititat:

Naalakkerusisut aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

Atorfinikkiartornermi angalaneq

Atorfinittussaq ilaqutaalu akiliunneqarlutik atorfinikkiartortarput, pisataallu nuunneqarnerat akiliunneqassalluni.

Inissaqartitsineq

Isumaqatigiissutit malillugit, atorfinittussaq inissaqamik neqeroorfigineqartussaavoq. Taamaattorli naatsorsuutigineqarsinnaavoq utaqqigallarnissaq. Taamaassappat utaqqiisaasumik inissaqartitaanissaq pissaaq, tamannalu maleruagassat malillugit akileraarutigineqartarpoq.

Atorfik pillugu annertunerusumik paasisaqarusukkuit saaffigissavat atuarfiup pisortaaenra Nicolaj Strange Lykke nily@kujalleq.gl

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik  jannuaarip ulluisa 20-iat 2026.

MALUGIUK: Qinnuteqaatit pappilissatigut e-mailikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput..

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: januaarip 20.-at, 2026

Atorfik una qinnuteqarfigiuk