Isumaginninnermut Ingerlatsivik Kialaaq-mi aqutsisussarsiorpoq

Angerlarsimaffeqanngitsunut kialaarfimmi aqutsisumik pissarsiorpugut.

Isumaginninnermut Ingerlatsivik Kialaaq-mi aqutsisussarsiorpoq oktoberip ulluisa allaqqaataani 2025 imaluunniit sukumiinnerusumik isumaqatigiissuteqarnikkut atorfinittussamik.

Kialaaq pillugu

Ini kialaaq innuttaasunut sanngiinnerusunut pisariaqartitsisunullu matu ammasuuvoq, tassani pisariaqartitat nalinginnaanerpaat tunniunneqarsinnaallutik. Kialaarfiup isersimaartarfiani issiaartoqarsinnaavoq kissartunillu nerisaqarluni, oqaloqateqarnissamik pisariaqartitsinermi ilinniarsimasumik oqaloqateqartoqarsinnaavoq oqartussanik peqataasoqanngikkaluarluni. Sulisut innuttaasunik oqaloqateqarnissaminnik tusarnaarnissaminnillu tunuliaqutaqarput, siunnersuisinnaallutillu aqqutissiuisinnaallutik, ajornartorsiorfimmilu oqartussanut peqqinnissaqarfimmulluunniit attaveqarnissamik ikiuisinnaallutik. Kialaaq-mi atuisunik allanik peqateqarnissaq aamma periarfissaavoq, peqatigiinnikkut kiserliorneq annikillisarsinnaavoq, amerlasuutigut kiserliortut angerlarsimaffimminni mattullutik innuttaasut pisartut takussaasarmata. Kialaaq-mi assigiinngitsunik sammisassaqarpoq, nallukattat pinnguaatillu atuakkallu. Sulisut kialaarfimmi atuisunut ammasuussapput naliginnillutillu. Innuttaasut inuiaqatigiit akornanni ilungersorlutik inuupput - sanngiitsuupput inooqataanikkut, tarnikkut aningaasatigullu ajornartorsiutillit. Atornerluisuuneq, piitsuuneq, kiserliorneq, il. il. atuisut ajornartorsiutaat pisariaqartitaallu sulisut eqqummaarfigissavaat. Atuisunut ataasiakkaanut orniguttartunut isumassuinissaq, qanilaarnissaq ataqqinninnissarlu suliassaq pingaarnerpaavoq.

Atorfik pillugu

Aqutsitut ilaatigut makkua suliarissavatit:

• Aqutsineq ataqatigiissaarinerlu:
• Kialaaq-mi sulisut suliai sakkussaallu pitsaasumik ataqatigiissaarneqarnissaannik qulakkeerinninneq, tassungalu ilanngullugit sulisunik aqutsineq, suliassanik pilersaarusiorneq, pitsaassutsimik piumasaqaatinik aamma najukkami maleruagassanik eqquusitsineq il.il.
• Pitsaassutsimik qularnaarinninneq suliatigullu isummersueqatiginninneq:
• Kialaaq-mi sulisut ingerlaavartumik isummersoqatigalugit suliatigut ilitsersorlugit, taamaaliornikkut innuttaasunut pitsaanerpaamik aaqqiissuteqarsinnaaniassammata.
• Attaveqatigiinneq suleqatigiinnerlu:
• Immikkoortortanut avataanilu suleqatinut attaveqaqatiginninneq kiisalu aqutsisut, sulisut innuttaasullu attaveqaqatigiilluarnissaannik qulakkeerinninneq
• Suliassanik malitseqartitsineq nalunaaruteqartarnerlu:
• Suleqatigiit suliaannik malitseqartitsineq aammattaaq aqutsisunut inernernik kisitsisitugut naatsorsuutinik nalunaarusiorneq.
• Aqutsisoq aamma saqqumisussaavoq.

Pisariaqartitsineq naapertorlugu piffissat suliffiusut nikerarsinnaapput, ulluinnarni nalinginnaasumik nal. 08:00- 16:00 sulisoqartarpoq.

Ataani allaqqasut ilinnut naleqquppata, qinnuteqarnissat kaammattuutigissavarput:

Peqqinnissamut, perorsaanermik imaluunniit isumaginninnermut attuumassutilimmik tunngaviusumik immaqa ilinniagaqarsimavutit.

• Innuttaasunik atugarliortunik sullissinermik misilittagaqaruit pitsaassaaq.
• Aqutsinermi misilittagaqaruit pitsaassaaq. Sulianik pitsaasumik aaqqiiviginninnissaq qulakkeerniarlugu aqutsisutut killiliisinnaanissat pingaaruteqarpoq.
• Aaqqissuussaanikkut suliaqarnermik paasisimasaqarputit.
• Marluinnik kalaallisut danskisullu oqaaseqarneq iluaqutaassaq
• Outlookimik Wordimillu misilittagaqartutit.

Naatsorsuutigaarput illit inuttut:

• Pitsaasumik suleqataanissat pingaartippat
• Aaqqissuulluagaasumik ingerlataqarneq nuannarissagit
• Arlalinnik suliaqarlutit nuannarissagit
• Paasisaqarusussuseqarnissat, alapernaatsuunissat allallu isiginnittaasiinut akuerinnittuunissat
• Avammut sammisuusutit aamma kiffartuussiumatusutit
• Torersaartuusutit
• Aaqqiissutissarsiorsinnaasutit
• Namminersorlutit sulisinnaasutit

Neqeroorutigaavut:

Suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Suliffeqarfittut ulluinnarni suliassat assigiinngisitaartut suliatigullu unamminarsinnaasunik suliaqartarnissaq kiisalu pikkorissunik tunniusimasunillu, ilumoorsaaginnarfiunngitsumik oqaloqatigilluarsinnaasannik suleqatissaqarneq neqeroorutigaarput.

Pinerlussimannginnermut uppernarsaat:

Atorfik una pinerlussimannginnermik allagartamik pissarsiniarnissamik inatsisitigut piumasaqaateqarfiuvoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq atuulersinnaavoq. Taamaattumik erseqqissaatigineqassaaq ulloq atorfiniffissaq aatsaat isumaqatigiissutaasinnaammat kommunip pinerlussimannginnermik allagartamik politiinit tigusereernerata kingorna.

Akissarsiatigut atorfeqarnermilu atugassarititaasut:

Kalaallit Nunaanni Namminersorlutik Oqartussat kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.

Atorfinitsinneqartut qaammatini pingasuni misiligaassapput.

Atorfik pillugu paasissutissat sukumiinerusut kiisalu atorfimmi suliassanut nassuiaat paasissutissat Isumaginninnermut Ingerlatsivimmi fagchef Kirsten Johnsen saaffigalugu pissarisarineqarsinnaapput malikkut kijo@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik septembarip ulluisa 15-iat 2025-mi nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: septembarip 15.-at, 2025

Atorfik una qinnuteqarfigiuk