Jobkonsulent

Majoriaq Qaqortumi jobkonsulent-issarsiorpoq

Qaqortumi Majoriaq jobkonsulent-imik pikkorissumik tunniusimasumillu pissarsiorpoq februaarip ulluisa aallaqqaataa 2026 imaluunniit isumaqatigiissuteqarnikkut atorfinittussamik.

Jobkonsulentip pingaarnertut makkuninnga suliaqartartussaavoq:

• Suliffissarsiortunik nalunaarsuineq
• Suliffissanik innersuussisarnerit
• Pikkorissarnernut piginnaangorsaqqittunillu ilitsersuineq sullissinerlu
• Aningaasarsiassanik, pikkorissarnernut il. il. nalunaaruteqarneq
• Winformatik-imut It-reg-imut allanullu qarasaasialerinermut ingerlatseriaatsinut nalunaarsuineq
• Suliffeqanngikkallarnermi ikiorsiissutinik naatsorsuineq, suliffissaaleqinermi napparsimanermillu tunngasunik
• Allaffimmi suliassat nalinginnaasut
• Pikkkorissarnissanut piareersaaneq ingerlatsinerl

Qinnuteqartumut piumasaqaatit:

• Allaffimmi ilinniagalik
• Immikkoortortaqarfinnut tamanut, innuttaasunut suliffeqarfinnullu suleqateqarluarsinnaasoq
• Ammasoq, aalajaatsoq kiisalu naammagittallaqqittoq
• Suliaminut peqqissaartoq
• Sulianik aallarnisaallaqqissoq aammalu namminersorluni suliaqallaqqissoq
• Misilittagaqarfigigitit Excel, Outlook,Winformatik, IT-Reg. (suliffimmi ilinniarneqarsinnaassaaq)

Akissarsiaqartitsisoqassaaq isumaqatigiissut Naalakkersuisut, aamma S.I.K. akornanni Niuernermi allaffinnilu sulisut pillugit overassistent-itut isumaqatigiissutaat malillugu.

Avataaniit tikittunut atorfimmut atasumik inissaqartitsisoqarsinnaanngilaq.

Atorfik pillugu paasissutissat sukumiinerusut pissarsiarineqarsinnaapput Majoriap pisortaa Karoline Lund saaffigalugu e-mail: kalu@kujalleq.gl

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik jannuaarip ulluisa 16-at 2026 nittartagarput kommunip nittartagaa atorlugu.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatinnik nittartagaq aqqutigalugu PDF-inngorlugit kommunip nittartagaatigut nassiussinissat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: januaarip 16.-at, 2026

Atorfik una qinnuteqarfigiuk