Suliniutinik sulialinnik aqutsisoq

Kommune Kujalleq suliniutinik aqutsisumik - Innarluutilinnut aamma Meeqqat inuusuttullu susassaqarfianni sulinermik ineriartortitseqataarusuttumik pissarsiorpoq

Oktobarip ulluisa aallaqqaataa 2025 isumaqatigiissuteqarnikkulluunniit atorfinittussaq.

Innuttaasunut innarluutilinnullu Ingerlatsivik qitiusumik inissisimaffigilerusuppiuk, atorfimmi meeqqat angerlarsimaffiup avataanut inissinneqarnikut aamma aqutsisunut tapersersuineq ukkataralugit suliffigalugu? Taava atorfissaqartippatsigit. Kommuuni Kujalleq aamma Naalakkersuisut suleqateqarnissamik isumaqatigiissutaanut atatillugu suliniutini aqutsisutut , suliniutit naammassinissaasa tungaanut malinnaasinnaasumik pissarsiorpugut.

Meeqqanut Inunnullu Innarluutilinnut Ingerlatsivik pingaartumik meeqqanut inuusuttuaqqanullu susassaqarfimmi ineriartortitseqataallunilu tapersersuisinnaasumik suliniummi aqutsisumik imaluunniit siunnersortimik pikkorissumik tunniusimasumillu pissarsiorpoq. Suliniutinut pingaarutilinnut suleqataassaatit, suliassaqarfimmi angerlarsimaffiup avataanut inissiinermik tunngassutillit suliaqarfigalugit meeqqat inuusuttuaqqallu angerlarsimaffiup avataanut inissinneqarsimasunut atugarisaannut allanngueqataanissamut periarfissaqassallutit.

Atorfik pillugu:

Suliniutini aqutsisutut suliassaqarfik inuit innarluutillit aamma meeqqat, inuusuttut, ilaqutariinnillu aarlerinartorsiortut aallutaralugit pitsanngorsaaviginissaannut suliniuteqassallutit.

Kommune Kujalleq aamma Naalakkersuisut peqatigiinnissamik isumaqatigiissut atsioqatigiissutigeqqamivaat, tassani siunertarineqarlunilu meeqqat aamma inuusuttut angerlatrsimaffiup avataanut inissinneqartartut amerlassusaasa appartinneqarnissaat.  Peqatigiinnissamik isumaqatigiissut suliniutinik assigiinngitsunik imaqassaaq, taakkunani suliniutini aqutsisuussaatit. Isumaginninnermi Aqutsisoqarfimmeersumik suliutinik aqutsisoq peqatigalugu suliniutit pitsaassutsimik akisussaassusilimmik tunniunneqarnissaat qulakkiissallugu.

Suliniutit angunianneranni ilaatigut malitsigisinnaavaa suliniutini suliarinninnermi siunnersortini avataanersuni suleqateqarnermi ataqatigiissaarinissarnissat, suleqatigisassanillu nutaanik isumaqatigiissuteqarnerit, malitseqartitsinerit aammalu suliap ingerlanerani nakkutiginninneq. Suliniut inuiaqatigiinnut pingaarutilik, naalakkersuinikkullu eqqumaffigineqarluartoq. piviusunngortinneqarnissaa qulakkeerinneqataaffigissavat,

Meeqqat inuusuttullu angerlarsimaffiup avataanut inissinneqartartut amerlassusaat ikilisarniarlugit anguniakkap piumasaqaatigivaa aqutsinikkut ulluinnarni tamakkiisumik isiginnissinnaaneq ulluinnarnilu ingerlatsineq pitsaasoq anguniarneqassasoq, tassani ingerlatsinermi pisortaq tapersersornissaanut pingaarutilimmik suliassaqassaatit.

suliassariligassappit ilagaat:

• Suliniutit aallaqqaaterpiaaniit isummersorneq suliniutillu piareeqqasup tunniunneqarnera.
• Kommunip iluani kominillu avataani suliassaqarfiit assigiinngitsut akornanni suleqateqarneq.
• Aningaasaqarneq aamma pitsaassutsimik qulakkeerineq
• Aqutsisunut tapersersuineq

Suliffik nammineq suliassatit qanoq sunniuteqarfiginissaat periarfissaqarfigilluassavat aamma meeqqanut inuusuttunullu aarlerinartorsiortunut ineriartortitsinermut iluaqutaasumik aaqqiinissamut taperseeqataanissarnut periarfissaqassallutit.

Kinaavit?

Suliamut attuumassutilimmik ilinniagaqqortuutut imaluunniit isumaginninnermut tunngasumik tunuliaqutaqarputit. Misilittagaqarsimasinnaavutit, ilinniagalittut naammasseqqammisoq imaluunnit tamatuma akornanni - pingaarnerpaajuvoq, illit:

• Akisisussaaffimmik tiguserusussuseqarnerit naammassisassanillu piviusunngortitserussuseqarnerit
• Alapernaatsoq aamma suleqatiginnikkusuttoq
• Ulluinnani ulapaarfiusuni eqqissisimasinnaasoq
• Ataasiakkaarisinnaallutillu tamakkiisumik isiginnissinnaavutit
• Kalaallit nunaanni isumaginninnerup susassaqarfianni aamma inuiaqatigiivi ilisimasaqarfigissagitit
• Kalaallisut danskisullu pitsaasunik piginnaasaqartutit

Sooq toqqassaneritsigut

Suliffeqarfimmi ulapaarfiusumi ilaalissaatit, innuttaasullu piginnaatitaaffii pitsaanerusumik qitiutillugit qulakkeerinneqataaffigalugit.

Tamatuma avataatsigut neqeroorutigaavut:

• Kommunip aamma Naalakkersuisut akornanni peqatigiinnissamik isumaqatigiissutaasup sunniuteqarfiginissaanut periarfissatsialak immikkuullarissoq.
• Kommunimi ineriartortorujussuarmi sulineq
• Suliffitsialak ulapaarfiusoq
• Suliassat unammillernarsinnaasut, Ilinniaqqinnissamullu periarfissaqarluartoq
• Suliffeqarfik kiffaanngissuseqarfiusoq, quianarsinnaasunut illarnermullu inissaqartitsisut

Qaqortumi inissisimavugut, kisianni Nanortalimmut aamma Narsamut sulinermut atatillugu angalasarnissaq periarfissaqarpoq.

Atorfik piaarnerpaamik inuttassarsiorneqarpoq.

Apeqqutissaqaruit saaffiginniinnassaatit: Ingerlatsivimmi pisortaq Tina Abildgaard tiab@kujalleq.gl

Atorfik ukioq 2026-ip naanerata tungaanut killiligaavoq, sivitsorneqarnissaali periarfissaavoq.

Suliffiup sumi inissisimanera: Qaqortoq.

Akissarsianut atorfeqarnermilu atugassarititaasut

Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik septembarip ulluisa aqqarnat 2025.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: septembarip 11.-at, 2025

Atorfik una qinnuteqarfigiuk